Jeremías 1:17 - La'qaatqa ñi qota'olec Qota'olec & Qota'olec Novita Na Qomyipi

¹⁷ Ca' nagui, ca' qami' na'ñaxachi', ca 'ñirapega ná'ogue ná'maq sa'xat ma'le caqami'. Totaxan ro'chita, ma' no'me', ca' ỹim i'loxol nqaishin qami' ma'le ma' vichita yi'maxare.

Jeremías 1:17 Iomraidhean Croise

1 Reyes 18:46

Ca co'na'le, ca' so Elías qaỹa'ue da lquesaxanaxa quiñi qara'gaxala'. Ca ỹa'maxachiñi saua loho, ca eec, ne'guenta, taigue da Jezreel, ca 'au ỹovi' queso Acab.

2 Reyes 1:15

Co'na'le, ca' so lelaatec piguim le'ec ñi qara'gaxala' 'naaco' queso Elías: —Mo'e', quitegue, totaxan ro'chi'i'. Ca' so Elías nenojñi, ca' quegue so nouaataxanaq lashi qaỹauega'a so nashi.

2 Reyes 4:29

Ca co'na'le, ca' so Eliseo 'naaco' queso Giezi: —Na'maxachiriñi, coñichiguit ana ỹashilete, ca' 'itegue da'maxare. Ca no'm 'ue ca nachiñira'guit, totaxan quiñi'o'. Chaqai no'm 'ue ca riquiñi', totaxan saachichiguito'. Ime, ca' ana ỹashilete lli'relec na lashic ca noctoqui'.

Job 38:3

Chaxañirim nagui ca la'ñaxac qavilli', ca' vite ca lopilaxaset naua inataxanaxaco:

Éxodo 3:12

Ca ñi qota'olec 'naaco' queso'maxare: —Ñauequeta'pegue' qami' ma'le. Ca' dajo dá'maq retanqui' quiyim chaqaỹim selachi': Ma' naqachira'a quiyi Egipto yi ỹalamaxareteripi, ca qamiá'ogue nqouagaxaiñiỹot aỹim ma'le canajo qa' ladocai.

Jeremías 1:18

Ca' ỹim nagui sa'yiñi qami' 'ec ca na'a' lodegaxat pootau'a nodaachiguiñi fierro na qaỹa'yiñi, 'ec qaỹapou'a quena bronce, qaiyi loqoichiguit yá'ogue yi qomyipi na'ñi yi 'laua Judá: na nashillipi, na'gaxalateripi chaqai na netaxaỹaxanqajanqaipi chaqai yá'ogue yi qomyipi quiyi'maxare.

Jeremías 17:18

'Viichi' ca ne'naxac ná'maq se yayaxanac, qam mesqai 'viichi' ca ñi'naxac; quiyim na'maxare no'chi nqai'ñi', qam ỹim se yo'chi. Vite quiyim taalec nqai'ñi' ca le'xoric, ná'ogue na'lliichiguiñi nqai'ñi', qaica 'nejem ca le'xoric nqai'ñi'. (17.19-27 Se qanapacalec yi na'xa'a co'mataxaqui.)

Jeremías 26:12

Ca' so Jeremías 'naaco' queso nashillipi chaqai queso qomyipi: —Ñi qara'gaxala', ñí'maq yila' setaqa quiyim npa'guene'e' najo no'ueenaxanaxaqui chaqai na na'a' lodegaxat dá'ogue dá'maq 'xahichigui qamiri.

Jeremías 26:2

ca 'naapega: Quirepegue' ñi no'ueenaxanaxaqui quena Jerusalén, ca' nachaachiriñi quiyi lavinñi yi nasoxoc. Ca' 'xachi' dá'ogue dá'maq selachirelec quiyim 'xachitem na qomyipi noviro quiyim nqouagaxain, chicqa'ogalo naua na'aate' leta'al quena 'laua Judá. Qaica cá'maq sqa 'xachi' quená'maq selachiraxalec.

Jeremías 36:8

Ca' so Baruc ỹo'uet dá'ogue dá'maq qohinapega queso netaxaỹaxaqui Jeremías, ca' quepegue' ñi no'ueenaxanaxaqui, ca' retaqalec da la'qaatec ñi qara'gaxala'.

Jonás 3:2

—Mo'e', quirepegue' yi chalego lecaic na'a' Nínive, ca' 'xachi'o' dá'maq shinapega ma'le qami'.

Lucas 12:35

Ỹaatqajam na'maxachitañi, ỹaviquetaugui nqai'ñii aca rcoỹeraxanaxaguii.

Hechos 20:20

Qam sqai saxanñi quiyim sa'qaataxantapeguema qamiri quedá'maq ỹo'uet ca ra'maxahi. Sapaxaguiñitac, ñichoxoteta, shiquetaguilo naua ra'aachiri.

Hechos 20:27

Ma' ỹaatqajam sa'xateta dá'ogue da ỹahotaque ỹo'uet ñi qota'a. Qaica ca soxotetañi.

1 Corintios 9:16

Caỹim mesqai 'ec ñimaqajan quiyim sa'xatetac da na'qaatec chicqaugui da nca'laxa, ma' chaqai qaỹamaxailec quiyim so'uet. Ma' ¡'xoraicolec aỹim no'm se sa'xat da'maxare!

1 Tesalonicenses 2:2

'Nesa ma' na' seuqata'ñi yi na'a' Filipos ỹaatqajam 'xoic da qanishiuenaxac, chaqai qaỹouaxanta'pe qomi', qam da'maxare mashic shi'gue 'yiiñita. Qam na' ñovitaxalo qamiri, ca' ñi qota'a qarotauan quiyim ra'ñiiguilo nqai'ne' naua qovilli' quiyim sa'xatqatapeguema qamiri dá'maq na'qaatec chicqaugui da nca'laxa chicqo'ot ñi qota'a. 'Eno'm seuqataugui ná'maq 'xoic qanpa'guenaxac.

1 Pedro 1:13

Ca vichiguiño' ỹaatqajam 'maxachichiguiñi ca ra'deenataxanaxaguii quiyim 'ue ca 'viichii, chaqai ỹaatqajam 'ajñita. Ỹaatqajam machiỹalec da naquitaxaguii da lqouagaxa ñi qota'a quecá'maq ỹaanema qamiri ma'le ma' liỹa re'oq so Jesucristo.