Jeremías 1:16 - La'qaatqa ñi qota'olec Qota'olec & Qota'olec Novita Na Qomyipi

¹⁶ Dajo dá'maq nouaxanaxaset so'uet ma'le sauaxat da lasauaxaset, ma' yalat ca'e aỹim na' copata'a na lichiinaxanaxat chaqai ỹa'dooto naua le'cootal na 'naac qota'olqaipi, chi lo'ueenatec yi'maxare.

Jeremías 1:16 Iomraidhean Croise

2 Reyes 22:17

Ma' na'maxare yalat na'le, ca ỹavigaxatetac na lichiinaxanaxat quiyim ỹaantacot na nashiilec nqolaquipi, ca' ỹaatqajam yo'ooqochit quená'ogue ná'maq ỹo'ueetetac. Ca vichiguiño' 'eco' ỹachipina'a da ỹonogoxonaxac quenajo 'laua, ca da'maxare qaica ca nemanñi nqai'en.

Isaías 2:8

¡Qam qai'neeta no'qajlec quena nashiilec nqolac! So qomyipi nqouagaxaintacot ná'maq 'neetapega qota'olec, qam lo'ueenatec quenaua chi lqai'laqate' chaqai quenaua chi napoquena.

Jeremías 19:4

Ma' na llaalqaipi so Israel ca'e aỹim, ca' ñigui quiyim 'ec ỹoqa'a najo 'laua; quenajo, ca ỹo'uet ca lichiinaxanaxat quena ỹoqa'a 'naac qota'olqaipi, qam se iuanapega, vire'ta so 'auaxaic leta'allipi chaqai na nashillipi quena Judá, ca no'xataxajlec quena leuoripi na qomyipi qaica ca lasauaxaset.

Jeremías 2:13

Na ỹalamaxareteripi mashic dos daua lasauaxasete': yalat ca'e aỹim, ỹim lahi' na huaxaỹaq ỹo'uet da nca'laxa, ca ỹo'uet aná'maq chi li'ỹa, ana ni'ỹa raqac, ca' sqai vigui na huaxaỹaq. (2.14-37 Dá'maq 'neeta quiyim se ỹaqamaq yi Israel. Da npa'guenaxac yi Israel, ca ta'chiguit quiyim qaỹa'ue ca nouaxanaxaset.)

Jeremías 4:12

ná'maq nonot ñila' ma'le paguec lquesaxanaxa quena'maxare, ma' nagui so'uet da sa'yiñi nouaxanaxaset na qomyipi quena Jerusalén.

Jeremías 4:28

Na 'laua no'xalec queda nachicoxo chaqai na piguim 'ue da nasouaxac. Ỹim setaqa, chaqai se netogochigui iuel; ta'ta'a quiyim sepacqajanchigui dá'maq shinac.

Jeremías 44:17

Ta'ta'a quiyim qolqatalec dá'maq so'ueetqatac, qolqatalec quiyim sahoqotaque na qarichiinaxanaxat chaqai ana qarachitaxanataxanqate quena lataxa cañi qarashiila lashi na piguim, dá'maq chaqai'en shinqatari', dá'maq chaqai 'neesari' saua 'auaxaqa qareta'al chaqai so qarashillipi chaqai so qara'gaxalateripi quiyi na'aateripi quiyi Judá chaqai quenaua nayico quiyi Jerusalén. Ma' queso 'xoic na qonoq, qara'maqachiguiñi, chaqai qaica ca qare'xoric.

Jeremías 7:9

Ocachii, lauataxañii, niyiquiñii, se ipaguigui quena' 'ue da 'xachii, 'ỹaañiỹot na richiinaxanaxachii ñi nashiilec Baal, chaqai 'yiỹoto naua re'cootallii na 'naac qota'olqaipi sqa 'iỹapegueu'a.

Ezequiel 16:18

Ca ñi'riguilo naua neloxoquichi' lo'yaxanqa naua lashiigo', chaqai 'ỹaañitot na ñi'aceite chaqai na ichiinaxanaxat.

Oseas 11:2

Qam na' paguec soỹaxantapega, ca' paguec nqo'neetauec caỹim. Na ỹalamaxareteripi copata'a na lachitaxanataxanaxat quená'maq 'naac qota'olqaipi, chaqai ỹa'ue na lichiinaxanaxat quena lashiilqaipi.

Joel 2:11

Ñi qara'gaxala' 'auetauec queso nalliripi, qara'xaỹaque nqai'en da lauel 'ec soxonaxa. Ỹaatqajam 'xoic so nalliripi; tot qaica ca naloqochin só'maq ilaretac. ¡Chalego lecaic chaqai da lichic só'maq na'xa'a loviraxaqui ñi qara'gaxala'! Ỹaatqajam qaica ca ishit quepaxata'guit.

Hechos 7:41

Ca' so qomyipi ỹo'ueeto' so huaqui llaalec, ỹahotaque la'gaxala'. Ca co'na' ime, ca ralauataxanlec quená'maq chi laloipi, ỹa'ue lachitaxanataxanaxat quiyim ỹaanot so ladenqatec. Ca netoonta'pegue só'maq chi lo'ueenatec.

Josué 24:20

Qam no'm qamiri tot qoquiilec lachii ñi qara'gaxala', ca' quiigue na nqolaquipi, ca' ñi'maxare ishit ỹo'uet ca se no'uen caqamiri. 'Eno'm 'xoic da re'qoochigui lqouagaxa caqamiri, qam qaiyiita nalauachiñi qamiri ma'le.

Apocalipsis 9:20

Qam quená'maq no'ueenañi qomyipi se ileuapeguema saua nqa'viico, ñaqaina queetalec quiyim ỹo'ueetetac na se no'uen, chaqai sqai ỹaxanñi quiyim pe'eetapega na lelaatqaipi se re'xogui so na'ỹaapec, chaqai na nashiilec nqolac 'oro, plata, bronce, qa', chaqai na qo'paq, ná'maq se ishit reuanaxan, sqa 'qaa, chaqai se qaua.