Isaías 9:3 - La'qaatqa ñi qota'olec Qota'olec & Qota'olec Novita Na Qomyipi

³ Qami' qara'gaxala', noviraxachi' da naỹaac; chalego lecaic da toonaxac. Ná'ogue netoonta'gue qami' 'ec yí'maq quena' ỹovirelec qanaqat ca nanecsec ala, netoontagui 'ec dá'maq quena' qaimeenec da nesallaxa.

Isaías 9:3 Iomraidhean Croise

Salmos 107:38

Ca ñi'maxare nqouaguegue, ca' nqo'neuec nqai'en so ni'ic, chaqai se naqaguiñi, ta'ta'a quiyim nqo'neetauec nqai'en so laloipi.

Isaías 14:5

Ñi qara'gaxala' ỹaqaiguichigui da lquesaxanaxa ñi hualoxonaq, ỹaqaguitetajlec aca lelaataxanqate ñi qa'uaic,

Isaías 25:9

Ca' quecajo na'xa'a, ca' qohinac: Ñijo ñí'maq qota'olec coqomi', ñi'maxare spi'ỹaaqa'a, ca ñi'maxare qarca'laxatec. Saỹaaquioqotalec, ñitoonqata'gue, ma' ñi'maxare mashic qarca'laxatec. (26.1—28.6 Qaỹo'ueenta'uegue da nauegaxanaxac. Da lca'laxa ma'le yi Israel. Qaraqata yi Samaria.)

Isaías 35:10

ná'maq ñi qara'gaxala' mashic naqatec quiyim na'ac; ro'ueenaxanta'pegue' ma' inoxono quiyi Sión queda netoonaxac, chaqai queda nachaalataxac se neme da laỹaac. Ỹanata da la'maxa chaqai da loyac chaqai palac ma'le da ỹenaxac chaqai da nqui'ic. (36.1—39.8 Qanaqajñi yi Judá queso lashi yi Siria, leenaxat Senaquerib. Ñi qota'olec ro'ootaxanlec yi Jerusalén, ca ỹo'uet da ne'laxa quedá'maq 'ne'tegue. Na' ralola chaqai na' qanataren so nashi Ezequías.)

Isaías 35:2

ca 'ue ana lenoỹaxai 'nejem ana peue lirio, no'xagui ma'le queda toonaxac chaqai da naỹaac. Ñi qota'olec chalego loyac nqai'en 'nejem ma'le yi 'laua Líbano, chalego lo'ualaxa ma'le 'nejem yi quemarelec Carmelo chaqai yi ca'megue Sarón. Ná'ogue iuana ma'le da lauaq ñi qara'gaxala', da lecaic quiyim nashi ñi qota'olec coqomi'.

Isaías 54:1

Qami' Jerusalén, qami' 'ec aca 'aalo se co'o, qami' se ỹauanapega co'ii', raualqaisari' queda raỹaaqui', nachipishiguim nqai'ñi' ca ro'viinqui' queda netoonaxaqui', ma' ñi qara'gaxala' 'naac caqami': “Aca 'aalo nalate paguec ma'le ca llaalqaipi cana 'aalo 'ue ca loua.”

Isaías 61:10

Chalego da la'maxa iuel chaqai 'xoic da ñitoonaxac quiñi qara'gaxala' qota'olec, ma' ñi'maxare 'xoic da lotaanaxanaxac caỹim, ¡ỹaatqajam ỹa'ue da ỹoxonaxanaxac! Shinta ca sham shilo quena' no'ueet ỹanñi aca no'uen nado'o, chaqai aca 'aalo sham shilo ỹañiñi naua no'ueetqate'.

Isaías 61:7

Ma' na ỹalamaxareteripi 'xoic na'le da le'xoric ma' ỹaatqajam se qanqo'ta chaqai qanoquiaatapega, vichiguiño' quená'maq chi la'a' na'laua, ca' paguec ca icoñiguit nesallaxa, ca' 'ue da netoonaxac qaica lqodoc ma'le.

Isaías 65:18

Ỹaatqajam se neme ma'le da raỹaaguii chaqai ca netoonaxaguii quecá'maq dalaxaic so'uet, ma' ỹim so'uet ma'le quena Jerusalén ca chalego neuagaxa, chaqai 'xoic ca netoonaxac ná'maq qomyipi la'a' na'maxare.

Jeremías 31:7

Ñi qara'gaxala' 'naac: 'Ueenaxañii queda netoonaxaguii chaqai da raỹaaguii qamiri lalamaxareteripi so Jacob, ná'maq ỹapacauec quená'ogue na ỹoreta'oguit qomyipi. 'Viichii quiyim qara'xaỹa ca ro'ueenaxanaxaguii chaqai 'ñiỹac: Ñi qara'gaxala' nca'laxatec na lalamaxareteripi, ná'maq no'ueenashiguim na'le queso Israel llaalqaipi.

Lucas 11:22

Qam no'm novi' ca liỹa ỹale paguec ca la'ñaxac queso'maxare, ca loxonec. Ime, ca' rouootaxana'gue ná'ogue na lo'goxonqateripi ná'maq pe'eetapega, ca' chaqa ỹoiquentac ná'maq louootaxanqateripi.

Hechos 8:8

Vichiguiño' 'xoic da netoonaxac so qomyipi quiyi na'a'.

Filipenses 4:4

Naua'que naua na'xata' netooñita'gue so qara'gaxala'. Liỹa sopilalec shinac: ¡netooñitac!

1 Pedro 1:8

Ma' qamiri 'xoriñii so Jesucristo, 'eno'm sqai huañiỹa; chaqai quiyim viilec so'maxare nagui quiyim sqai huañiỹa, ca' ỹaatqajam chalego da netoonaxaguii chaqai da lemaqachic, ca da'maxare se ishit qaichoxochichigui,

Jueces 7:22

Ca' so trescientos Israel llaalqaipi queetalec quiyim pe'teetapigui ana lpe'te qagreta loua' lasote. Ca' ñi qara'gaxala' ỹo'uet quiyim chi nalauajta' so Madián llaalqaipi chaqai quiyim 'eet, taigue da Bet-sita queso nayic queda Zerera. Ca' chi ỹovireta'a yi lqodoc yi Abel-mehola, huaqate'e' yi Tabat. (7.23—8.35 Qaico'uajlec so Madián llaalqaipi, ca qanaqachiñi saua lashil.)