Isaías 8:7 - La'qaatqa ñi qota'olec Qota'olec & Qota'olec Novita Na Qomyipi

⁷ ca ñi qara'gaxala' i'paxanlec nqai'en quena lo'paxa chicqa'oga aso lachiugue Eufrates (qam da leloxoỹaxac 'neetasa': quiyim ñi nashi quiyi Asiria ỹomatalec najo ma'le da lquesaxanaxa). Ca que'ueguelo ma'le naua lasote, ca ỹovirete'ueguelo naua'que naua lahil,

Isaías 8:7 Iomraidhean Croise

Génesis 6:17

Ma' ỹim ñila' ma'le ca ỹaxat, ca' i'paxanlec nqai'en na 'laua. Ca nomajñi ma'le ná'ogue ná'maq 'ue na lacat quenaua'que naua lahil na 'laua. Ca ná'ogue ná'maq hueetalec ana 'laua ileu ma'le.

2 Reyes 19:32

Ca dá'maq la'qaatec ñi qara'gaxala' taỹalec ñi nashi quiyi Asiria 'neetasa': Se qainoxona'a ma'le yi Jerusalén, se qaỹahina'a queca novic, se qoyiga'a qaỹahote'e aca nquepaqataxanqate, chaqai se qaimejlec naua ñiquishiguim quenaua lahil.

Salmos 46:4

Aso lachiugue chaqai na taỹau'alo ñaachi ỹo'uet da netoonaxac yi qota'olec la'a' yí'maq paguec co'teeta quena la'aateripi ñí'maq ỹapacauec quená'ogue.

Isaías 28:15

Qamiri 'ñiỹac: Qomi' shi'gue ña'deenaxa'e' so nelauaxa, ña'maxataxa'e' só'maq ỹoiquentac na leuaxaiquipi, qaiyi ma' naguelecna ca ne'xoric, ca' se ỹovitalo qomi'; sedaanqaque quiyim ñañoxotaxaugui da na'maachic, se'guenaxaugui da nayinaxanaxac.

Isaías 28:17

Ca' quecajo qano'xonshiguim quiyim ỹalamqachiguiñi nqaishin sahote'e da 'maxaraic no'ueenataxanaxac, chaqai quiyim qanaloqojonta' sahote'e da 'maxataxaric. Ca cá'maq 'xachitac nañoxochiugui, daañitaque nañoxochiugui da na'maachic qaỹopoxoỹaxachigui ma'le caca qalachi, ca' ca huaxaỹaq i'paxanlec nqai'en ca re'guenqari.

Isaías 43:2

No'm quiriñigui ca huaxaỹaq, ỹim iỹaatac qami', loqo'm quiyim paquira'ta aca lachiugue, sqai homirac; loqo'm quiyim quiichiriñigui ca norec, qam se raviqui', qaica ca 'negue na lauaq caqami'.

Isaías 59:19

Ná'ogue na qomyipi neetalec najo 'laua, queda lqodoigue chaqai da lauashiguim, lediỹalec ma'le ñi qara'gaxala' ma' iuana da lecaic quiyim nashi, ma' ñi'maxare ma' nac, ca 'ec aca lachiugue nqo'ñishiguim na huaxaỹaq, qaidaxan queca nonot lodegaxat.

Isaías 7:17

Ñi qara'gaxala' taalec nqai'en qami', chaqai na qauochi' chaqai na qachaalaxai'ipi, cauajo na'xata' 'xoic la'aaqa' se ỹauanapega 'neeta, shi'gue na' so llaalqaipi so Efraín noỹootec queso llaalqaipi so Judá. (Ca' quedajo 'neetapega so nashi quiyi Asiria.) (7.18-25 Da netanec so Emanuel.)

Amós 8:8

Ca vichiguiño' i'loxol ma'le na 'laua quedá'ogue dajo, ca noỹentagui ma'le ná'ogue na neetalec na 'laua. ¡Na 'laua noquiicshiguim chaqai nqo'ñiñi, 'ec na huaxaỹaq caso lachiugue Nilo!

Miqueas 1:9

Ma' yi lcoñiraxa yi Samaria tot qaica nataren. Da nouaxanaxaset ỹovira'oga yi Judá chaqai qai'neeta sham ỹovira'oga yi Jerusalén, yí'maq na'a' lodegaxat neeta'ñi yí'maq ỹalamaxareteripi. (1.10-16 So npa'guenaxauaripi noquiiga'a yi Israel.)

Miqueas 5:4

Cajo nashi ne'laxashiguim ma'le quiyim reloxoỹa'a na lalamaxareteripi queda lquesaxanaxa chaqai da lecaic ñi qara'gaxala' qota'olec. Ca 'xoic ca no'daxa ma'le quenajo, ma' cajo nashi qaimaqachin ma'le quenaua'que naua lahil na 'laua.

Miqueas 5:5

Ca'maxare noviraxat ma'le da no'daxa. (5.5b-15 Ñi qara'gaxala' qa'viỹa'gue ma'le na ỹoqa'a qomyipi.)

Lucas 6:48

ca'maxare 'nejem ca ỹale quiyim ỹo'uet ca lauo', ca' 'au quiyim ri'ỹaxan, ỹaatqajam qoỹoqochi'ñigui nqai'en ca li'ỹac. Ime, ca' pa'xanañi ca qa', ca' no'xonshiguim ca 'imec. Ca co'na' ỹovita nqo'ñishiguim aso lachiugue, ca' anac na huaxaỹaq ỹaatqajam quesaxan na lo'paxa quiyim ỹouaxanot cajo 'imec. Qam se ishit idaxanac, ma' so 'imec no'xontalec nqohin so qa'.

Apocalipsis 17:15

Qai'neeta 'naac caỹim so nelaatec piguim le'ec: —Só'maq huañita huaaxaipi só'maq nqa'xantalec aso nedequenaxai, na'maxare chaqaina ná'ogue na qomyipi ỹoreta'oguit na la'qaatec.