Isaías 8:6 - La'qaatqa ñi qota'olec Qota'olec & Qota'olec Novita Na Qomyipi

⁶ Ma' ỹaatqajam no'cha'a najo qomyipi ñi nashi Rezín chaqai ñi liỹa nashi, llaalec so Remalías, vichiguiño' ỹañijin na huaxaỹaq caso ñaachi Siloé, quiyim queeta nichireta,

Isaías 8:6 Iomraidhean Croise

Salmos 46:4

Aso lachiugue chaqai na taỹau'alo ñaachi ỹo'uet da netoonaxac yi qota'olec la'a' yí'maq paguec co'teeta quena la'aateripi ñí'maq ỹapacauec quená'ogue.

Isaías 1:20

Qam no'm qaiyiita se na'xaỹaxañii, ca' qaica lata' quiyim qaralauachii ma'le queca lauataq. Chaqaiñi ñi qara'gaxala' ñí'maq ỹa'xat dajo.

Isaías 30:12

Vichiguiño' ñí'maq co'teeta qota'olec quiyi Israel 'naac: Qamiri sqai coñiguita naua ỹaqataxaco, chaqai paguec viilec na nqa'viic chaqai na se no'uen, qainauate' pi'ỹa'alo;

Isaías 5:24

Ca' chaqaida dá'maq 'neeta na norec quena' ỹavigaxat na 'uaqapi chaqai na lauaq ỹavicañi nqai'en ana laue lasooxoi, ca chaqaida 'neete' qamiri ma' ra'lliỹañi, 'ec ana qo'paq ỹasoochi'ñoto naua lpa'yii chaqai ana lenoỹaxai sogui 'ec na lo. Ma' sqai coñiguit da napaxaguinataxanaxac chaqai da naqataxac quiñi qara'gaxala' sqaica lqalanec, ñí'maq co'teeta qota'olec quena Israel. (5.25-30 Nouaxanaxaset na nemaqajnaxairipi. Ñi qota'olec nelata yi Israel so qomyipi qoỹoqo'tegue da na'gue quiyim nco'ỹa'e'.)

Isaías 7:4

Ca 'ñiraco' ma'le: Rovichisari'o', qam totaxan ro'daxachirec; se ro'chi'i' chaqai sqai 'miaxachira'alo saua 'ec dos norec lasoqo nichiisashiguim, Rezín chaqai so lauo' sirioipi, chaqai ñi llaalec so Remalías, 'ec ỹaviquetauguilo queda lauele'.

Isaías 7:6

Qolaxau'a yi Judá, ca no'chi nqaishinaq; souootaxanqa'gue yi na'laua, ca sanaxauo quiyim nashi ma'le ñi llaalec ñi Tabeel.

Isaías 8:5

Ca' ñi qara'gaxala' liỹa 'naac caỹim:

Jeremías 2:13

Na ỹalamaxareteripi mashic dos daua lasauaxasete': yalat ca'e aỹim, ỹim lahi' na huaxaỹaq ỹo'uet da nca'laxa, ca ỹo'uet aná'maq chi li'ỹa, ana ni'ỹa raqac, ca' sqai vigui na huaxaỹaq. (2.14-37 Dá'maq 'neeta quiyim se ỹaqamaq yi Israel. Da npa'guenaxac yi Israel, ca ta'chiguit quiyim qaỹa'ue ca nouaxanaxaset.)

Lucas 13:4

Loqo'm 'ñiitapega quesaua dieciocho qaipataqarañi co'na' 'guiñi aso naue na'ñi yi Siloé, ¿peeta'a 'ñiitapega paguec sauaqhuaiquipi quená'ogue na neeta'ñi yi Jerusalén?

Juan 9:7

Ca co'na'le, ca 'naaco': —Mo'e', nquiỹo'e' cañi huaxaỹaq lahi' Siloé —ca' da leloxoỹaxac dajo neenaxat Siloé 'naac qaila'. Ca' so qai'laq eec, nquiỹo. Ca co'na' rapil, ca neuanchiguiñi.