Isaías 6:3 - La'qaatqa ñi qota'olec Qota'olec & Qota'olec Novita Na Qomyipi

³ Chaqai quena' retaxahi' 'neracsa': Co'teeta, co'teeta, co'teeta ñí'maq qara'gaxala' qaica ca lqalanec; ná'ogue na 'laua no'qajlec queda lauaq.

Isaías 6:3 Iomraidhean Croise

Esdras 3:11

Ca' queso qomyipi 'uo' quen na ro'ueenaxantac, chaqai 'uo' quen na ỹa'ue da lopilaxaset, 'naaco' quen: —'Ỹaañiỹot da na'aachicyaxaguii ñi qota'olec, ma' ñi'maxare ỹaatqajam huagaxaraic, chaqai da lqo'iichi quena llaalqaipi so Israel sqaica lqodoc. Chaqai sá'ogue so qomyipi ỹaualqatagui queda netoonaxac chaqai imaqachintac ñi qota'olec, ma' mashic liỹa qano'xonshiguim ñi qouagaxainaxaqui quiñi qota'olec.

Salmos 8:2

Queda lemaqajnataxanaxa na ñaaqaipioqui' chaqai ná'maq ñaqai llipetac, ca no'xoñirishiguim ca re'guenaxagui'i', sauaxat na npa'guenaxaua'e'ipi, qaiyi nomachichiriñi na sqai huelec qami' chaqai ná'maq se reuojñi'.

Salmos 90:16

¡'Viichi' coqomi' relaataxahi' chaqai quena qochaalqaipi, qaiyi iuanchirigui da ro'ueenataxanaxaqui' chaqai da recaiqui'!

Éxodo 15:11

Qami' qara'gaxala', ¡ỹaatqajam qaica ca liỹa nalo'guit aqami'! ¡Qaica ca co'teeta chaqai lodegaxat 'nejem qami'! ¡Ma' 'viichi' na ỹo'uet ca ne'laxa chaqai 'xoic lichic! ¡Ca' ta'chiguit quiyim qaimaqachin qami'!

Isaías 40:5

Ca ma'le, ca' ñi qota'olec ỹachaxan da lauaq, ca ma'le, ca ná'ogue na qomyipi ỹauana. Ma' chaqaiñi ñi'maxare 'naac dajo.

Isaías 54:5

ma' ñí'maq qami' lo'ueenata icona qami' ma'le quiyim qami' loua. Ca' dá'maq leenaxat ñi'maxare na'gaxala' qaica lqalanec; ñí'maq naqata'a qami', ñi'maxare co'teeta qota'olec quiyi Israel, ñi'maxare qota'olec quená'ogue na 'laua.

Ezequiel 43:2

chaqai seuana da lauaq ñi qota'olec quiyi Israel chicqa'gue da lqodoigue. Ca' 'ue so sa'xaỹaque 'xoic lelamaxa, 'ec da lelamaxa ana lachiugue quena' nqo'ñishiguim na huaxaỹaq. Ca' na 'laua re'qojlec.

Zacarías 14:9

Ca' quecajo na'xa'a, ca' ñi qara'gaxala' ỹoiquentac ma'le ná'ogue na 'laua. Ca ma'le, ca' qaiñiita ñi qara'gaxala', chaqai qai'neeta qanodaqajantec da leenaxat.

Efesios 1:18

Ca sashiilatac ñi qota'a quiyim coỹarigui yi ra'deenataxanaxaguii, qaiyi 'yiiñii cá'maq 'neeta ca naquitaxaguii quiyim qaroỹaxañiỹaxaua', chaqai dá'maq chalego lecaic nesallaxa ỹaanec ma'le ñi qota'a quená'maq lalamaxareteripi,