Isaías 6:2 - La'qaatqa ñi qota'olec Qota'olec & Qota'olec Novita Na Qomyipi

² Ca' 'vii saua ỹaviquetauguilo pa'aasashiguim queso'maxare. Seis naua laua' quiñi 'óna, quesaua dos laua' ỹapoosagui na lashic, quesaua liỹa' dos ỹapoosalec na hua'nquira quena loshicmaxa, chaqai quesaua liỹa' dos, ca' ỹo'.

Isaías 6:2 Iomraidhean Croise

Génesis 17:3

Ca' so Abram ni'iiñi, ỹoviraqta'guit na latap na 'laua co'na' ñaq retaqatac ñi qota'olec, 'naaco':

1 Reyes 19:13

Ca' so Elías co'na' 'xaỹaque so'maxare, ca' ỹapogui na lashic queso lapo'. Ca' nenoxonec, ca' hueete'e na lahi ñi ñigo queso lauac. Co'na'le, ca 'xaỹaque so nivillaxac 'naaco' queso'maxare: —Elías, ¿negue' cá'maq 'ñi'sa'pegue quenajo?

1 Reyes 22:19

Ca' so Micaías lotqai 'naaco': —Quedá'maq 'ñirac nagui, ca' na'xaỹaxañita dá'maq la'qaatec ñi qara'gaxala': Seuana ñi qota'olec nqa'xantañigui añi nqa'xanaxaqui quiyim nashi, chaqai ná'ogue na lelaatqaipi piguim laseripi ra'iito'ot, hueeta'gue da loic chaqai da nemaq.

1 Reyes 8:7

Ca saua'maxare ỹauatetaguilo naua laua', nalooterelec yí'maq qoỹana'ñi aso lahite' saua naqataxaco chaqai saua neconqa.

Job 1:6

Ca 'uo' so na'xa'a quiyim quepegue' ñi qara'gaxala' so lelaatqaipi piguim laseripi. Ca qai'neeto' ỹoviro so na'ỹaapec só'maq viraqataxanaxai ỹalequetauguilo saua'maxare.

Job 4:18

Ca vire'ta na lelaatqaipi piguim laseripi mesqaica cá'maq ỹaatqajam qaipi'ỹa'a, ma' vire'ta na nelaatqaipi piguim laseripi qaica ma' 'ue quet ca qaica ca la'axaset quiñi qota'olec.

Salmos 103:20

¡Maqachiñii ñi qara'gaxala', qamiri nelaatqaipi piguim laseripi! Qamiri ma' 'viichii' nauá'maq qaramaxailgoto, qamiri ma' na'maxachitañi quiyim na'xaỹaxañita.

Salmos 104:4

Na nonot chaqaina na ra'qaataxanqajanqui', chaqai relaataxahi' naua norqa lauaxa'.

Éxodo 25:20

Ca 'óna reloqota'guit ca liỹa, qam na'iisa'ña aca lapooquete. Ca' naua laua' ỹiquesauec, nalooterelec aca lapooquete, 'ec la'altalec nqai'ne'.

Éxodo 3:6

Ca lotqai liỹo' 'naac: —Chaqaỹim ná'maq ỹim qota'olec quesó'maq 'auaxaic qata'i'llipi. Aỹim qota'olec quesaua qapirilli' Abraham, Isaac chaqai so Jacob. Ca' so Moisés ỹapoquio' na lashic, ma' no'cho' quiyim ra'ỹo'ot ñi qota'olec.

Isaías 6:6

Ca' quiyi na'le, ca' 'ue so 'óna quesauá'maq ỹaviquetauguilo naỹo'ña aỹim, lo'qoota'a aso poqo ỹachigoxotalec ada ncopatoxonaxalate, ỹahote'e aso leconaxanqate.

Ezequiel 1:11

Naua laua' ỹiquesashiguim. Ca saua dos laua' ỹoviretecta', ca' quesaua liỹa' dos, ca' ỹapoosalec na loshicmaxa.

Ezequiel 1:24

Chaqai sa'xaỹa qai'neeta da lelamqa' naua laua' quena' que': Da lelamaxa 'ec ana lachiugue quena' nqo'ñishiguim, 'ec da lavillaxac ñí'maq qota'olec qaica ca lqalanec, da lelamaxa 'ec na 'xoic nouaataxanaq nalauataxai. Quena' hua'e, ca' nañaañiñi naua laua'.

Ezequiel 1:4

Ca' seuana na'le quiyim 'ue so nonot quesaxanaxaic chicqa'gue da rapiguim, chaqai so naueguelec lodegaxat chicqotapougui so norec 'ec nqai'legaxaripi, ca' quenaua lahil 'ue so quesaxan lauaq. Ca' quena lavinñi so norec 'ue so qashilqueta'a 'ec lecat lahi qaisaullaxateta.

Ezequiel 1:6

Quiñi 'óna quesaua'maxare 'vii naua cuatro lashiigo' chaqai cuatro naua laua';

Ezequiel 10:21

Cuatro naua lashiigo' quiñi 'óna quesaua'maxare, chaqai cuatro naua laua'. Ca' quena pa'aasañi quenaua laua' 'ue na seuane'ta 'ec qom lqai'laqate'.

Daniel 7:10

chaqai aso lachiugue, qam norec chicqotacot so'maxare. Ỹaatqajam 'xoic ná'maq ro'ueenataxantacot so'maxare chaqai tot qaica naloqochin só'maq reloqoto'ot so'maxare. Taañi so nimiitaxanaxac quiyi'maxare, ca' qaỹauachiguilo saua lerel.

Zacarías 3:4

Ca na'le, ca' so nelaatec ilate' saua lotaua' quiyim qanaqate' saua loho so Josué sauá'maq loho napio'ohi'. Ime, ca' 'naapega: 'Ajñi', dajo 'neetasa' quiyim nagui ñquiỹouec so rasauaxashichi'. ¡Nagui so'uet quiyim no'viichiriguilo naua noho nemaqachic lo'ol!

Lucas 1:10

Ca co'na' ñaq ỹavigaxatetac so nichiinaxanaxat, ca sá'ogue so qomyipi nqouagaxaintac, pa'aatauec queso nasoxoc.

Hebreos 1:7

Qam dá'maq 'neeto' na'le quena piguim laseripi, ca' ñi qota'a 'naaco': Ñi'maxare ỹo'uet na lelaatqaipi piguim laseripi 'ec nqai'en na nonot, chaqai na lo'ueenataxanqajanqaipi 'ec nqai'en na norec lauaq.

Apocalipsis 14:6

Ime na'le, ca' seuane'ta so liỹa nelaatec piguim le'ec, ỹoota quena lavinñi na piguim, i'xateta da na'qaatec sqaica lqodoc chicqaugui da nca'laxa, ỹahotaque ỹa'xatem ná'maq hueetalec ana 'laua, ná'ogue ná'maq ỹoreta'oguit na la'qaatec qomyipi.

Apocalipsis 4:8

Ca' sauajo cuatro ise' nca'leesauec da'ta'a seis laua' quiñi 'óna. Chaqai no'qaachiguilo quenaua nqote' quena pa'aauec chaqai quena pa'aauo. Chaqai quiyi na'xa'a chaqai yi pe sqai ỹaxañiñi quiyim 'nerac: Qami' maq ỹaatqajam co'chiite', qami' qara'gaxala' qota'olec maq sqaica ca qalañirac, qami' ná'maq chaqai'en 'ue qami', chaqai 'ue qami' nagui, chaqai naata'quena ma'le.

Apocalipsis 7:11

Chaqai ná'ogue ná'maq nelaatqaipi piguim laseripi nachaatetaho naqallichinchiguiñi aso qa'xanaxaqui, chaqai so qo'xoiquipi, chaqai saua cuatro ise' nca'leesauec. Ca' ỹa'chi'iñi naua le'cootal, ỹoviraqtera'guit naua lataapi' na 'laua quiyi reloqota'ñi so qa'xanqa', ca imaqachinsac ñi qota'a,

Apocalipsis 8:13

Ca na' ime, ca' ñamatashiguim, ca' sa'xaỹaque so nelaatec piguim le'ec ỹootegueri' quena lavinñi na piguim, ỹaatqajam netenegue da la'qaatec, 'naacsa': —¡'Agai! ¡Ỹaatqajam chalego le'xoric ná'maq neetalec ana 'laua, ma' ilamiguilo daua npe'tel ma' qaipi'chiguilo quedaua liỹa' tres nelaatqa piguim lase'!