Isaías 6:1 - La'qaatqa ñi qota'olec Qota'olec & Qota'olec Novita Na Qomyipi

¹ Queso ñaaxa na' ileu so nashi Uzías, ca' seuana ñi qara'gaxala' qota'olec nqa'xantañi quiyi nqa'xanqa' qoỹoqoshi'ma; ca naua lo'lo' so napoxoqui no'xataxachichigui ñi no'ueenaxanaxaqui quiyi Jerusalén.

Isaías 6:1 Iomraidhean Croise

1 Reyes 22:19

Ca' so Micaías lotqai 'naaco': —Quedá'maq 'ñirac nagui, ca' na'xaỹaxañita dá'maq la'qaatec ñi qara'gaxala': Seuana ñi qota'olec nqa'xantañigui añi nqa'xanaxaqui quiyim nashi, chaqai ná'ogue na lelaatqaipi piguim laseripi ra'iito'ot, hueeta'gue da loic chaqai da nemaq.

Job 42:5

Ỹovireta'a nagui qaidaata quiyim chi sa'qaatapega qami', ca' sa'yiiñi', qam nagui, ca' ỹaatqajam ya'iito'ot qami' quenaua ñqote'.

Salmos 46:10

¡Nemanachichii! ¡'Yiiñii'a quiyim ỹim qota'olec! ¡Ỹim spa'aatashiguim quená'ogue na qomyipi! ¡Ỹim spa'aatashiguim quená'ogue na 'laua!

Éxodo 24:9

Ime, ca' so Moisés taashi'megue aso qa' ladocai, liỹaresashiguim saua Aarón, Nadab, Abiú chaqai so setenta qo'xoiquipi queso Israel llaalqaipi.

Isaías 1:1

Najo lere, lerecse so Isaías, llaalec so Amoz, chicqochigui so leuanaxanaxac chicqo'ot ñi qota'olec, taỹaugui yi Judá chaqai yi Jerusalén quesaua ñaxari na' nashil saua Uzías, Jotam, Acaz chaqai so Ezequías quiyi Judá. 'Naaco':

Ezequiel 1:1

Ỹim netaxaỹaxanqajnec, ỹeenaxat Ezequiel, ỹim llaalec so Buzi, 'ue so na'xa'a seueto'ot na lahi aso lachiugue Quebar, quiyi Babilonia. Salequetaugui na'le ná'maq ỹoqa'a da qai'xategue 'laua. Ca' quiyi, ca 'eco' huachigui na piguim, ca' 'ue so iuanaxanaxac, seuane'ta ñi qota'olec na' ime' saua veintinueve ñaxari, tres shiriguiri chaqai cinco na'xata', na' ỹovite' saua cinco ñaxari quiyim qai'xategue da ỹoqa'a 'laua so nashi Joaquín. Ca' ñi qara'gaxala' qota'olec ỹashil-lec aỹim.

Daniel 7:9

Ca' ñaqai queeta sa'ajantac, ca vire'ta qoỹande'oguiyi saua nashi nqa'xanaxaqui, ca' 'ue so qo'xoicoqui' nqa'xanñi. Saua loho lalagaxaqa 'ec ana loñi nacañi, na lqahic laue 'ec na qagreta laue co'teeta. So nqa'xanaxaqui chaqai saua laviol ỹaatqajam norec lauaq,

Mateo 25:31

Ca ma' novi' najo ỹale llaalec quiyim nashi, qalapoỹau'a quena lelaatqaipi piguim laseripi, ca nqa'xañigui aca 'ue lauaq nashi nqa'xanaxaqui.

Juan 1:18

Ñi qota'olec qaica iuanapega, qam so 'oonoqui' llaalec só'maq ỹaatqajam neeto'ot ñi'maxare ñí'maq leta'a, chaqaiso só'maq ỹa'deenaxanaxanque qomi' ñi qota'olec.

Juan 12:41

So Isaías ỹa'xat dajo, ma' iuanchiguio' da lecaic so Jesús, chaqai ỹa'xatetac so'maxare.

1 Timoteo 6:16

Ñi'maxare ñí'maq qaiñiita se ileu, chaqai hueetaugui na lauaq hueeta'ñi yí'maq qaica ca ishit nqo'neu'a. Qaica ca qom ishit iuana. Sapacqajanqauec ñi'maxare quiyim semaqachinaq quedá'maq lquesaxanaxa sqaica lqodoc. Ajá'a, ca' chaqaida 'neeta dajo.

Apocalipsis 15:8

Ca' añi no'ueenaxanaxaqui ỹaatqajam no'xogui quena nesalaxaripi chicqaugui da lecaic chaqai da lquesaxanaxa ñi qota'a. Ca' quiyi, ca' sqaica ca ishit inoxono quiyi'maxare, toco' ma' imero saua siete nqa'viico i'xatesac saua siete nelaatqa piguim lase'.

Apocalipsis 20:11

Na'le, ca seuane'ta so chalego lecaic nashi nqa'xanqa' lalagaxaic chaqai só'maq nqa'xantalec. Ca' quiyi, ca' ỹaatqajam palac na 'laua chaqai na piguim, ca' tot qaica ca qaiuana quesaua'maxare, ma' pala'pe.

Apocalipsis 3:21

Ca cá'maq rauegaxan, ca' sa'ue ma'le ca loma' quiyi ñqa'xanqa' quiyim nashi, 'nejem aỹim ma' sauegaxan, ca ñqa'xanñi cañi nqa'xanaxaqui ñi qota'olec.

Apocalipsis 4:10

ca' so veinticuatro qo'xoiquipi ỹa'chi'iñi naua le'cootal quiyí'maq reloqota'ñi so'maxare, ca' imaqachin só'maq sqaica lqodoc da nachaalataxac, ca' illiguiñi ana nado'ontañi quiyí'maq reloqota'ñi so qa'xanqa'. Ca' 'nerac:

Apocalipsis 4:2

Ca na' noviriñi da lquesaxanaxa so Espíritu Santo, ca' seuana yi nashi nqa'xanqa' hueeta'gue da piguim. Ca' quiyijo qa'xanqa' 'ue so nqa'xanta'ñi.

Apocalipsis 4:3

Ca só'maq nqa'xanta'ñi yi qa'xanqa' da lashicyaxac 'nejem na qa' qashilec leenaxat jaspe, loqo'm ana cornalina. Ca' naua lahil so qa'xanqa', ca' 'ue so qoñi'gue. Qam da lqashilegaxa 'nejem na qa' leenaxat esmeralda.

Apocalipsis 4:9

Chaqai quena' sauajo ise' nca'leesauec imaqachine' da lecaic chaqai ỹaanot da na'aachicyaxac só'maq nqa'xantañigui aso qa'xanaxaqui só'maq sqaica lqodoc da nachaalataxac,

Apocalipsis 5:1

Ca na'le, ca seuane'ta quesó'maq nqa'xantañigui aso nashi nqa'xanaxaqui lo'qoota'a aso lere queda loic 'ec lepate nqohin da no'ueenataxac, qoỹeretalec na pa'aauo chaqai na pa'aauec, chaqai qaỹapootagui quesaua siete netanaxanqate qaỹa'gaxanaxansañi.

Apocalipsis 5:7

Ca' sojo qagreta llaalec icona aso lere queda loic só'maq nqa'xantalec aso qa'xanaxaqui.

Apocalipsis 6:16

Ca 'naapega quena quemaralec ladocai chaqai ana qa': —'Irelgoto qomi', ca qarpataqairañi, 'xochiriñi qomi' quiñí'maq nqa'xantañigui añi nashi nqa'xanaxaqui, chaqai queda chalego lecaic nouaxanaxaset ná'ogue ỹo'uet ma'le ñi qagreta llaalec.