Isaías 53:3 - La'qaatqa ñi qota'olec Qota'olec & Qota'olec Novita Na Qomyipi

³ na ỹalliripi se icoñiguit chaqai ỹo'da'guit. Queso ỹale ỹaatqajam 'xoic na nqui'ic chaqai da le'xoric. Mashic 'ec cá'maq se sa'maxarenaq seuanaxa, qomi' lliỹoxosqa'piguit, qaica ca sauaqaque.

Isaías 53:3 Iomraidhean Croise

Salmos 88:4

ca ¡mashic 'ec shi'gue qayalecqajnougui na leuaxaiquipi, ma' mashic tot qaica ca iquesaxanaxa!

Isaías 49:7

Ñi qara'gaxala' ñí'maq nca'laqataxanaq ñí'maq co'teeta qota'olec quiyi Israel, 'naapega na qomyipi quená'maq ỹaatqajam se qanqo'ta, ná'maq quena liỹa qomyipi ỹaatqajam laqaigaxat, ná'maq la'ac na nashillipi qa'uaiquipi, ñi'maxare 'naac: Ma' na nashillipi chaqai na llaalqaipi iuana qami', ne'laxashiguim, ca' ỹa'dooto qami' naua le'cootal, ma' ỹim ná'maq ỹim na'gaxala', ỹim co'teeta qota'olec quiyi Israel, qami' ica'acsec chaqai ipaquichigui nqaishin da ỹa'qaatec.

Isaías 50:6

Saandec naua ỹapalatetari quiyim qaỹouaxanlgoto chaqai ñañaanta quiyim qano'tegue' naua ỹaqareue. Se lloỹoote'oga na ỹashic quená'maq yi'neetac chaqai natoqotapiguiỹot.

Isaías 52:14

'Nejem dá'maq quiyim 'xoic ná'maq no'daxatetec na'le so'maxare, na' ra'i'tot quiyim ỹoqa'am na lashic mashic sham 'ec sqai qom,

Isaías 53:10

Ñi qara'gaxala' ỹahotaque ỹa'ue da le'xoric. Ca' quiyim chaqaiso só'maq nañaañiguit da lelauaxa quena nasauaxaset, ca ladoc ma'le da nachaalataxac, ca' iuanau'a ma'le ca llaalqaipi; ca chicqochigui so'maxare ma'le quiyim ỹa'maxañi dá'maq ỹahotaque ỹo'uet ñi qara'gaxala'.

Isaías 53:4

Qam so'maxaro'lec no'qaachigui i'xatetac da qare'xoric, na'ñaxateta'piguit dá'maq nqui'ic hueetalgoto qomi'. Qam qomi' shinqatapega quiyim ñi qota'olec coñirqachit na' ỹouaxan, ca' nemanachit nqai'en.

Miqueas 5:1

Qam nagui, qami' na'a' Jerusalén, 'maxachiriñi cá'maq chi rquepaqataxanaxachi', ma' nagui qanahiquinchiguiñi qami' chaqai qaỹa'ue da nouaxanaxaset ñi nashi quena Israel.

Mateo 26:67

Co'na'le, ca' qanatoxogui na lashic so'maxare, chaqai qaỹouaxan. Chaqai saua liỹa', ca ỹouaxanyigui na lashic so'maxare.

Mateo 27:63

Ca 'neraco' queso'maxare: —Qami' qarashi, so'leentaqa'te cajo ỹale 'maatqaic 'naiquen na' ñaq nca'leetauec, quiyim ma' ime'ueque caua tres na'xata', ca lotqai liỹa nca'leuec queca lelauaxa.

Marcos 10:33

Ca 'naaco' quesaua'maxare: —'Ajñii qamiri nagui saaqata'gue da Jerusalén, ca' yí, hua'ñi ma'le najo ỹale llaalec ma' qoỹaanou'a na la'gaxalateripi na netaxaỹaxanqajanqaipi quena' qaretaxaỹa'pegue' ñi qota'a chaqai na napaxaguinataxanaripi quena naqataxaquipi. Ca na'maxare ma'le, ca ỹaanec da la'qaatec quiyim qaỹalauat chaqai qoỹaanougui na mesqai judioipi.

Marcos 10:34

Ca na'maxare ỹaatqajam 'ue da le'naxanaxac ma'le, chaqai qaỹouaxan, chaqai qanatoxogui na lashic, chaqai qaỹalauat. Qam ma' ime' caua tres na'xata', ca lotqai liỹa nca'leuec nqohin.

Marcos 14:34

Ca 'naapegalo': —Añi i'taxanata ỹaatqajam rachicota, ma' ỹa'deenta'guit da lelauaxa. Ñaq qoviỹa'e najo, qam sqai laxaiỹo', ta'ta'a quiyim nelohitauec.

Marcos 15:19

Ca qaỹouaxanquio' quen na lqahic, qaỹodootapega so pon, chaqai qanatoqotacot, chaqai qaỹa'dooto naua ne'cootal, 'ec nqohin cá'maq 'ue ca 'negue.

Marcos 9:12

Ca so'maxare 'naaco': —Ỹaatqajam llic quiyim 'au novi' ma'le ca Elías, quiyim ỹa'maxajñi ná'ogue na leloxoỹaxaquipi. Chaqai ¿negue' cá'maq 'nerac qai'neeta naua naneresañi la'qaatqa ñi qota'olec quiyim ỹa'xate' dá'maq 'neeta ma'le ca ỹale llaalec? Quiyim 'ue ca le'xoric, chaqai ma'le qaica nqo'ta ca'maxare.

Lucas 16:14

Ca' 'qaatapega dajo sá'ogue so fariseoipi ma' ỹaatqajam lqo'itaxat da nesallaxa, ca chi i'neetac so Jesús.

Lucas 19:41

Ca co'na' ipalatau'a yi na'a' lodegaxat Jerusalén, ca co'na' iuana yi'maxare, ca' so'maxare noỹenlec.

Lucas 8:53

Qam chaqai qai'neetac so'maxare, ma' qaỹa'den quiyim mashic ileu aso'maxare.

Lucas 9:22

Chaqai 'naac: —Najo ỹale llaalec ỹaatqajam 'xoic ma'le ca le'xoric, chaqai se qaicoñiguit quena qo'xoiquipi, chaqai na lashillipi na letaxaỹaxanqajanqaipi na qomyipi quena' qaretaxaỹa'pegue' ñi qota'a, chaqai ná'maq rapaxaguinataxanta'pegue na naqataxaquipi, chaqai qaỹalauat ma'le. Qam ma' ỹovirerec caua tres na'xata', ca' liỹa nca'leuec.

Juan 11:35

Ca' so Jesús noỹen.

Juan 8:48

Co'na'le, ca so judioipi 'naaco' queso'maxare: —Qomi' ỹaatqajam llic da sa'xataq na' shinqac quiyim qami' chaqai Samaria le'ec, chaqai 'ue ñi neetagui qami' chicqo'ot so na'ỹaapec.

Hebreos 4:15

Ma' só'maq qaretaxaỹaxanqajnec, so'maxare ishit i'xorene' qomi', ma' qaica ca qarquesaxanaxa. Ma' so'maxare qai'neeta 'xoico' na'le da le'xoric, ma' 'xoic da ne'guenaxaquipi ỹoreta'oguit, 'nejme' qomi', qam so'maxare qaica ca lasauaxaset.

Hebreos 5:7

Co'na' so Cristo hueetalec najo 'laua ỹaatqajam nelamaxaren nqouagaxaintac, chaqai rashiilaxantac, noỹento'ot ñí'maq 'ue da lquesaxanaxa quiyim se ỹovira'a nqai'en da nelauaxa. Ca ñi qota'a na'xaỹaxana so'maxare, ma' so'maxare ỹaatqajam nomatalta' nañaanot ñi'maxare.