Isaías 5:2 - La'qaatqa ñi qota'olec Qota'olec & Qota'olec Novita Na Qomyipi

² Naqalgoxoshiguim yi 'laua, naqata'a na qa', ca' ỹanñi ná'maq ỹaatqajam no'uen llaxataxa. Ca' quiyi lavinñi yi lanaxanqa' ỹa'ue ada la'ajnaxanaxalate, chaqai qai'neeta ỹa'maxajñi ca lo'ueetqa' na lataxa. Ñi ñauochaxaua 'neetapego' lo'daxarai ana la 'uva, qam na' qai'guen, ca' nodaachiguiñi lochiviaxai.

Isaías 5:2 Iomraidhean Croise

2 Samuel 7:10

Chaqai sa'maxatetañi ca loma' na lalamaxareteripi llaalqaipi so Israel, ca' chaqaiyi sana'ñi, qaiyi naalec cá'maq lalamaxaret, quiyí'maq hua'ñi quiyim qoỹaxantac chaqai na hualoxonyipi sqai ỹoiquentac, 'nejem cá'maq ñaqai 'avichiguiñi,

Isaías 1:8

Qaiyiita yi na'a' Sión no'ueenañi, 'ec 'imcoqui' na'daañi neetañigui ca 'uva loma', 'ec ca 'imcoqui' neetañigui ca chiguiraxai loma', 'ec ca na'a' qanahiquinchiguiñi queca npa'guenaxauaripi.

Isaías 5:7

Yi lanaxanqa' ñi qara'gaxala' ñí'maq qaica lqalanec, yí'maq lqo'itaxat lanaxanqa', chaqaiyi yi 'laua neetalec na llaalqaipi so Israel, chaqai na lauo' so Judá. Ñi qara'gaxala' 'neetapega quiyaua'maxare se napaqueralec da naqataxac, qam qainaata iuantapega na nalauataxanaxac; nauaantaque ca 'maxaraic 'ueenataxac, qam qainaata 'qaataque na naualaxac queda nqui'ic.

Números 23:9

Cana seuetalec qoỹoqoshi'megue qa', qam qaiyiita sedaanta'a, canajo qoỹoqoshi'megue qa' ya'iita'a yi qomyipi ỹaatqajam noỹootetec, sqai 'nejem na liỹa qomyipi.

Mateo 21:19

Ca iuane'ejta'a aso higo lashi queso nayic lahi. Ca' quepegue', qam aso qo'paq qaca aca la, ta'ta'a ana laue. Ca' so Jesús 'naaco' caso higo lashi: —¡Nagui taachi'ñi quiyim tot qaica ma' 'ue quet aca la aqami'! Ca aso higo lashi chaqa'ma' ỹaso.

Mateo 21:33

Ñaq na'xaỹaxañiỹa dajo liỹa ỹaloqojnaxanaxaqui 'neetasa': So ỹale 'uo' so na'laua, ca' ỹanlec cana 'úva. Ca ỹapou'a chaqai ỹo'uet aso lahi' na li'i quiyim qanelam aso'maxare, chaqai aso na'ajnaxanaxalate ladocai, qaiyi yá'ogue re'qojlec. Ime, ca so ỹale 'vio' saua ỹa'ualaxanaxan so 'ueenataxanaxairipi queso na'laua. Ca' eec.

Mateo 21:34

Ca co'na' ỹovita ca laloqo' quiyim qanaqat ana la so lanecse 'úva, ca' 'vii saua nelate' lelaatqa quiyim rashiilaxantegue cá'maq taalec quet cá'maq ỹaatqajam lanecse.

Marcos 11:13

Ca idaana'o' aso higo lashi qoỹoqo'ta 'ue ana laue. Ca quepegue', ra'ajnaxana quiyim tegue' chaqa 'ue ca la, qam qaca ca ỹanata higo. Qanaata ana laue, ma' saqa' ỹovita ca laloqo' quiyim 'ue aca la.

Marcos 12:1

Co'na'le, ca' so Jesús ra'qaataxanem so qomyipi, qam ỹahote'e na laloqojnaxanaxat. Ca 'naaco': —'Uo' na'le so ỹale ỹanñi so lanaxanqa' uva loma'. Ime, ca' ỹapou'a chaqai ỹo'uet aso lapoonaxanaxaqui quiyim qanelam na li'i ana uva, chaqai aso ladocai na'ajnaxanaxalate quiyim qaỹa'ajan sá'ogue so'maxare. Ca' ỹanalec so lanaxanqa' so 'ueenataxanaxairipi. Ca' eec, qoỹoqo'tegue ca taigue.

Marcos 12:2

Ca co'na' ỹovita ca laloqo' quiyim qanaqat ana la, ca ỹa'uo' so ila' lelaatec, ca rashiilaxanegue quiyim qaỹoỹoote'oga cá'maq taỹot só'maq lanaxanqa'.

Romanos 9:4

Ma' na'maxare chaqai llaalqaipi so Israel, chaqai ñi qota'a icoñiguit 'neeta'gue meca llaalqaipi. Ñi'maxare ỹaatqajam ỹalequetaugui na'le na'maxare chalego loyac so lauaq, chaqai ỹaanema naua na'maqataxaco, na naqataxaquipi chicqo'ot so Moisés, chaqai da leloxoỹaxac quiyim qaimaqachin ñi'maxare, chaqai naua ỹachaxanta'pe quiyim ỹaanema.

1 Corintios 9:7

¿Negue' ca ishit quiyim taho nouaataxanaq quiyim ishiuetentac ná'ogue na louenec? Chaqai ¿negue' ca ishit ỹanñi aca uva, ca' se ỹa'ic aca la? Chaqai ¿negue' ca ishit reloqota'a aca qagreta, qam se ni'chiguilo caua lo'i' lelamecse'?

Jueces 16:4

Ca co'na' shi'gom, ca' so Sansón nqo'to' aso 'aalo, leenaxat Dalila. So'maxare na'ñi so ca'megue, leenaxat Sorec.