Isaías 5:1 - La'qaatqa ñi qota'olec Qota'olec & Qota'olec Novita Na Qomyipi

¹ So'uen ca ỹo'ueenec taỹalec nqaishin ñí'maq ỹaatqajam ñauochaxaua, da ỹo'ueenec taỹaugui nqaishin yi lanaxanqa'. Ñi ñauochaxaua 'ue yi lanaxanqa' 'uva loma' quiyi ỹaatqajam lo'yaxanec 'laua.

Isaías 5:1 Iomraidhean Croise

Salmos 45:1

Chalego loyaague' naua ỹa'deenataxanaxaco; ñi ỹo'legaxanaxat 'ec ca leraxanaxac cá'maq no'uen neraxanaq. ¡Ca so'ueene'uegue dá'maq ỹa'qaatec quiñi nashi!

Cantares 5:2

Ỹim selaqata, qam añi i'taxanata nelootauec. Ca' sa'xaỹaque so iqo'itaxat noỹaxantapego quena lasom, 'naac: ¡Qami' iqo'itqate, huachirigui, ñapiitaxauo'lli', qami' iqo'itqate coviguinco'lli'! ¡Ma' mashic pi'guiloxolchigui na iqahic cana 'ỹa'! ¡Ana 'ỹa' quena pe qui'ñigui na iqahic laue!

Mateo 21:33

Ñaq na'xaỹaxañiỹa dajo liỹa ỹaloqojnaxanaxaqui 'neetasa': So ỹale 'uo' so na'laua, ca' ỹanlec cana 'úva. Ca ỹapou'a chaqai ỹo'uet aso lahi' na li'i quiyim qanelam aso'maxare, chaqai aso na'ajnaxanaxalate ladocai, qaiyi yá'ogue re'qojlec. Ime, ca so ỹale 'vio' saua ỹa'ualaxanaxan so 'ueenataxanaxairipi queso na'laua. Ca' eec.

Marcos 12:1

Co'na'le, ca' so Jesús ra'qaataxanem so qomyipi, qam ỹahote'e na laloqojnaxanaxat. Ca 'naaco': —'Uo' na'le so ỹale ỹanñi so lanaxanqa' uva loma'. Ime, ca' ỹapou'a chaqai ỹo'uet aso lapoonaxanaxaqui quiyim qanelam na li'i ana uva, chaqai aso ladocai na'ajnaxanaxalate quiyim qaỹa'ajan sá'ogue so'maxare. Ca' ỹanalec so lanaxanqa' so 'ueenataxanaxairipi. Ca' eec, qoỹoqo'tegue ca taigue.

Lucas 20:9

Ca co'na' ime, ca' so Jesús ra'qaataxanem so qomyipi, ỹahote'e ca raloqojnaxana, 'naaco': —'Uo' so ỹale ỹa'uo' so lanaxanqa', ca ỹanñi ana 'úva. Ca co'na' ime, ca' ỹanalec so lelaatqaipi. Ime, ca' quepegue' ca liỹa 'laua, ca mashic 'vio' caua ñaxari queca neeta'gue.

Juan 15:1

Ca' ỹim ná'maq 'nejem acá'maq ỹaatqajam nanecse uva, chaqai ñi ita'a ñí'maq cochiitapega aca nanecse.