Isaías 2:9 - La'qaatqa ñi qota'olec Qota'olec & Qota'olec Novita Na Qomyipi

⁹ Mashic neneequesen, mashic nemanachit. ¡Ca totaxan richillira'a quiyim vite ca nouaxanaxaset!

Isaías 2:9 Iomraidhean Croise

Nehemías 4:5

Ca sqai 'xoriñi' queda leualoxonqaishic chaqai sqai palaxachi' ca lasauaxaset, ma' na'maxare ỹaatqajam i'neetac ná'maq no'xontecshiguim na nquepaqataxanaxat.

Isaías 5:15

Ná'ogue na qomyipi nemanachit ma'le na nemaqajnaxairipi se na'ishiguim ma'le.

Isaías 5:16

Ñi qara'gaxala' ñí'maq sqaica lqalanec ỹachaxan ma'le dá'maq lecaic quiyim imit ca nasauaxaset; ñí'maq qota'olec co'teeta ỹachaxan ma'le da lco'taxa quiyim ỹo'ueetetac dá'maq ỹa'maqachiguiñi.

Marcos 3:29

Qam cá'maq se no'uen ca ỹa'xat quiyim retaxaỹa'guit so Espíritu Santo, ca ca'maxare tot ishit quiyim qai'xoren. Ta'ta'a quiyim tot qaỹapalaxat ca lasauaxaset.

Romanos 3:23

Ma' ná'ogue na qomyipi 'ue na lasauaxaset, chaqai quiyim qoỹoqo'ta queda lca'laqataxanaxac ñi qota'a.

Colosenses 2:18

Mesqai 'xañiigue quiyim rouootaxana'gue cá'maq raviguiguii ná'maq 'ec nañoxojñi neneequesenta chaqai nqouagaxaintacot na nelaatqaipi piguim laseripi. Ma' na'maxare tau'a quiyim ỹo'uet ná'maq se iuanapega chaqai pi'chigui queda nemaqajnaxac quená'maq chi la'deenataxanaxac.

Colosenses 2:23

'Nesa ma' llic quiyim ná'ogue najo 'ec quiyim ỹaatqajam 'ue ỹa'den cá'maq qom ỹo'uet. Ma' ilarelec da nqouagaxainaxac, neneequesenaxac, chaqai ỹo'uet da le'xoric na loshicmaxa. Qam na'maxare se ỹotauan quiyim nollaalta' queda lamaanaxanqachic na loshicmaxa.

Josué 24:19

Ca' so Josué 'naaco' queso qomyipi: —Qamiri peeta'a sqai shichii quiilec ñi qara'gaxala', ma' ñi'maxare ỹaatqajam qota'olec co'teeta chaqai qaica ca ỹa'maxaren. Chaqai ñi'maxare se ishit quiyim na'ñaxachiguit na se no'uen chaqai na nasauaxaseteripi.