Isaías 11:9 - La'qaatqa ñi qota'olec Qota'olec & Qota'olec Novita Na Qomyipi

⁹ Caná'ogue najo ñaqa' ladocai co'teeta qaica ca ỹo'uet ca se no'uen, ma' 'ec na huaxaỹaq quena' no'xataxat ana huaaxai, ca' chaqaida 'neeta quiyim qaỹa'den ñi qara'gaxala' no'xataxajlec ma'le ná'ogue na 'laua.

Isaías 11:9 Iomraidhean Croise

Isaías 11:8

Ca noctoqui' ishit quiyim reualaxaitac hueetaugui aca salaq late'e lauaquiaxaqui, chaqai ishit ishito da lqai'laxat queca nanaic lpa'gue'.

Isaías 35:9

Quiyi ma'le, ca' qaica ca sauaxaic leta'a, chaqai na toxonaxairipi qoỹoqote'oga. Quecajo nayic pilegue ma'le ná'maq mashic qaỹosouec,

Isaías 45:6

qaiyi ná'ogue ỹa'den quiyim qaica ca liỹa ỹoqa'oga caỹim queda lqodoigue chaqai da lauashiguim. Ỹim ná'maq ỹim na'gaxala' qota'olec, ca' qaica ca liỹa.

Isaías 49:6

'neetasa' da la'qaatec: Mesqai nodaachiguiñi quiyim qami' ilaatec quiyim qaidaata rapilaxachi' na llaalqaipi so llaalqaipi so Jacob chaqai quiyim rapilaxachi' na ca'laaxaiquipi quena'maxare; qai'neeta ỹim so'uet quiyim qami' lcoỹeraxanaxat ná'ogue na ỹoreta'oguit qomyipi, qaiyi 'xachisac da ica'laqataxanaxac quenaua paguec qoỹoqo'teguelo lahil na 'laua.

Isaías 52:10

Ñi qara'gaxala' ỹachaxan da co'teeta lquesaxanaxa, ca' qaiuanchigui quená'ogue na ỹoreta'oguit qomyipi. Ca' quená'ogue na 'laua qaỹa'den ma'le quiyim ñi qota'olec nca'laxaterec qomi'.

Isaías 54:5

ma' ñí'maq qami' lo'ueenata icona qami' ma'le quiyim qami' loua. Ca' dá'maq leenaxat ñi'maxare na'gaxala' qaica lqalanec; ñí'maq naqata'a qami', ñi'maxare co'teeta qota'olec quiyi Israel, ñi'maxare qota'olec quená'ogue na 'laua.

Isaías 56:7

ca' ñauega ana ñaqa' qaica iualaxain, ca' netoon ma'le quiñi iuo' qouagaxainaxaqui. Ca secoñi'chiguit ma'le ca ỹavigaxat lachitaxanataxanaxat quiyi ỹanatqa', ma' na iuo' qaỹamata'gue 'imec nqouagaxainqa' ná'ogue na ỹoreta'oguit qomyipi.

Isaías 59:19

Ná'ogue na qomyipi neetalec najo 'laua, queda lqodoigue chaqai da lauashiguim, lediỹalec ma'le ñi qara'gaxala' ma' iuana da lecaic quiyim nashi, ma' ñi'maxare ma' nac, ca 'ec aca lachiugue nqo'ñishiguim na huaxaỹaq, qaidaxan queca nonot lodegaxat.

Isaías 65:25

So isecỹac toxonaxai chaqai so qagreta llaalec que'eeta'pe, nouanta'ta', na sauaxaic leta'a ỹa'ic na 'uaqapi 'ec na ñii'lola, chaqai na nanaic ỹa'ic na 'laua. Chaqai caná'ogue ana ñaqa' ladocai Sión qaica cá'maq que'maqachit ca liỹa. Ñi qara'gaxala' ỹaatqajam i'taxajñi da la'qaatec. (66.1-24 Se qanqo'ta qareualaxaitalec da qouagaxainaxac. Huaxanaxaset chaqai da nca'laqataxanaxac.)

Jeremías 31:34

Ca ma'le, ca' se ipaquetaque quecaua qomi' nauochaxaua' loqo'm neuo' lase' se napaxaguintecta' quiyim na'deenta', ma' ná'ogue ya'den ma'le, chicqochi'ñi ca paguec lodegaxat, vire'ta ca paguec cocho'qui'. Ca' ỹim sapalaxat ca se no'uen ỹo'ueetetac chaqai tot so'leentapega na lasauaxaset. Ỹim na'gaxala', se'taxajñi da ỹa'qaatec. (31.35-40 Da lqouagaxa ñi qota'olec quiyi Israel, chaqai da naata la'maxa ma'le yi'maxare.) (32.1—35.19 So Jeremías ỹa'ue yi rishiujnaxana 'laua na' so Nabucodonosor nahiquinchiguiñi yi Jerusalén. Ca' dajo chi letanec quiyim 'ue da naquitaxac ma'le quesaua naasaho na'xata' quedá'maq la'qaatec ñi qara'gaxala', na' ỹa'xateta'guit quiyim noxonec yi Jerusalén, qam ma' ncopa, ca' so qomyipi liỹa qarapilaxat.)

Ezequiel 34:25

Ca' sa'ue ca ña'deenaxac ma'le quena'maxare, ca' 'chiñi nqaishin ca la'maxa. Na'laañi nqaishin ma'le na isecỹac toxonaxai quenajo 'laua, qaiyi i'maqajlem ana ilo qagreta quena no'ueenaxa chaqai quiyim laqaugui na 'oochi.

Ezequiel 47:5

Ca' naloqochin so quinientos metros liỹa, ca so huaxaỹaq mashic ñigui lachiugue. Ca' tot seshit sapacta, ma' ñigui lachiugue qoỹoqochi'ñigui. Ca' qaidaata quiyim qaỹo'xonta'ta, ca' qaigueme qaishit qaỹapacta.

Oseas 2:18

Ca' quecajo na'xa'a, ca so'uet ca iqouagaxa quena Israel, sa'ue ca ña'deenaxac quena iseripi neuec, ana qo'o chaqai na nqai'ec; sopoxoỹaxachigui chaqai ñaqata'a quenajo 'laua na no'xoshic, na lecat chaqai na lauataq, qaiyi na ỹalamaxareteripi llaalqaipi so Israel i'maqajlem, nco'matec.

Zacarías 14:9

Ca' quecajo na'xa'a, ca' ñi qara'gaxala' ỹoiquentac ma'le ná'ogue na 'laua. Ca ma'le, ca' qaiñiita ñi qara'gaxala', chaqai qai'neeta qanodaqajantec da leenaxat.

1 Tesalonicenses 5:15

Chaqai richilliỹa'ta' quiyim qaica ca ỹopilaxajlec ca se no'uen ca liỹa. Ta'ta'a quiyim 'viichii ca ỹa'maqachiguiñi quiñi 'óna caqamiri chaqai quená'ogue na liỹa qomyipi.

Apocalipsis 21:27

Qam se ishit inoxoneu'a yi'maxare ca ñaq napio'o, chaqai ca ñaq noqocatapiguilo naua se no'viiñi no'ueenataxaco, loqo'm naua na'majnaxaco. Qainaata inoxono ná'maq qoỹeretañi ca leenaxat aso nelere so 'ec qagreta llaalec, naneretalec ná'maq qaica lqodoc da lca'laxa.