Isaías 11:4 - La'qaatqa ñi qota'olec Qota'olec & Qota'olec Novita Na Qomyipi

⁴ Ỹaqamaxateta da nimiitaxac na qaica ca yí chaqai qoshiilec na 'xoraiquipi quena 'laua quiyim ỹahotaque ca la'maxa. Naua la'qaatqa 'ec ca qo'paq nouaxanaxanaxat quiyim qaỹouaxan ca se ra'maqataxan, chaqai ỹahote'e na lacat quiyim ỹouaxan ca hualoxonaq.

Isaías 11:4 Iomraidhean Croise

Job 4:9

Ñi qota'olec queda lonogoxonaxac 'ec pe'telec na'maxare, ca ná'ogue nomachichiguiñi.

Salmos 110:2

Quena Sión ñi qara'gaxala' qota'olec ỹaanem qami' so lashile' hueetagui da lquesaxanaxa, qaiyi 'viiquiñi'sac na npa'guenaxaua'e'ipi.

Salmos 2:9

Ca' viise'e ca rashillichi' lecat, ca nopoxoỹaxachiriñi na nashillipi; ¡ca poxoỹaxachirigui 'ec nqai'ñi' aca 'ueena 'laua!

Isaías 1:17

¡Napaxaguiñiỹa quiyim 'viichii cá'maq no'uen, na'ñaxachii quiyim 'viichii ca ỹa'maqachiguiñi, tauañii ná'maq se qaỹa'maxate'tegue, 'viichii quiyim qaỹa'maxate'tegue ca na'peloq, 'ootaxañiilec dá'maq no'ueenataxac aca pa'ỹe!

Isaías 40:7

Ỹaso ana peue chaqai roỹapi ana lenoỹaxai quena' pe'taalec ñi qara'gaxala'. Ỹaatqajam llic na qomyipi 'ec ana peue.

Isaías 49:2

Naua ỹa'qaatqa 'ec nqai'ne' lecat ỹaxaraic, chaqai quepaqataxanlec aỹim queda lqai'laxat, ñigui nqai'en aỹim ca 'ec novic shitaxaraic, ca' ỹa'maxat aỹim caso lovic lahi'.

Isaías 61:1

Ñi ne'espíritu ñi qara'gaxala' hueetalec aỹim, ma' ñi qara'gaxala' ỹim lca'acsec, ca' yila' quiyim sa'xatem da no'uen la'xaỹaxac na 'xoraiquipi, sotauan ná'maq 'ue na leuogoxo, sa'xat quiyim qaỹosouec na ncoñiitecseripi;

Oseas 6:5

Vichiguiño' seuagaxateta'pe qamiri, chicqochigui nqaishin so itaxaỹaxaquiripi; chicqochiguilo nqaishin saua ỹa'qaatqa, ca' salauate' qamiri. Da la'maqa' naua ỹa'qaatqa ñaxat 'ec na lauaq.

Malaquías 4:6

Ca ca'maxare ỹo'uet ma'le quiyim ca neta'a liỹa huaguiguit ca llaalec. Qam no'm sqai 'ne'tegue dajo, ca' ñanac, sa'ue ca nouaxanaxaset na na'lauahi, ná'ogue ropoqota nqaishin.

Mateo 11:5

'Qaataxañim dá'maq 'neeta quiyim na qai'laripi neuanñi, chaqai na se ra'ñiiguelo naua lichil qaua, na rishiita na loshicmaxa imeuec quena ralolaxa, na ra'ñiỹagui na lqahic 'qaa, chaqai ná'maq mashic ileu liỹa nca'leuec nqohin, chaqai na 'xoraiquipi qaỹa'xatem da na'qaatec chicqaugui da nca'laxa.

Mateo 5:5

Ỹaatqajam chalego la'maxa ma'le quecá'maq ne'xoresenaxai le'taxanata, ma' ca'maxare icoñiguit ma'le cá'maq 'laua ỹachaxantac ñi qota'olec.

Hechos 9:1

Qam ñaqaiso so Saulo queetalec quiyim ỹadentalec ná'maq huelec so qara'gaxala' Jesús. Vichiguiño' quepegue' so lashi na netaxaỹaxanqajanqaipi,

2 Corintios 10:1

Aỹim Pablo, ñi'xoresentouguilo qamiri, sahote'e da neneequesenaxac chaqai da lqouagaxa so Cristo. Qohinaco' quen quiyim aỹim neneequesenaxai quena' salequetauguilo qamiri, qam ỹaatqajam quesaxañi naua ỹa'qaatqa quena' qoỹoqo'ta aỹim.

Gálatas 5:23

se nemaqajnaxai, chaqai netelalta'. Ca' qaica quet cá'maq naqataxac ishit quepaxate' nauajo.

2 Tesalonicenses 2:8

Ca' ma'le, ca nachaxan cajo ỹale sauaqhuaic, qam so qara'gaxala' Jesús ỹalauatañi ma'le, ma' pe'tot quena lacat chaqai da lauaq da loviraxac.

Tito 3:2

Se ỹa'xat ca se no'uen quiyim queeteguelec ca liỹa. Qaidaata quiyim 'xoic ca leualaxavic chaqai qouagaxanqachaqaic, re'qoota nqai'en da neneequesenaxac quená'ogue na qomyipi.

Santiago 3:13

No'm 'ue ca 'óna caqamiri ỹajnaxaraic chaqai ỹaatqajam 'xoic ỹa'den, ca no'uen quiyim ỹachaxan da ỹa'maqachiguiñi no'ueenataxac chaqai da neneequesenaxac dá'maq chicqaugui da la'deenec.

Apocalipsis 1:16

Chaqai queda loic lo'qoota'alo saua siete huaqajñi. Chaqai quena lap chicqaugui so lecat ỹaatqajam ỹaxaraic, dos llaaxa'. Chaqai na lashic 'ec añi ra'aasa quena' ỹaatqajam quesaxan da lauaq.

Apocalipsis 19:11

Ca na'le, ca seuana quiyim nauachigui na piguim, ca re'oq so shipgaq lalagaxaic. Chaqai só'maq neetalec leenaxat qamaxaraic chaqai lliqueta, quiyim nashi chaqai quiyim ỹa'maqachiguiñi da 'ne'tegue quena' imit na qomyipi.

Apocalipsis 19:15

Chaqai na lap neetaugui so lecat ỹaatqajam ỹaxaraic, ca' ỹoda'a ná'ogue ná'maq ỹoreta'oguit qomyipi, chaqai ỹoiquentac, 'ec ỹahote'e aca lashilete fierro quiyim relaataxan. So'maxare imit ma'le na nasauaxaset quena qomyipi, 'nejem nqai'en ca nelam na li'i ana 'uva, co'vigui, ỹahota'ahi naua lapiaate'. Ca 'ec lataxa nqai'en ma' ne'taxañigui dá'maq chalego lecaic nouaxanaxaset chicqaugui dá'maq lonogoxonaxac ñi qota'a ñí'maq qaica ca qalanac.

Apocalipsis 2:16

Vichiguiño' netogochigui nqai'ñi' na qavilli'. Ma' no'me', ca' sqaỹaloq shicpegue' aqami', ca' ñco'ỹa'to ma'le naua'maxare, sahote'e na lecat chicqaugui na ỹap.