Isaías 11:3 - La'qaatqa ñi qota'olec Qota'olec & Qota'olec Novita Na Qomyipi

³ So'maxare sqai 'nari'sa' quiyim imit ca nasauaxaset, chaqai se ỹa'ue ca nouaxanaxaset queca chi la'xaỹaxac.

Isaías 11:3 Iomraidhean Croise

1 Reyes 3:28

Ca' sá'ogue so llaalqaipi so Israel ỹa'deeno' dá'maq 'ne'tegue quiyim ỹosogui so co'uaxac so nashi. Ca' 'ue nqai 'negue nqai'en so'maxare, ma' qaiuanchigui quiyim ñi qota'olec ỹaanem so'maxare da la'deenec, qaiyi ỹa'den ca reloqo'tegue ca nasauaxaset.

1 Reyes 3:9

Ca' 'ỹaañitem aỹim aca 'deenaxanqachaqai ne'taxanata, qaiyi seshit seloxoỹa'a na qomyipi, chaqai qaiyi sa'den cá'maq no'uen chaqai ca se no'uen. Ma' ¿negue' quet cá'maq ishit quet reloxoỹa'a na ỹaatqajam 'xoic qomyipi ralamaxarichi'?

Miqueas 4:3

Ñi qota'olec imit ma'le ná'ogue na ỹoreta'oguit qomyipi, ca ñi'maxare ỹa'maxajñi na reloquitapigui na 'xoic qomyipi, vire'ta ná'maq paguec qoỹoqo'ta. Na'maxare ỹosogui na lecaachiripi, ca ỹo'uet na nasaugaxanaxat lap llaaxa, chaqai cana laqui, ca ỹo'uet na lichaxasoxonaxat. Tot qaica ma'le ca qomyipi quiyim icona ca lo'goxonaxat, ca' nco'ỹa'e' ca liỹa, chaqai tot qaỹapaxaguinegue cá'maq 'neeta'gue quiyim eec queca lauataq.

Lucas 2:52

Ca' so Jesús noquiiquetashiguim da llaaxa chaqai da la'deenataxanaxac. Ca' ñi qota'a ỹaatqajam ỹa'maxarenta so'maxare, chaqai ná'ogue na qomyipi.

Juan 2:25

Se ipaquetaque quiyim 'ue ca ra'qaataxanem so'maxare quedá'maq 'neeta ná'maq qomyipi, ma' so'maxare ỹa'den ná'ogue na la'deenataxanaxac na qomyipi.

Juan 7:24

Se ra'iitapigui quiyim michii ca re'qoochigui. Quiyim 'ue ca michii, qam ỹaatqajam 'maxaraic nqai'ñii ca remiitaxanaxaguii.

Hebreos 5:14

Ma' ná'maq ỹaatqajam na'ic ta'chiguit ná'maq qom mashic ỹi, ná'maq mashic ra'deenataxan, ná'maq mashic ỹa'den quiyim retan ca lo'yaxanec chaqai ca se no'uen.

1 Samuel 16:7

Qam ñi qara'gaxala' 'naaco' queso'maxare: —Mese ra'irigui cá'maq qom chaqai cá'maq ladoqueta, ma' ỹim se secoñiguit. Ma' sqaida dá'maq ra'iitagui ca qom. Ma' na qom ra'iitagui da chi no'ueenataxac ca qom, qam ỹim ya'iitagui añi le'taxanata.