Isaías 10:1 - La'qaatqa ñi qota'olec Qota'olec & Qota'olec Novita Na Qomyipi

¹ ¡'Xoraiqolqa qamiri, ma' 'viichiñi na naqataxac se no'uen chaqai 'chiiñi na nelaataxanaxac se qanalo'guit,

Isaías 10:1 Iomraidhean Croise

1 Reyes 21:13

Ime, ca ỹovirero nqohine' saua dos ỹale' quiyim chi ỹo'ueete' ca ỹa'xate' se no'uen queso Nabot, 'qaatac nqohin sá'ogue so qomyipi, quiyim so Nabot noquiaatapega na'le ñi qota'olec chaqai so nashi Acab. Ime, ca' qaỹauegue'uegue da lahi yi na'a', ca qainaqatac quena qa' chi qaỹalauatetañi.

Éxodo 23:3

Qam 'neeto' lotqai qoshi'relec cá'maq qom 'xoic le'xoric quiyim sqa taagui ca leloxoỹaxac.

Éxodo 23:6

'Neeto' lotqai se quelollita ca 'xoraic, no'm reloqota'guit ca nashi queca ỹo'ueetetac.

Isaías 5:11

¡'Xoraiqolqa qamiri, quena' o'taxañitañi quiyim rquiñiuguichii, ca' quiyi na'xa'alom ỹovireta'guit yi pe hueetaguilo qamiri da loxonaxanaxac na lataxa!

Isaías 5:18

¡'Xoraiqolqa qamiri, quiyim queda ra'maachiguii huogolliñiitegueri' da se no'uen, huogolliñiitegueri' da rasauaxashichii, 'ec nqai'ñii aca nahoglena!

Isaías 5:23

Ma' qamiri quena' qarishivichiñii, ca 'ñiỹac qaica lasauaxaset cá'maq ỹo'ueetetac ca se no'uen, chaqai se quelolliỹa ca louenaxanaxa queca lalamaxaret ca qaica ca 'na'pegue.

Isaías 5:8

¡'Xoraiqolqa qamiri, ma' se neme shiujnaxañitaque naua ra'aachiri, chaqai 'xoic na na'lauahi, vire'ta ma' qaica ca na'ñi na liỹa qom, ca 'ec qaqamita nqai'ñii ñiitalec na 'laua!

Isaías 59:13

Ỹaatqajam spa'guenqatac chaqai se qaraqamaq quiñi qara'gaxala' qota'olec, se sahoqotaque qolaxalec, socachaqata'a quiyim sa'xataq na se no'uen, sahoqe ca qana'deenaxac, ca' sayinaq na liỹa qom.

Isaías 59:4

Qaica ca ỹa'maqachiguiñi quiyim 'ue ca talaxanlec chaqai na'majantacot na nimiitaxanaripi quena nasauaxaset. Paguec pi'ỹa'a da na'maachic chaqai naua na'qaatqa repeetaxante'; mashic 'manegue na se no'uen;, ca' ne'qaañi nqai'en da nalauataxanaxac.

Jeremías 22:13

¡'Xoraicolec qami' ma'le, ma' quiichigui nqai'ñi' da se no'uen chaqai da se ỹa'maxañi ro'ueenataxanaxaqui' quena' no'xoñirishiguim na qauochi' lodegaxat chaqai ná'maq ladocaic 'imec ralamaxarichi', quena' 'ueenataxanaxañi' na liỹa qomyipi, qam sqai shivichiñi' da lo'ueenataxanaxac!

Amós 2:7

Pataxañi chaqai nemanachit nqai'en na 'xoraiquipi, chaqai se na'xaỹaxana quena' 'ue ca ỹahotaque. Ca leta'a chaqai ca llaalec nouansagui lapaasapi'ñi' aca 'aalo nequetegaxai, ca' queda, ca' iualaxainsac dá'maq chalego lco'taxa da ỹeenaxat.

Mateo 11:21

—¡Ỹaatqajam chalego re'xoriguii, qamiri ñiỹa'ñi na na'a' Corazín! ¡Chaqai ná'maq neeta'ñi na na'a' Betsaida! Ma' quetqai hua'ño' yi na'a' Tiro chaqai yi Sidón ná'maq qaỹo'uet se qaiuanapega quená'maq qaỹo'uet na'le caqamiri, shi'gue quet ỹaxañiñi naua lanatqa, chaqai nachaxanta queta'le ỹañiñi caua noho nasouaxaqui', chaqai nemeetalta' quena lo.

Mateo 23:23

¡Ỹaatqajam 'xoraiqolqa qamiri napaxaguinataxana' quena naqataxaquipi chaqai qamiri fariseoipi, ma' 'ñiitapega qamiri 'maxaraqa! Qamiri 'ỹaañim ñi qota'olec ana 'oono'lli' laue ca diez cana nalequetenaxanqate leenaxat menta, chaqai ana anís, chaqai ana comino, qam se na'xaỹaxañiỹalo nauá'maq ỹapaquerauec nelaataxanaxaco quena naqataxaquipi: da 'maqataxac, chaqai da ne'xorenataxanaxa, chaqai da npi'ỹaxac. Ca' chaqaida dá'maq 'viichii quet, qam sqai 'xañiñi quiyim 'viichitac ná'maq liỹa.

Mateo 23:27

¡Ỹaatqajam 'xoraiqolqa qamiri napaxaguinataxana' quena naqataxaquipi chaqai qamiri fariseoipi, ma' 'ñiitapega qamiri 'maxaraqa! Qam 'ec qamiri napal lahi' na'meenecse, ca 'ec lo'yaxana quená'maq pa'aauec, qam quena pa'aauo, ca no'qaachigui quena leuaxaic lpi'nec chaqai ná'ogue nanchaqaina napio'xo.

Mateo 23:29

¡Ỹaatqajam 'xoraiqolqa qamiri napaxaguinataxana' quena naqataxaquipi chaqai qamiri fariseoipi, ma' 'ñiitapega qamiri 'maxaraqa! Qamiri no'xoñishiguim ana lahi' so letaxaỹaxanqajanqaipi ñi qota'a chaqai viitaque na lemaqatet na qaripi netanaxaset so huagaxaraic qomyipi.

Mateo 26:24

Qam najo ỹale llaalec ỹaatqajam quiichigui da 'nerac naua naneresañi la'qaatqa ñi qota'a. Qam ¡'xoraicolec cá'maq qom yayaano! Cajo ỹale paguec la'maxa quetaxan se ne'qaaño' na'le.

Lucas 11:52

¡Ca' vichiguiño' 'xoraiqolqa qamiri napaxaguinataxana' quena naqataxaquipi! Ma' qamiri npa'xañilec aso lauaatqate ñi lasom da na'deenaxanaxa, qam sqai noxoñiho qamiri chaqai sqa shiñiho quiyim inoxono ná'maq ỹahotaque inoxono.

Juan 19:6

Ca co'na' qaiuane'ta so'maxare, ca na la'gaxalateripi na netaxaỹaxanqajanqaipi chaqai na nouaataxanyipi chaqa'ma' ỹaualqagui, 'naac: —¡Pachiñiro! ¡Pachiñiro! Ca' so Pilato 'naaco': —Viguiuec qamiri, ca' pachiñiho, ma' ỹim qaica quet cá'maq sanata lasauaxaset da'maxare.

Juan 9:22

Saua leta'al 'neraco' na'le dajo, ma' mashic 'uo' da lqolonqa', ma' so judioipi shi'co' na'deentecta' quiyim ỹo'daauec cañi lo'ueenaxanaxaqui canchaqaica qom quiyim 'naac so Jesús chaqaiso só'maq nashi nca'laxaqui.

Judas 1:11

¡'Xoraiqolqa naua'maxare! Ma' queesa'uegue da no'ueenataxac so Caín. Ma' ỹahosaque ca lauegaxanaxague' cana plata, ca' ỹo'merac, 'nejme' so Balaam. Chaqai na'lerañi 'nejme' so Coré, ma' qaỹalauat, sauaxat da npa'guenaxac.