Isaías 1:9 - La'qaatqa ñi qota'olec Qota'olec & Qota'olec Novita Na Qomyipi

⁹ Quetqai ñi qara'gaxala' qaica lqalanec sqaico' caua no'ueenaxaterañi coqomi', ca' nagui queta' shinqatari' yaua Sodoma chaqai yi Gomorra na' qanopoxoỹaxachiñi.

Isaías 1:9 Iomraidhean Croise

Génesis 18:26

Ca' ñi qara'gaxala' 'naaco': —Quiyim 'vii caua sanatalo cincuenta qaica ca lasauaxasete' quiyi na'a' Sodoma, ca' quecaua'maxare, ca' nca'leuec nqaishin yá'ogue yí'maq neeta'ñi yi'maxare.

Génesis 18:32

Qam so Abraham qaiyiita 'ue da lepagaxallic: —Qouaquiric qami' ỹa'gaxala', totaxan 'o'iriua'. Ma' qaidaatoqui' dajo ỹa'qaatec, ca' tot liỹa setaqa. Qam ¿no'm huañirejlgoto caua diesolqai'? Ca' ñi qara'gaxala' 'naaco': —Vire'ta quecauajo diez, ca' se seshit ñalauajñi yi na'a'.

Génesis 19:24

Ca' ñi qara'gaxala' chicqo'ot nqai'en na piguim so norec chaqai na 'eco' quiquiaxaic, ca taalec nqai'en yi Sodoma chaqai yi Gomorra.

1 Reyes 19:18

Ca' ỹim ño'ueenaxatañi ma'le quiyi Israel ca siete mil qomyipi se ỹa'dooto naua le'cootal ñi Baal chaqai se nqo'goq.

2 Reyes 19:4

Sha'apiguito' ñi qara'gaxala' qota'olec 'xaỹalo daua la'qaatqa so lotaua ñi nashi quiyi Asiria, quiyim queetapegueu'a ñí'maq nca'leetauec qota'olec, chaqai sha'apiguito' quiyim ỹouaxan quedá'maq cajo 'naac quiñi qara'gaxala', ñí'maq qota'olec caqami' peeta'a 'xaỹa. Ca' nagui, ca' nqouagaxaiñitot ñi qota'olec quená'maq no'ueenañi.

Isaías 1:8

Qaiyiita yi na'a' Sión no'ueenañi, 'ec 'imcoqui' na'daañi neetañigui ca 'uva loma', 'ec ca 'imcoqui' neetañigui ca chiguiraxai loma', 'ec ca na'a' qanahiquinchiguiñi queca npa'guenaxauaripi.

Isaías 6:13

Chaqai no'm sqo vito'olqai' caua no'ueendañi quenajo qomyipi, qaiyiita qanalauajñi ma'le, 'ec quena' qaỹouaxanlec aca qo'paq roble loqo'm aca encina, ca' qacaata aca loỹo no'ueenañi. (Ca acá'maq dalaxai llaxataxai aca loỹo, ca lalamaxarete ma'le ñi qota'olec.)

Jeremías 42:2

so Jeremías, ca' qohinapego': —'Ue da sashiilaxanqaque caqami'; 'neeto' se na'xaỹaxañi': Nqouagaxaiñitot ñi ra'gaxalachi' ñí'maq qota'olec caqami' coqomi' sqo vito'olqai' qaro'ueenañi. Quesom qomi' 'xoic, qam nagui ñaqai 'ajñi' qomi' sqo vito'olqai'.

Joel 2:32

Qam ná'ogue ná'maq pi'ỹa'a chaqai ỹashiila ñi qara'gaxala', quiichigui nqai'en da leenaxat, ca' nca'leuec ma'le, qohit queca nelauaxa, ma' cada qa' ladocai Sión quiyi Jerusalén hueeta'ñi ma'le da nca'laxa, ma' chaqaida dá'maq 'naac na'le ñí'maq qara'gaxala'. Ná'maq lca'acseripi na'le ñi'maxare, ca nca'leuec ma'le. (3.1-21 Ñi qota'olec ỹa'ue da nouaxanaxaset na ỹoreta'oguit qomyipi. Ñi'maxare nqouaguegue ma'le so lalamaxareteripi.)

Amós 4:11

Ỹaatqajam chalego da re'xoriguii na' ñopoxoỹaxachiñi qamiri, 'nejem só'maq selata na'le yi Sodoma chaqai yi Gomorra; ỹaatqajam chaqai 'nejme' qamiri ana poqo quena' chita'gue qanaqajta queca norec, ¡qam qamiri se rapilliua'! Ñi qara'gaxala' i'taxajñi da la'qaatec.

Mateo 7:14

Qam ñi lasom chaqai so nayic taira'a yi nca'laxa, sqa loguilo, ca' mesqai 'xoic cá'maq ỹanata.

Romanos 9:27

Qam quená'maq Israel llaalqaipi, ca' so Isaías 'naaco' na'le: “'Eno'm ỹaatqajam 'xoic na llaalqaipi so Israel, 'ec lecaata na lo'uaxanaxa cana huaaxai, qam sqo vito'olqai' ma'le caua no'ueendañi quiyim nca'lerec.

Romanos 9:29

Ca 'nejem ma'le dá'maq 'naac na'le so Isaías: Ñí'maq la'gaxala' ná'ogue na piguim laseripi quetqai mesqaico' ca no'ueenaxatañi quena qochaalqaipi, ca vire'ta queta' shinqate' saua na'aate' Sodoma chaqai so Gomorra na' qanopoxoỹaxachiñi.

2 Pedro 2:6

Ñi qota'a qai'neeta ỹa'ue da nouaxanaxasete' saua dos na'aate' Sodoma chaqai Gomorra, copata'alo nasoochiriñi nqai'ne', vire'ta quiyim sá'ogue lo nqai'en. Ma' ỹahotaque laloqojnaxanaxat quená'maq qomyipi hualoxonyipi quená'maq no'ueenalec ma'le na 'laua.

Apocalipsis 11:8

Ca ma' ileue', ca nichilnete', hueesa'ñigui nqohine' so nayic quiyí'maq lodegaxat na'a' Jerusalén, yí'maq hua'ño' na' qaipateno so qara'gaxala' Jesús, yí'maq chi qaỹamata'gue Sodoma, loqo'm Egipto.