Isaías 1:8 - La'qaatqa ñi qota'olec Qota'olec & Qota'olec Novita Na Qomyipi

⁸ Qaiyiita yi na'a' Sión no'ueenañi, 'ec 'imcoqui' na'daañi neetañigui ca 'uva loma', 'ec ca 'imcoqui' neetañigui ca chiguiraxai loma', 'ec ca na'a' qanahiquinchiguiñi queca npa'guenaxauaripi.

Isaías 1:8 Iomraidhean Croise

Isaías 1:7

Na na'lauahi ñigui ca 'laua qaica qom, chaqai na na'aateripi ná'ogue ỹavigougui. Chaqai ma' loxoitaho, qam na npa'guenaxauahipi ỹa'ic na qadañicshiguii. Ná'ogue ñigui ca 'ec 'laua qaica qom 'nejem na'le yi Sodoma na' qanopoxoỹaxajñi.

Isaías 1:9

Quetqai ñi qara'gaxala' qaica lqalanec sqaico' caua no'ueenaxaterañi coqomi', ca' nagui queta' shinqatari' yaua Sodoma chaqai yi Gomorra na' qanopoxoỹaxachiñi.

Isaías 30:17

Mil ca 'eet ma' qaỹadeneguelec queca 'oonoqui' ỹale, chaqai ma' cincolqai' caua ỹadeneguelgoto qamiri, ca qamiá'ogue 'iichii, vire'to' ma' sqo vito'olqai' qamiri, 'ec ca qo'paq cana roto aca qa' ladocai, loqo'm quiyim netana qoỹanalec aca quemaralec ladocai. (30.18-33 Qaỹachaxantac quiyim qanqouaguegue so qomyipi. Qaỹa'ue ca nouaxanaxaset so na'ñi yi Asiria.)

Isaías 49:21

Ca qami' chi retaqatapigui ma'le na qavilli', ca 'ñirac: ¿Nega'ỹo' cá'maq ỹa'vii nauajo ỹaalqa? Ỹim qaicaua caua ỹaalqa na'le, chaqai tot qaica ca ỹaalec; ỹoqa'a da 'laua senta'gue chaqai qoỹoqo'ta aỹim, ¿nega'ỹo' cá'maq iỹaxate' naua'maxare? Ma' ỹim qayodaqajanchiguiñi na'le, ¿negue' cá'maq chicqora'co' naua'maxare?

Isaías 62:11

Ñi qara'gaxala' ỹa'xateta'guit dajo quenaua'que naua lahil na 'laua: 'Ñiỹapega na na'a' Sión: mashic novi' na nca'laqatqochi'. Na qara'gaxala' noviraxat na lalamaxareteripi, na' ime quiyim louootaxanaxat.

Isaías 8:8

ca quejlec ma'le najo 'laua Judá, ca i'paxanlec nqai'en, ỹoviro'ot nqai'en na lqosot. Ca 'ec aca qo'o ipeguendec naua laua', ca napoxonaxanchiguiñi ná'ogue na senqatalec na'laua ñi qota'olec Emanuel. (8.9-22 Ñi qara'gaxala' qata so letaxaỹaxaqui, qaraqata quiyim 'naac se qaretaxaỹa'pegue' na lqui'i na leuaxaiquipi. 'Xoic lqalaigue' saua na'xata'.)

Jeremías 4:17

Nahiquinchiguiñi ma'le yi Judá, 'ec na neloxoỹaq quena no'ueenaxa, ma' npa'guene'e' ñi qara'gaxala' qota'olec. Ỹim na'gaxala' se'taxajñi da ỹa'qaatec.

Zacarías 9:9

¡'Xoic ma'le ca netoonaxaqui', qami' na'a' lodegaxat Sión! ¡'Ueenaxañi' queda netoonaxaqui', qami' na'a' lodegaxat Jerusalén! Na nashi 'maxataxaraic chaqai huegaxanaxai naỹa'a qami', qam ne'xoresenta, neetalec na 'ashinoqui' ná'maq llaalec aca 'ashina.

Juan 12:15

Se ro'chii, qamiri ñiita'ñi na na'a' lodegaxat Sión; ñaqa 'ajñii na rashii, 'ena neetalec na 'ashin.