Isaías 1:7 - La'qaatqa ñi qota'olec Qota'olec & Qota'olec Novita Na Qomyipi

⁷ Na na'lauahi ñigui ca 'laua qaica qom, chaqai na na'aateripi ná'ogue ỹavigougui. Chaqai ma' loxoitaho, qam na npa'guenaxauahipi ỹa'ic na qadañicshiguii. Ná'ogue ñigui ca 'ec 'laua qaica qom 'nejem na'le yi Sodoma na' qanopoxoỹaxajñi.

Isaías 1:7 Iomraidhean Croise

Salmos 107:34

chaqai na lo'yaxanec 'laua ñigui lalagaxalec nqai'en, sauaxat da leualoxonqaishic ná'maq qomyipi neetalec;

Salmos 107:39

Chaqai no'm 'vii caua ileue', ca' naqaquiñi, sauaxat na le'xorigue' quena le'nete' chaqai quena nqui'ic,

Isaías 1:8

Qaiyiita yi na'a' Sión no'ueenañi, 'ec 'imcoqui' na'daañi neetañigui ca 'uva loma', 'ec ca 'imcoqui' neetañigui ca chiguiraxai loma', 'ec ca na'a' qanahiquinchiguiñi queca npa'guenaxauaripi.

Isaías 49:19

Na na'laua'e' qanopoxoỹaxajñi, qai'guenaxajñi, sogui nqohin na'le; qam nagui na na'laua'e' cocho'qui', se nalolec ma'le ná'ogue na qomyipi. Cá'maq nopoxoỹaxajñi na'le qoỹoqo'talo nagui.

Isaías 5:17

Na na'aateripi qanopoxoỹaxajñi ma'le, ca quená'maq nopoxoiqatec, ca' ana qagreta chaqai ana quetaq ỹa'queetac na 'uaqapi ñaxashiguim.

Isaías 5:9

Ñi qara'gaxala' qaica lqalanec ỹaanec da la'qaatec caỹim, 'naac: Ma'le, ca' 'xoic ca 'imec qanopoxoỹaxajñi; 'eno'm leta'al chaqai lo'yaxanqa caua 'imqa, qam qaica ca nauguilo.

Isaías 6:11

Ca' ỹim senat na'le: ¿Laquio' ime dajo, qami' qara'gaxala'? Ca' ñi qara'gaxala' 'naac: Dajo ỹovireto'o' ma' qanopoxoỹaxajñi na na'aateripi chaqai qaica ca no'ueenashiguim quena qom; chi ỹovireto'o' ma' qaica ca qom nauguilo naua 'imqa, chaqai naua no'ueenaxari qaica ca naalgoto,

Isaías 60:15

Qami' na'a' tot qanoqui'raxaua', qaqamite' chaqai qaralachi', ta'ta'a quiyim so'uet ca rauaqe' sqaica lqodoc, chicqochigui ma'le quiyim se neme da naỹaac.

Isaías 62:8

Ñi qara'gaxala' nallitalta', ỹaanec da la'qaatec, nanojshiguim da loic, ca 'naac: Tot qaica ma' liỹa quet quiyim saxanegue quiyim ỹa'ic na qadañicshiqui' trigo na npa'guenaxaua'e'ipi chaqai na ỹoqa'a na chicqa'gue quiyim ni'chigui ná'maq chi ro'ueenachiqui' lataxa;

Isaías 64:10

Na ralamaxarichi' na'aateripi ñigui co'tejlem, qaica ca qom, na Jerusalén soochigom, qaỹopoxoỹaxateta.

Isaías 9:5

Re'qoota nqai'en da lelamqa' naua lapelate' na nouaataxanaq, ca' naua lapelate' chaqai naua loho leuore'teguelo qaỹavigaxate', ỹasoote' nqohine' ma'le queca norec.

Jeremías 4:7

Na sauaxaic leta'a mashic nenoxonec quiyi nañoqotqa', ná'maq mashic nomategueñi na ỹoreta'oguit qomyipi mashic naqueta; nenoxonec quiyi na'laua, ma' ỹahotaque nomajñi na qomyipi neetalec najo 'laua, ỹahotaque co'telec na na'aateripi chaqai nopoxoỹaxajñi.

Jeremías 44:6

Ca na'le, ca' nachipishiguim da iuel chaqai da ỹonogoxonaxac, ca ỹavigougui 'ec ca norec quiyi na'aateripi quiyi 'laua Judá chaqai quena nayiquipi yi Jerusalén. Ca' qanopoxoỹaxachiñi, ca' qaica ca naalec yi'maxare, chi ỹovireta'a nagui.