Isaías 1:4 - La'qaatqa ñi qota'olec Qota'olec & Qota'olec Novita Na Qomyipi

⁴ ¡'Xoraiquipiolec na qom sauaqhuaic, no'qaachigui quena se ỹa'maxañi, chigoxougui só'maq ỹo'ueetetac da se no'uen, ñaalqaipi hualoxonyipi! Mashic noỹootec quiñi qara'gaxala', mashic nasectec quiñi co'teeta qota'olec queso Israel, ỹaatqajam ca'e.

Isaías 1:4 Iomraidhean Croise

Génesis 13:13

yí'maq na'ñi ná'ogue na qom hualoxonyipi, chaqai ỹo'ueetetac ná'ogue na se no'uen quená'maq se nqo'ta ñi qara'gaxala'.

Nehemías 1:7

Chaqai ỹaatqajam se ỹa'maxañi da shinqatari' caqami', ma' se ipaquichiguilo nqaishinaq daua relaataxanaxagohi', raqataxagohi', rapaxaguinataxanaxagohi', 'ỹaañitema qomi', chigoxochichirigui so relaachiqui' Moisés.

Salmos 71:22

Ca quena' ỹim, ca so'ueenaxan, semaqachin quiyim ipaquichiguilo naua ra'qaataxahi', socantapigui da lelamaxa ana niviigue arpa chaqai ana salterio, qami' qota'olec, qota'olec quena llaalqaipi so Israel.

Isaías 1:23

Na nashillipi caqami' napacqajnaxairipi chaqai na nauochaxaua'e'ipi choxonataxanaxairipi. Ná'ogue ỹo'uet quiyim qaishiuetenta, idaante'e quiyim qaỹo'uet ca qoỹaanem. Se iuejlec ca na'peloq, qaica ca ỹauaaque se nqouaguegue aca pa'ỹe.

Isaías 14:20

Se qaishinñi qami' sqai 'ñiite' na liỹa nashillipi, ma' na'laxachirañi ná'maq chi qauochi', chaqai lauachi' ná'maq chi ralamaxarichi' qauochi'. Ná'maq llaxataxai na hualoxonyipi sqai 'neetari'.

Isaías 30:15

Ñi qara'gaxala' qota'olec ñí'maq co'teeta quiyi Israel 'naac: “Rapilliu'a ỹim, re'maxaitam, qaiyi rca'lliiuec. Ca ma' re'maxaitam chaqai da rpi'ỹaxaguii, ca' hueetagui ma'le ca rquesaxanaxahi.” Qam se na'xaỹaxañii,

Isaías 30:9

Najo qomyipi ỹaatqajam npa'guenaxai chaqai se ỹaqamaq, se na'xaỹaxanalo naua lapaxaguinaxanaxaco ñi qara'gaxala'.

Isaías 31:2

Qam ñi'maxare qai'neeta ỹaatqajam co'ỹaxaraic chaqai ỹa'den ỹo'uet ca ne'xoric, chaqai quena' 'ue da ỹa'xat, ca chaqaida nqai'en. Ñi'maxare npa'guene'e' ma'le na qomyipi hualoxonyipi, chaqai ná'maq ỹotauan na ỹo'ueetetac na se no'uen.

Isaías 5:19

Qamiri ná'maq 'ñiỹaiquen: Quiyim ñi qota'olec iỹalata'gue cá'maq ỹo'uet, qaiyi seuanqachigui; quiñí'maq co'teeta qota'olec quena Israel quiyim iỹalata'gue ỹo'uet cá'maq ỹahotaque, qaiyi sa'deenqata.

Isaías 5:24

Ca' chaqaida dá'maq 'neeta na norec quena' ỹavigaxat na 'uaqapi chaqai na lauaq ỹavicañi nqai'en ana laue lasooxoi, ca chaqaida 'neete' qamiri ma' ra'lliỹañi, 'ec ana qo'paq ỹasoochi'ñoto naua lpa'yii chaqai ana lenoỹaxai sogui 'ec na lo. Ma' sqai coñiguit da napaxaguinataxanaxac chaqai da naqataxac quiñi qara'gaxala' sqaica lqalanec, ñí'maq co'teeta qota'olec quena Israel. (5.25-30 Nouaxanaxaset na nemaqajnaxairipi. Ñi qota'olec nelata yi Israel so qomyipi qoỹoqo'tegue da na'gue quiyim nco'ỹa'e'.)

Isaías 58:2

Naua'que na'xata' idaantaque aỹim, ca ỹa'maqachigui lauel ma' ỹa'den da ñayicyaxac, 'ec ca qom ỹo'ueetetac ca ỹa'maqachiguiñi chaqai 'ec quiyim se napacalgoto naua ilaataxanaxaco; ỹahotaque quiyim saanem ca 'maxaraic ỹaqataxac chaqai 'ue da netoonaxac ma' sqoỹoqaque caỹim.

Jeremías 2:13

Na ỹalamaxareteripi mashic dos daua lasauaxasete': yalat ca'e aỹim, ỹim lahi' na huaxaỹaq ỹo'uet da nca'laxa, ca ỹo'uet aná'maq chi li'ỹa, ana ni'ỹa raqac, ca' sqai vigui na huaxaỹaq. (2.14-37 Dá'maq 'neeta quiyim se ỹaqamaq yi Israel. Da npa'guenaxac yi Israel, ca ta'chiguit quiyim qaỹa'ue ca nouaxanaxaset.)

Jeremías 2:5

Ñi qara'gaxala' 'naacsa' caqamiri: ¿Nega'ỹo' cá'maq se ỹa'maxañi ỹo'ueenataxanaxac iuana caỹim so 'auaxaic qataa'illipi? Ma' ca'e aỹim, quegue coỹareta'pegue' ná'maq 'neetapega qota'olqaipi qam qaica ca 'negue, chaqai ñigui quiyim qaica ca 'negue só'maq qomyipi.

Ezequiel 16:33

Ná'ogue ana huogaxai ỹa'ue añi nishiuete, qam qami' sqa vite aca nishivichi'i' quená'ogue ná'maq qami' lqo'itqate; chaqai shivichiñite', qaiyi chicqote'ogalo ná'maq ỹo'uet ca lasauaxaset caqami'.

Ezequiel 16:45

Qami' llaale asó'maq ỹaatqajam loquiiaxat so loua chaqai so llaalqaipi, chaqai saua rqaỹachi' 'aalo qai'neeta loquiiqate' saua loua' chaqai saua llaalqa. Qamia'que aso qachii'i chigoxougui na hitita laseripi chaqai so qataa'i amorreo le'ec.

Mateo 11:28

Naguipegue' aỹim qamiá'ogue, ma' mashic rco'chiiuec quena ro'ueenataxanaxaguii chaqai quena ri'ỹaaguii, ca' ỹim ñco'mataxandec qamiri.

Mateo 23:33

¡Qamiri nanaiquipi! ¡Qamiri llaalqaipi na nanaic! ¿Negue' quet cá'maq nañitqarii quecá'maq nouaxanaxashichii ma' qarenaxai'ña ca ncopatqo' na hualoxonyipi?

Mateo 3:7

Qam co'na' so Juan iuane'ta so 'xoic qomyipi chicqaugui na fariseoipi chaqai ná'maq chicqaugui na saduceoipi nanac ỹahotaque quiyim qanachilaxan, ca' so'maxare 'naaco': —¡Qamiri nanaic llaalqaipi! ¿Nega'ỹo' cá'maq ỹa'ue ra'xaỹaxaguii quiyim 'iichiỹa'piguit cá'maq chalego lecaic nouaxanaxaset na qom nepalata?

Romanos 8:7

Ná'maq ỹa'deentapega da lo'ueenataxanaxac na loshicmaxa, ca' npa'guenaxaua ñi qota'a, ma' se nqo'ta chaqai qalana'a quiyim quelgoto naua laqataxaco.

1 Corintios 10:22

¿Loqo'm sahoqotaque qomi' quiyim co'ualaxan so qara'gaxala'? ¿Pagueco' qarquesaxanaxa queso'maxare?

Colosenses 1:24

Ca' nagui, ca ñitoontac, ma' qamiri nauá'maq 'em quiyim 'ue da i'xoric, ma' quedajo, ca' nalogoñi nqaishin quená'maq chi ỹoshicmaxa dá'maq saqa' ỹovira'a na'le le'xoric so Cristo, quená'maq mashic icoñiguit da na'qaatec ma' chi loshicmaxa.

Apocalipsis 18:5

Ma' lapootañi na lasauaxaset ỹovirashiguim quena piguim. Ca ñi qota'a ỹo'leenta'a ná'maq se no'uen ỹo'ueetetac yi'maxare.