Isaías 1:21 - La'qaatqa ñi qota'olec Qota'olec & Qota'olec Novita Na Qomyipi

²¹ ¡Qami' na'a' lodegaxat, quesom qami' qamaxaraic, qam nagui vichirau'a quiyim 'ec qami' nedequenaxai! Quesom ná'ogue na qauochi' ỹo'ueetetac da ỹa'maqachiguiñi chaqai ỹaatqajam ne'maxateta, qam nagui nodaachiguiñi na lauataxanaxai ná'maq 'ue.

Isaías 1:21 Iomraidhean Croise

Apocalipsis 11:8

Ca ma' ileue', ca nichilnete', hueesa'ñigui nqohine' so nayic quiyí'maq lodegaxat na'a' Jerusalén, yí'maq hua'ño' na' qaipateno so qara'gaxala' Jesús, yí'maq chi qaỹamata'gue Sodoma, loqo'm Egipto.

Apocalipsis 11:2

Qam se naloqochiñi' yí'maq nasoxoc ñí'maq no'ueenaxanaxaqui, ma' qoỹaanem na ỹoqa'a na chicqa'gue. Ca na'maxare i'naari' ma'le yi chalego lecaic na'a' lalamaxaret ñi qota'a, ỹoviraqterauec saua cuarenta y dos shiriguiri.

Hebreos 12:22

Qam qamiri mashic nqo'ñiu'a aso quemaralec ladocai leenaxat Sión, yí'maq na'a' lodegaxat ñi qota'a ñí'maq sqaica lqodoc nca'leetauec, yí'maq qohinac Jerusalén hueeta'gue da piguim, yí'maq hueete'e ná'maq ỹaatqajam 'xoic nelaatqaipi piguim laseripi,

Hechos 7:52

¿Nega'ỹo' ca quesaua qota'a la'qaataxanqajanqa se qaiqa'viỹa'gue queso 'auaxaic qata'illipi? Saua'maxare ỹalauate'o' sauá'maq ỹa'xatesa'guit da loviraxac só'maq ipacqajanchigui ỹo'uet da la'qaatec ñi qota'a. Ca nagui novi' so'maxare, ca qamiri chaqai coñijlec, lauachii.

Lucas 13:34

¡'Xoraiqolqa qamiri ñiita'ñi na Jerusalén, ma' qamiri lauachiỹac na la'qaataxanqajanqaipi ñi qota'a, chaqai naxahitalec quena qa' ná'maq nelaatalo qamiri ñi qota'olec! ¡Ỹoto'o' quiyim sahotaque llapoonta' na qachaalaxai'pi, shine'tegue quiyim 'ec aca huaqa'e quena' lapoonta' na llaalqaipioqui', illo'oto naua laua', qam sqa 'maxariñii!

Isaías 5:7

Yi lanaxanqa' ñi qara'gaxala' ñí'maq qaica lqalanec, yí'maq lqo'itaxat lanaxanqa', chaqaiyi yi 'laua neetalec na llaalqaipi so Israel, chaqai na lauo' so Judá. Ñi qara'gaxala' 'neetapega quiyaua'maxare se napaqueralec da naqataxac, qam qainaata iuantapega na nalauataxanaxac; nauaantaque ca 'maxaraic 'ueenataxac, qam qainaata 'qaataque na naualaxac queda nqui'ic.

Salmos 46:4

Aso lachiugue chaqai na taỹau'alo ñaachi ỹo'uet da netoonaxac yi qota'olec la'a' yí'maq paguec co'teeta quena la'aateripi ñí'maq ỹapacauec quená'ogue.

Apocalipsis 17:1

Na'le, ca' naari' so 'óna quesaua siete nelaatqa piguim lase' só'maq no'qoota'alo saua siete 'taxaqui'. Ca 'naapiguiỹa': —Ỹala'e' na'itquena, sachaxanem aqami' dá'maq nouaxanaxaset añí'maq 'aalo ỹaatqajam nedequenaxai, añi'maxare nqa'xantalec na huaaxaipi.

Isaías 1:22

Qami' plata quen, qam nagui, ca' qami' lete, qami' no'uen lataxa quen, qam nagui, ca' qami' chaqai huaxaỹaq.

Isaías 59:3

Naua rqai'laqachiri la'ne'teguelo quena leuoripi chaqai naua napoquenallii hueetaguilo da nalauataxanaxac; naua qadaapiri chicqotapouguilo na na'maachic, ñi ro'legaxanaxachii hueetalec na se no'uen.

Isaías 59:14

Dá'maq ỹa'maqachiguiñi se qaicoñiguit, dá'maq no'uen qoỹoqote'oga nqohin, da lliqueta repoxolaxan quiyi 'xoic na qom, chaqai dá'maq naqamaxa qaica ca loma'.

Isaías 59:15

Dá'maq lliqueta na'laañi, chaqai cá'maq noỹootec queda se no'uen, ca' qarocacha ná'maq hueeto'ot. Ñi qara'gaxala' se ỹa'maxagui lauel, ma' iuana quiyim sqaica ca naqamaxa.

Oseas 2:5

Aso late'e nedequen; na'laxatañi quiyim qaimaqachin na' 'naac: Ỹim shic, sedaanaque cá'maq nqo'ta aỹim, cá'maq nañaañim ca noq pan chaqai ca ỹaquip huaxaỹaq, ca qagreta laue chaqai ca lino, ca aceite chaqai ca ñi'taxat lataxa.