Isaías 1:2 - La'qaatqa ñi qota'olec Qota'olec & Qota'olec Novita Na Qomyipi

² Piguim chaqai na 'laua, na'xaỹaxañiỹa da la'qaatec ñi qota'olec, 'naac: Siỹaxat na ỹaalqaipi ỹovireta'a quiyim leta'allipi, qam na'maxare npa'guene'e' aỹim.

Isaías 1:2 Iomraidhean Croise

Salmos 50:4

Ca' quiyi neetashi'me qoỹoqoshi'ma ñi qota'olec roỹaxana na piguim chaqai na 'laua, qaiyi reloqotaho quiyim imit na lalamaxareteripi, ca 'naac:

Isaías 30:9

Najo qomyipi ỹaatqajam npa'guenaxai chaqai se ỹaqamaq, se na'xaỹaxanalo naua lapaxaguinaxanaxaco ñi qara'gaxala'.

Isaías 63:16

¡Qami' ná'maq qami' qareta'a! 'Eno'm so sachigoxosoxougui Abraham 'ec ỹora'alo nqai'ne' qomi', chaqai so laual Israel se ỹo'leenta'alo qomi', qam qami' qara'gaxala', qami' ná'maq qami' qareta'a; chaqai shi'gom se neme quiyim 'ootaxañiseguelgoto qomi'.

Jeremías 22:29

¡Qami' 'laua, ñaq na'xaỹaxañita da la'qaatec ñi qara'gaxala'!

Jeremías 31:9

Naqueta nqouagaxainta'guit chaqai noỹenta'guit. Ỹim sauega yi huaxaỹaq ne'paxantashiguim, queso nayic nalo'ojta', ca' qaica ca repoxolaxan. Ma' ỹim leta'a so Israel, chaqai so Efraín só'maq ỹi ỹaalec.

Amós 3:1

Qamiri llaalqaipi so Israel, ñaq na'xaỹaxañiỹa da la'qaatec ñi qara'gaxala' quenajo qomyipi naqata'a na'le quiyi Egipto, ñi'maxare 'naac:

Miqueas 1:1

Dajo dá'maq la'qaatec ñi qota'olec ỹilenegue quiyim ỹa'xat so Miqueas só'maq na'ñi yi Moreset, chaqai ỹa'deenaxanaxanegue da leuanaxanaxac quedá'maq 'neete' ma'le yaua Samaria chaqai yi Jerusalén, na' ñaqai neesaho quiyim nashil quiyi Judá saua Jotam, Acaz chaqai so Ezequías.

Miqueas 1:2

Qamiá'ogue qamiri qomyipi, ñaq na'xaỹaxañiỹa dajo; qamiá'ogue qamiri ná'maq ñiitalec najo 'laua, ñaq na'xaỹaxañiichiguiñi: Ñi qara'gaxala' quiyí'maq neeta'ñi quiñi lalamaxaret lauo', ñi'maxare ỹa'xat ma'le cá'maq 'neeta quiyim npa'guento qamiri.

Miqueas 3:8

Qam quená'maq ỹim quiñi ne'Espíritu ñi qara'gaxala' no'xataxachigui aỹim queda lquesaxanaxa, queda ỹa'maqachiguiñi chaqai da la'ñaxac iuel, ca' soviraqta'a yi Israel quiyim se na'xaỹaxan chaqai queda lasauaxaset.

Malaquías 1:6

Ñi qara'gaxala' sqaica lqalanec 'neetasa' da la'qaatec queso netaxaỹaxanqajanqaipi: Na ñaalqaipi imaqachin na leta'allipi, chaqai na ñaaqainatqaipi se napacalec ca ỹa'xat na na'coororipi. Qam no'm ỹim qata'ahi, ¿chi'negue ma' napaguiiteguelec quena' 'ue dá'maq sa'xat? No'm ỹim na'coori, ca ¿chi'negue ma' se na'xaỹaxañiua'? Qamiri se rqo'chiiua', qam qaiyiita 'ñiỹac: ¿Negue' cá'maq 'neeto' quiyim se qarqo'ta qami'?

Hechos 4:20

Ma' qomi' se seshitaq quiyim saxanaxañi sa'xataq cá'maq sauanqachigui chaqai cá'maq sa'xaiqachigui.

Deuteronomio 30:19

Quenajo na'xa'a, ca spa'xano'ot na piguim chaqai na 'laua quiyim reloqota'alo qamiri quiyim mashic saanema qamiri quiyim nca'aiguilo daua dos: da nca'laxa loqo'm da nelauaxa, da no'uen loqo'm da se no'uen. Ca' no'uen quiyim nca'aiua'a ca nca'laxa, qaiyi rca'lliiuec chaqai na qachaalaxahipi.