Isaías 1:11 - La'qaatqa ñi qota'olec Qota'olec & Qota'olec Novita Na Qomyipi

¹¹ Ñi qara'gaxala' qota'olec 'naac: ¿Chi'negue ma' 'xoic na nodohitapego rachitaxanataxanaxachii? Mashic yamaqa'gue ná'maq name qagreta loua' chaqai ana lo'ỹo na huaqui llaalec 'uegaxasaq; yamaqa'gue na leuoripi na tooro, qagreta loua' chaqai na quetaq llaalec.

Isaías 1:11 Iomraidhean Croise

Salmos 40:6

Qami' se rqo'chita na qaỹavigaxat nachitaxanataxanaxat chaqai ana la aca nanecse qoỹaantapego; chaqai sqai vi'saque quiyim 'ue ca qaicopata'a chaqai aca nachitaxanataxanqate quiyim qaỹapalaxat ca nasauaxaset. Qam qami' huachiriguilo naua ique'laa lauaco.

Salmos 50:8

Qam se sa'ue ca rayiloxo'e' quena rachitaxanataxanaxachi', vigaxachi'sac se neme nañaañisapego.

Salmos 51:16

Ma' qami' sqai 'maxariñi' aca chi nachitaxanataxanqate loqo'm aca qaỹavigaxat; ỹim seshit saanem quet qami', qam qami' sqai 'maxariñi' aca'maxare.

Isaías 58:2

Naua'que na'xata' idaantaque aỹim, ca ỹa'maqachigui lauel ma' ỹa'den da ñayicyaxac, 'ec ca qom ỹo'ueetetac ca ỹa'maqachiguiñi chaqai 'ec quiyim se napacalgoto naua ilaataxanaxaco; ỹahotaque quiyim saanem ca 'maxaraic ỹaqataxac chaqai 'ue da netoonaxac ma' sqoỹoqaque caỹim.

Oseas 6:6

Dá'maq sahotaque caqamiri quiyim rqo'chiiua', mesqai quiyim lauachii ca isecỹac, ca 'ỹaañiỹot aỹim; chaqai quiyim 'yiiñiỹa'a aỹim quiyim ỹim qota'olec, ca' sqai 'ỹaañiỹot aỹim cá'maq isecỹac vigaxachii. (6.7—10.15 Da lcoñiitaxanaxac ñi qara'gaxala' quedá'maq se no'uen ỹo'ueetetac so qomyipi quiyi Israel. Da naquitaxac quena ỹoqa'a qomyipi. Dá'maq 'neetari' quena nqolaquipi. Dá'maq naata nouaxanaxaset.)

Amós 4:5

Ca vigaxachii na pan qaca aca lpe'taqate quiyim 'ỹaañiuo queda na'aachicyaxaguii, chaqai 'xachitac quená'ogue añi viỹaque rachitaxanataxanqachii, ma' chaqaida dá'maq viitaque qamiri. Ñi qara'gaxala' i'taxajñi da la'qaatec.

Amós 5:21

Ñi qota'olec 'naac: Yoquii'a chaqai se yqo'talo naua remaqachigohi 'viichita'pe quena' nqouagaxaiñii; se semaqachine' naua rapoxogohi.

Amós 5:22

Se sa'maxaren ná'maq 'ỹaañiuo quiyim qaicopata'a quiyim yimaqachiñii, vire'ta ana 'ỹaañiuo nanecsec ala; se secoñiguit ná'maq huaqui llaalec 'uegaxasaq rachitaxanataxanaxachii quiyim pilliỹot aỹim.

Miqueas 6:7

¿Peeta'a netoon ñi qara'gaxala' no'm saanto'ot ca mil qagreta loua', loqo'm ca diez mil lachiugue quena aceite? ¿Loqo'm quiyim saanot cá'maq ỹi ỹaalec, laseue' na ỹasauaxaset chaqai quiyim se ña'xaỹaxan?

Malaquías 1:10

¡Saxanchi' 'ue cá, caqamiri ishit ỹapoguilo naua lasomi' ñi no'ueenaxanaxaqui, qaiyi totqai liỹa qaicopata'a ca norec cañi ncopatoxonaxalate, qam qaica ca 'negue! Ma' tot ñitoonta'guelo qamiri, chaqai tot secoñiguit ná'maq rachitaxanataxanaxachii.

Mateo 22:4

Ca' lotqai ỹa'vii saua liỹa' ilate' lelaatqa. Ca 'naaco': “'Ñiỹapegalo caua ỹalecse' quiyim mashic ná'ogue na na'ic ỹa'maqatañi quiyim qaỹa'ic. Mashic selaataxanlgoto quiyim qaỹalauate' saua iloo huaca chaqai ná'maq ỹochaxaratec iloipi. Chaqai ná'ogue mashic ỹa'maqatañi. Naguipegue' na nashilaxac.”

Mateo 9:13

Mohi, quii, ca' napaxaguiñiỹa dá'maq leloxoỹaxac yi naneretañi la'qaatec ñi qota'a 'naacsa': “Ỹim sahotaque 'xoriñii ca riỹahi. Mesqaida quiyim 'ỹaañiuo quiyim qaỹavigaxat ca rachitaxanataxanaxachii isecỹac.” Ma' ỹim se ñanac quiyim soỹaxana cá'maq 'deenataxanaxai, ta'ta'a ná'maq sauaqhuaiquipi, qaiyi netacocha, ca ỹaxañiñi naua lanatqa.

1 Samuel 15:22

Ca' so Samuel 'naaco' queso'maxare: Ñi qara'gaxala' paguec nqo'ta quiyim qana'xaỹaxane'ta ñi'maxare, ca' sqai 'nejem quiyim qoỹaanot aca nachitaxanataxanaxat chaqai qaỹavigaxat; paguec la'maxa quiyim qana'xaỹaxane'ta quecá'maq 'naac, ca' chaqaida sqai 'nejem quiyim qoỹaanot ñi'maxare ca nachitaxanataxanaxat qaỹavigaxat chaqai aca lo'ỹo ca qagreta loua'.