Isaías 1:1 - La'qaatqa ñi qota'olec Qota'olec & Qota'olec Novita Na Qomyipi

¹ Najo lere, lerecse so Isaías, llaalec so Amoz, chicqochigui so leuanaxanaxac chicqo'ot ñi qota'olec, taỹaugui yi Judá chaqai yi Jerusalén quesaua ñaxari na' nashil saua Uzías, Jotam, Acaz chaqai so Ezequías quiyi Judá. 'Naaco':

Isaías 1:1 Iomraidhean Croise

2 Reyes 18:1

Ca na' ỹovi' tres ñaxari quiyim nashi so Oseas, llaalec so Ela, quiyi Israel, ca' so Ezequías, llaalec so Acaz, ca' taañi ro'ueenataxan quiyim nashi quiyi Judá.

2 Reyes 19:2

Ca' ila' so Eliaquim só'maq neloxoỹaq quiñi 'imec lodegaxat, chaqai so neraxanaq Sebna, chaqai só'maq netaxaỹaxanqajnec paguec qo'xoic, ỹansañi saua noho nachicoxoqui' paguec da nqui'ic, querepegue' so qota'olec letaxaỹaxaqui Isaías só'maq llaalec so Amoz,

Isaías 40:9

Qami' Sión, quirishi'megue ana roto aca qa' ladocai, ỹaatqajam na'ñaxat nqai'ñi' da qavillaxaqui', ca 'qaataxañita queda no'uen na'xaỹaxac. Qami' Jerusalén, totaxan ro'chi'i', ỹaatqajam nichintegue ca ra'qaachiqui', vite la'xaỹaxague' naua na'aate' quiyi 'laua Judá, 'ñirac: ¡'Ena hueete'e ñí'maq qota'olec caqamiri!

Isaías 6:1

Queso ñaaxa na' ileu so nashi Uzías, ca' seuana ñi qara'gaxala' qota'olec nqa'xantañi quiyi nqa'xanqa' qoỹoqoshi'ma; ca naua lo'lo' so napoxoqui no'xataxachichigui ñi no'ueenaxanaxaqui quiyi Jerusalén.

Isaías 7:1

Ñi nashi quiyi Siria, leenaxat Rezín, chaqai ñi nashi quiyi Israel, leenaxat Peka, llaalec so Remalías, iloquine' na'le yi Jerusalén, ỹahosaque naqachiñi, qam se ishite'. Dajo viichigui na' so llaalec so Jotam chaqai laual so Uzías, leenaxat nashi Acaz, na'le quiyi Judá.

Ezequiel 1:1

Ỹim netaxaỹaxanqajnec, ỹeenaxat Ezequiel, ỹim llaalec so Buzi, 'ue so na'xa'a seueto'ot na lahi aso lachiugue Quebar, quiyi Babilonia. Salequetaugui na'le ná'maq ỹoqa'a da qai'xategue 'laua. Ca' quiyi, ca 'eco' huachigui na piguim, ca' 'ue so iuanaxanaxac, seuane'ta ñi qota'olec na' ime' saua veintinueve ñaxari, tres shiriguiri chaqai cinco na'xata', na' ỹovite' saua cinco ñaxari quiyim qai'xategue da ỹoqa'a 'laua so nashi Joaquín. Ca' ñi qara'gaxala' qota'olec ỹashil-lec aỹim.

Oseas 1:1

Dajo dá'maq la'qaatec ñi qara'gaxala' ỹalamaxachichigui so Oseas, só'maq llaalec so Beeri, queso ñaxaripi na' nashillipi saua Uzías, Jotam, Acaz chaqai so Ezequías, saua'maxare nashillipi na'le quiyi Judá, chaqai so llaalec so Joás, leenaxat Jeroboam, nashi na'le quiyi Israel.

Amós 1:1

Dajo dá'maq la'qaatec na'le so Amós. So'maxare icoñiguit chicqo'ot ñi qota'olec quedá'maq 'neeta yi Israel, na' saqa'lecaua dos ñaxari quiyim novi' so quiyim i'loxol na 'laua, na' ñaqai neetaho quiyim nashi so Uzías quiyi 'laua Judá, chaqai so llaalec so Joás, leenaxat Jeroboam, nashi quiyi 'laua Israel.

Amós 4:5

Ca vigaxachii na pan qaca aca lpe'taqate quiyim 'ỹaañiuo queda na'aachicyaxaguii, chaqai 'xachitac quená'ogue añi viỹaque rachitaxanataxanqachii, ma' chaqaida dá'maq viitaque qamiri. Ñi qara'gaxala' i'taxajñi da la'qaatec.

Miqueas 1:1

Dajo dá'maq la'qaatec ñi qota'olec ỹilenegue quiyim ỹa'xat so Miqueas só'maq na'ñi yi Moreset, chaqai ỹa'deenaxanaxanegue da leuanaxanaxac quedá'maq 'neete' ma'le yaua Samaria chaqai yi Jerusalén, na' ñaqai neesaho quiyim nashil quiyi Judá saua Jotam, Acaz chaqai so Ezequías.

Números 24:16

na'maxare quena' ỹovitot da leuanaxanaxac ỹaatqajam re'qootec nqai'en, chaqai ỹa'deene' nauá'maq qaỹachaxanema quiñi qota'olec ñí'maq ỹomatalecna, chaqai quiyim icoñiguit ca na'qaatec chaqai na leuanaxanaxac chicqo'ot ñi qota'olec ñí'maq qaica lqalanec.

Números 24:4

ca quena' 'ue ca iuana, ca' ỹaatqajam re'qootec da leuanaxanaxac, ca' 'vii naua qaỹauanaxanaxanque, chaqai 'vii naua qaỹa'deenaxanaxanque chicqo'ot ñi qota'olec ñí'maq qaica ca lqalanec.

Mateo 17:9

Ca co'na' naasañi quiyim renoterec caso qa' ladocai, ca' so Jesús qate'talo, 'naaco': —Qaico' ca 'qaataxañim quedajo rauanaxanaxaguii, toco' ma' ime liỹa nca'leuec najo ỹale llaalec.

Hechos 10:17

Ca' so Pedro ñaq ra'deenataxantac negue' ca 'neeto' so lauanaxanaxac, ca ỹovirero quiñi lasom saua ỹale' nelaatqa so Cornelio, renataxansaque ca la'a' so Simón.

Hechos 26:19

Ca' qami' ỹashi Agripa, chaqaida nqaishin ma' chaqa'ma' ña'xaỹaxana so iuanaxanaxac chicqo'ot na piguim.

2 Corintios 12:1

Ỹaatqajam qaica quet cá'maq 'negue ca qom no'm chi na'xateteguelta'. Qam ỹim dá'maq qayauanaxanaxanegue chaqai dá'maq ya'deenaxanaxanegue so qara'gaxala', ca sa'xat.

2 Pedro 1:21

Ma' ná'maq letaxaỹaxanqajanqaipi ñi qota'a se ỹauana quiyim nodajlec quet ca ỹa'xat. Ta'ta'a quiyim saua'maxare ỹaatqajam nañaantetot ñi qota'a, chaqai quiyim ỹa'xate' ca la'qaatec ñi'maxare, ca' so Espíritu Santo retaxahi' nqai'ne' saua'maxare.