Hechos 9:6 - La'qaatqa ñi qota'olec Qota'olec & Qota'olec Novita Na Qomyipi

⁶ Ca' so Saulo i'loxoltari' quena lqolonaxa, ca 'naaco': —Qami' ỹa'gaxala' Jesús, ¿nega'ỹo' cá'maq vi'saque so'uet? Ca' so qara'gaxala' 'naapego': —Ne'laxachirishiguim, ca quirepegue' yi na'a'. Ca' quiyi, ca qohiñirapegaxaua' quecá'maq 'viichi'.

Hechos 9:6 Iomraidhean Croise

Ezequiel 2:1

Ime, ca' sa'xaỹaque so nivillaxac 'naac caỹim: Qami' ỹale, nachaachiriñi, ca' sa'ue da shinac caqami'.

Mateo 19:30

Qam ỹaatqajam 'xoic quená'maq nagui 'auaxaiquipi co'uaataxanta nqohin ma'le, chaqai 'xoic ná'maq co'uaataxanta nagui 'auetaho nqohin ma'le.

Lucas 3:10

Ca' so qomyipi renataxan, 'naaco': —Qam ¿nega'ỹo' ca shinqata qomi'?

Hechos 10:22

Ca' saua'maxare 'neraco': —Nelate' qomi' ñi nouaataxanaq lashi Cornelio. Ñi'maxare ỹaatqajam huagaxaraic ỹale chaqai ỹaatqajam ỹa'maxate'tegue ñi qota'olec, vichiguiño' ná'ogue na judioipi ỹaatqajam lauochaxat chaqai lqo'itaxat ñi'maxare. Ma' 'uo' so chicqashiguim qota'a lelaatec 'naapega ñi Cornelio quiyim relaataxana qami' quiyim quirepegue' yi la'a', ca' ñi'maxare na'xaỹaxana ca ra'qaataxanaxaqui'.

Hechos 10:32

Laataxañita ca ỹale dos leenqate' Simón Pedro, neeta'ñi yi na'a' Jope, neeta'ñi yi la'a' ca liỹa Simón, loshicmaxa lo'o, ñi lauo' neeto'ot yi lqodoc aso huaaxai. Ca ma' novi', ca 'ue ca ỹa'xat caqami'.”

Hechos 10:6

Cajo Simón Pedro neeta'ñi yi la'a' ca leenqashaxaua Simón, loshicmaxa lo'o, yi la'a' neeto'ot na laseego aso huaaxai. Ca ca'maxare ra'qaataxanem qami' ma'le quecá'maq 'viichi'.

Hechos 2:37

Ca co'na' qara'xaỹa dajo queso qomyipi, ca' rachitata añi le'taxanata, ca' qainat so Pedro chaqai so liỹa lelaatqaipi so Jesús: —Qamiri qarqaỹa', qam nagui ¿negue' ca shinqata?

Hechos 22:10

Ca' shinac da ỹa'qaatec: “Qami' ỹa'gaxala', ¿nega'ỹo' ca so'uet ma'le?” Ca so'maxare 'naac: “Ne'laxachirishiguim, ca' qui', repaquirau'a yi Damasco. Ca hua'ñi ma'le, ca qohiñirapegaxaua' quecá'ogue cá'maq 'viichi' ma'le.”

Hechos 26:16

Qam ne'laxachirishiguim, ca nachaachiriñi, ma' 'ue dá'maq 'em ñachaxana qami'. Sahotaque quiyim qami' ilaatec, chaqai qami' ỹa'qaataxanqajnec quedá'maq nagui huañichirigui, chaqai quecá'maq huañita ma'le caỹim.

Hechos 9:5

Ca' so Saulo renataxano': —Qami', ¿negue' aqami'? Ca só'maq na'qaatec 'naaco': —Aỹim Jesús, chaqaỹim ná'maq ỹim yocañi'sac. Chi nqa'viiñiseguelta', 'nejem ca nauegaxanaxala' tooro quena' ỹachaqata'piguit na lo'lo aca na'daxanqate.

Romanos 10:20

Ime, ca' so Isaías lotqai napacqajan quiyim ỹiriñi da la'qaatec ñi qota'a, 'neetasa': Ná'maq se idaantaque aỹim, ca ỹanachiua', chaqai ñachaxana ná'maq se renataxantaque aỹim.

Romanos 10:3

Ma' se ỹa'den cá'maq 'neeta cá'maq 'neeta'gue ñi qota'a quiyim icoñi'chiguit ca qom. Qaidaata quiyim idaantaque ca chi la'maqa' quiyim qaicoñi'chiguit quiñi'maxare, qam se nañaanot dá'maq leloxoỹaxac ỹa'yiñi ñi'maxare.

Romanos 5:20

Ma' na naqataxaquipi novi', qam paguec re'qoota nqai'en na nasauaxaseteripi. Qam co'na' nqo'neuec na nasauaxaset, ca' da lqouagaxa ñi qota'a pagueco' lecaic na'le.

Romanos 7:9

'Vio' saua na'xata' quiyim yca'leetauec, ma' qaicaua naua naqataxaco. Qam na' novi' da naqataxac, ca só'maq se no'uen liỹa nca'leuec, ca' ỹim 'ec yileu.

Filipenses 2:12

Ca' vichiguiño' qamiri ñauochaxaua' ỹaqaỹa', quiyim chaqaida 'ñiitari' quiyim se neme na'xaỹaxañii'ta aỹim quena' salequetauguilo qamiri, ca' nagui, ca paguec quet na'xaỹaxañii'ta aỹim mashic qoỹoqo'ta aỹim. Ca nquipichiỹa'pegue' da rca'laxahi, ca niñiiquishiñii chaqai richilliỹañi.

Santiago 4:6

Qam ñi qota'a quedá'maq chi lqouagaxa, ca' qarotauan. Ma' naua naneresañi na'qaatqa 'nerac: “Ñi qota'a reloxoiguit ca nemaqajnaxai, qam nqouaguegue ỹotauan ná'maq neneequesenaxai.”

1 Samuel 16:3

Ca' ma' ime, ca' vite la'xaỹaxac ñi Isaí, qaiyi ỹalequetau'a aca rachitaxanataxanqachi'i'. Ca ma'le, ca' ỹim sa'xat cá'maq 'ñi'sa'gue cá'maq ro'ueenataxanaxaqui', ca' qami' cochirelec quiyim nashi cá'maq ỹim ñca'au'a.

1 Samuel 28:5

Qam co'na' iuana so nalliripi so filisteoipi, ca' no'chi, ma' ỹaatqajam 'ue da lichic.