Hechos 9:5 - La'qaatqa ñi qota'olec Qota'olec & Qota'olec Novita Na Qomyipi

⁵ Ca' so Saulo renataxano': —Qami', ¿negue' aqami'? Ca só'maq na'qaatec 'naaco': —Aỹim Jesús, chaqaỹim ná'maq ỹim yocañi'sac. Chi nqa'viiñiseguelta', 'nejem ca nauegaxanaxala' tooro quena' ỹachaqata'piguit na lo'lo aca na'daxanqate.

Hechos 9:5 Iomraidhean Croise

Job 9:4

Ma' ñi qota'olec ỹaatqajam chalego lecaic queda lquesaxanaxa chaqai queda la'deenaxanaxa, ¿negue' quet cá'maq ishit reloqoguit, ca' se qanaqajñi? (9.5-10 So Job queetalec da letaxaỹaxac quesaua nauochaxaua'.)

Isaías 45:9

Aca nehoma 'laua acá'maq 'ec acanchaqaca liỹa nehoma, mesqai 'naapega cá'maq no'ueetqo'. Ca nishaaxa sqai 'naapega cá'maq ỹo'ueetetac ca'maxare: “¿Negue' cá'maq 'viichi'sac?”, chaqai cá'maq no'ueenatec mesqai 'naac: “Sqa 'yiiñi' ca ro'ueenataxanaxaqui'.”

Hechos 10:14

Ca' so Pedro 'naaco': —'E', qami' ỹa'gaxala', se ỹauanapega sa'ic ca qohinac napio'o, loqo'm ca se qaỹa'ic.

Hechos 26:14

Ca' qomá'ogue sanataxañi na'le, ca' sa'xaỹaque so na'qaatec ỹahota'ahi naua judío la'qaatqa, 'naac: “Qami' Saulo, ¿chi'negue ma' yocañi'sac? Chi nqa'viiñiseguelta', 'nejem ca nauegaxanaxala' quena' ỹachaqata'piguit na lo'lo aca na'daxanqate.”

Hechos 26:9

Ỹim qai'neeta quesom 'xoic quen na sahotaque shine'tegue ná'maq quelec quiyim huelec da leenaxat so Jesús, Nazaret le'ec.

Hechos 5:39

Qam no'm ñi qota'olec lo'ueenataxanaxac, ca' qamiri sqai shichii huagaxachiỹac. Vichiguiño' rovichiỹari', 'neeto' loguiita'pegue', pa'guiñitac ñi qota'a.

Hechos 9:4

Ca najño' so Saulo. Ca co'na' hueetañi quiyi 'laua, ca' 'xaỹaque so na'qaatec 'naaco': —Saulo, Saulo, ¿chi'negue ma' yocañi'sac?

Hechos 9:6

Ca' so Saulo i'loxoltari' quena lqolonaxa, ca 'naaco': —Qami' ỹa'gaxala' Jesús, ¿nega'ỹo' cá'maq vi'saque so'uet? Ca' so qara'gaxala' 'naapego': —Ne'laxachirishiguim, ca quirepegue' yi na'a'. Ca' quiyi, ca qohiñirapegaxaua' quecá'maq 'viichi'.

1 Corintios 10:22

¿Loqo'm sahoqotaque qomi' quiyim co'ualaxan so qara'gaxala'? ¿Pagueco' qarquesaxanaxa queso'maxare?

Filipenses 3:12

Ỹim se seshit quiyim shinac quiyim sovirau'a dá'ogue dá'maq sa'xatetac, loqo'm quiyim mashic yaloochiguiñi queda ỹicyaxac. Qam ỹim shiqueta, ma' 'ue da ñaquitaxac quiyim sovirau'a dá'maq 'em quiyim iconeu'a aỹim na'le so Cristo Jesús.

1 Timoteo 1:13

Ỹo'uet dá'ogue dajo caỹim, se ỹo'leenta'a quiyim shi'gue taateguelec nqaishin na ỹa'qaatec se no'uen, socantac chaqai seshiuentac. Qam ñi qota'a ma' ỹaatqajam i'xoren aỹim, ma' saqa' seuelec so Jesús, chaqai ỹaatqajam se sa'den dá'maq so'ueetetac.