Hechos 9:2 - La'qaatqa ñi qota'olec Qota'olec & Qota'olec Novita Na Qomyipi

² ca rashiilaxanaque aca lere lomalate da lo'ueenataxanaxac. Ca' eec, quepegue' yi na'a' leenaxat Damasco, quigui ana lapoonaxanaxaqui na judioipi, idaanaque na ỹalliripi chaqai na 'aallipi, ca' coñi' ná'maq queetalec da na'qaatec, nauegueu'a yi Jerusalén.

Hechos 9:2 Iomraidhean Croise

Génesis 14:15

Ca co'na' mashic pe, ca' so Abram chaqai so nalliripi i'laxatejlec quiyim nalauate'e' so nashillipi. Ca' ỹocanac ỹoviraqta'a yi Hoba pa'a'gue da rapiguim quiyi na'a' lodegaxat Damasco.

Mateo 10:17

Ỹaatqajam richilliỹaño', ma' na qomyipi ỹaanero qamiri ma'le quena nashillipi, ca' qaỹouaxanta'pe qamiri ma'le cana lapoxoqui na judioipi.

Juan 14:6

Ca' so Jesús 'naaco': —Ỹim ná'maq ỹim nayic, chaqai aỹim lliqueta, chaqai qai'neeta ỹim nca'laxa. Ỹim qaỹimeta ñigo, ca ishit qaỹovira'a ñi qota'a.

Hechos 18:25

Ỹaatqajam ỹa'den da ñicyaxac ỹachaxantac ñi qara'gaxala'. Chaqai quena' retaqa, ỹaatqajam 'ue da leuogoxo, rapaxaguinataxanta'pegue da ỹaatqajam leloxoỹaxac queda 'neeta so Jesús. Qam qoỹoqsa'a, ma' qaidaato' ỹa'den da lachilaxanataxanaxac so Juan.

Hechos 19:23

Ca quesaua na'xata' 'uo' so la'aaxa lodegaxat hua'ñi yi Efeso sauaxat da la'qaatec ñi qota'a.

Hechos 19:9

Qam 'uo' na ỹa'ñaxat añi le'taxanata, ca se ỹa'maxaren huelec. Qaidaata quiyim se no'uen na ỹa'xatetac queda na'qaataxac so Jesús, ỹa'xaiqachitetac na qomyipi. Ca' so Pablo ca'ahi saua'maxare, qaisoota ỹauec só'maq mashic ỹacoñiguit da na'qaatec cañi lapaxaguinataxanaxaqui so ỹale leenaxat Tiranno. Ca' ỹapaxaguintac naua'que naua na'xata'.

Hechos 24:14

Qam qaidaata sechoxoteta quiyim so'ueetetac da lo'ueenataxanaxac ñi qota'a queso 'auaxaic qareta'allipi, qam naua'maxare dajo 'neesapega se nateno ñicyaxac. Qam seuelec ná'ogue ná'maq naneretañi naqataxaquipi chicqo'ot nqohin so Moisés, chaqai so letaxaỹaxaquiripi ñi qota'a.

Hechos 24:22

Ca co'na' 'xaỹa dajo so Félix, chaqai mashic ỹa'deenta da llicyaxac ná'maq huelec so Jesús, ca' ỹaqaguita'guit, ca 'naaco': —Saqa' ime dajo, qam ñauaanqa'piguito' ca nouaataxanaq lashi Lisias, ca paguec sa'deenta ma'le cá'maq 'neeta dajo caqamiri.

Hechos 26:10

Ca chaqaida shine'tegue na'le quiyi Jerusalén, ca yipacalec 'xoic na scoñi' quená'maq mashic icoñiguit da na'qaatec. Ma' ỹaatqajam 'ue da ñañinlataxac quena lashillipi na netaxaỹaxanqajanqaipi. Chaqai no'm 'ue ca qaỹalauat quená'maq mashic icoñiguit da na'qaatec, ỹim qai'neeta sa'maxarenta.

Hechos 26:12

Ca' chaqaida da 'neeta quiyim 'ue so na'xa'a saata'gue da na'a' Damasco, llo'qoota'a so ñilaataxac chicqaugui na lashillipi na netaxaỹaxanqajanqaipi.

Hechos 6:9

Ca 'vio' saua ỹale' naneresau'a añi napoonaxanaxaqui leenaxat lapooqo' na qaỹosouec na'aquipi, chaqai saua liỹa' chicqora'gue da Cirene, da Alejandría, da Cilicia, chaqai da 'laua Asia. Ca' chaqaiso só'maq retaqata'guit so Esteban.

Hechos 7:19

Sojo nashi ỹayin so qouo', se ỹa'maxata'gue so 'auaxaic qareta'allipi, 'naapega quiyim ỹalat na llaalec chita'gue ne'qaañi, qaiyi chi nanoiquentac ileu.

Hechos 9:14

Ca' nagui nanaiquenajo ne'xateta so lere hueetalec na la'qaatec na lashillipi na netaxaỹaxanqajanqaipi quiyim i'xat ná'ogue coñi' ná'maq ỹouentac da qadeenaxachi' quena' nqouagaxain.

Hechos 9:21

Ca ná'ogue ná'maq na'xaỹaxantapega so'maxare ỹaatqajam 'xoic da le'laxa, ca 'neraco' quen: —¿Mesqaido' dajo ỹale dá'maq rocanaxantapigui na neeta'ñi yi Jerusalén ná'maq ỹouentac da leenaxat so Jesús quena' nqouagaxain? ¿Mesqaido' dá'maq qai'neeta naiquenajo ma' ỹahotaque quiyim coñi' na'maxare, ca ỹauegueu'a yi lashillipi na netaxaỹaxanqajanqaipi?

2 Corintios 11:32

Ca na' seueta'ñi yi Damasco, ca só'maq nashi reloqota'a yi'maxare, lotaua só'maq ỹaatqajam nashi, leenaxat Aretas, ca ỹo'ueete' saua neloxoỹa' quiñaua lasomi' yi na'a', ma' ỹahotaque ycoñi'.

Gálatas 1:17

Vire'ta sqa saigue da Jerusalén quiyim ya'ỹa'alo saua 'auaxaqa caỹim lelaatqa so Jesús. Ta'ta'a quiyim se ñaỹaloxoren quiyim saigue da Arabia. Ca na' ime, ca' yapila yi Damasco.