Hechos 9:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ 'Uo' so ỹale shi'gom ỹacoñiguit da na'qaatec neeta'ñi yi Damasco, leenaxat Ananías. Ca chaqaiso' só'maq so qara'gaxala' nachaxana queso leuanaxanaxac, ca 'naapego': —¡Ananías! Ca' so'maxare saato': —¿Negue' ca, qami' ỹa'gaxala'?

Hechos 9:10 Iomraidhean Croise

Génesis 14:15

Ca co'na' mashic pe, ca' so Abram chaqai so nalliripi i'laxatejlec quiyim nalauate'e' so nashillipi. Ca' ỹocanac ỹoviraqta'a yi Hoba pa'a'gue da rapiguim quiyi na'a' lodegaxat Damasco.

Génesis 22:1

Ca co'na' 'vii saua ñaxari, ca' ñi qota'olec i'gueno' da lpi'ỹaxac so Abraham. Ca roỹaxano' da leenaxat, ca' so'maxare 'naaco': —Aỹim.

Génesis 31:11

Ca' quesojo i'guemataxac, ca' 'ue so qota'olec lelaatec roỹaxañiua' queda ỹeenaxat. Ca' ỹim sasaachiguit, shinac: Aỹim seuete'e najo.

2 Samuel 15:26

Qam quiyim 'naapiguiỹa' quiyim tot yi'xoren, ca' ỹim nagui ñañaanot, ca' yatoiquentac quecá'maq shim 'neetahic.

Éxodo 3:4

Ca co'na' ñi qara'gaxala' qota'olec idaana'guit so Moisés quiyim nqo'neuo, ỹahotaque ỹa'ajanta, ca' ñi qara'gaxala' roỹaxan 'maqatougui aso qo'paqo'lli', 'naaco': —¡Moisés! ¡Moisés! Ca' so Moisés 'naaco': —Aỹim.

Isaías 6:8

Ca na'le, ca' sa'xaỹaque ñi qara'gaxala', 'naac: ¿Nega'ỹo' cá'maq sela'? Ca ¿nega'ỹo' cá'maq qara'qaataxanqajnec? Ca' ỹim sasaat na'le, shinac: Mashic seuete'e najo, aỹim 'ena, yilachi'.

Hechos 10:3

'Uo' so na'xa'a mashic rashiiñi aso ra'aasa, ca 'uo' so leuanaxanaxac, iuano' so chicqashiguim qota'a lelaatec inoxonou'a quiyi neeta'ñi. Ca 'naaco': —¡Cornelio!

Hechos 11:5

—Aỹim seueta'ñi na'le yi na'a' Jope, ca ñqouagaxaintac. Ca 'uo' so iuanaxanaxac, seuañi'chiguit so 'ec nepo' lodegaxat nqo'neetañi, chicqo'ot na piguim, naata'ña yi seuete'e, qaicoñireta'ta' naua cuatro lasoguel.

Hechos 12:9

Ca' so Pedro coỹarejlec so nelaatec chicqashiguim, qam se ỹa'den quiyim llic loqo'm 'e' dá'maq 'neetari', 'neetapega chi leuanaxanaxac nqohin.

Hechos 16:10

Ca co'na' so Pablo 'ue so leuanaxanaxac, ca na'maxachiñi quiyim taategue da Macedonia, ỹaatqajam i'taxachiriñi quiyim ñi qota'olec roỹaxantapegalo quiyim ỹa'xate' queca qomyipi da na'qaatec chicqaugui da nca'laxa.

Hechos 16:9

Ca' quiyi, ca' so Pablo 'uo' so leuanaxanaxac queso pe. Iuano' so ỹale na'ñi yi 'laua Macedonia, nachaatetañi, ne'xoresentac, 'naaco': “Na'itegue na Macedonia, qarotauañi'.”

Hechos 18:9

Ca' queso pe 'uo' so leuanaxanaxac so Pablo quiyim qohinapego' quiñi qara'gaxala': —Se ro'chi'i', quiisalec da ra'qaataxanaxaqui'. Se re'maqairiñi.

Hechos 2:17

Cauajo pa'aaterec na'xata', 'naac ñi qota'olec, saanec na ñi'Espíritu Santo, socorelec ná'ogue na qomyipi; ca ra'qaataxan na ñaalqaipi, ỹale chaqai ana 'aalo ỹa'xat da ỹa'qaatec, chaqai na ne'naqaipi 'ue na leuanaxanaxac, chaqai na qo'xoiquipi 'ue na le'guemataxac.

Hechos 22:12

Ca' yí neeta'ño' so ỹale, leenaxat Ananías. So'maxare ỹaatqajam na'xaỹaxane'ta na naqataxaquipi chicqo'ot nqohin so Moisés. Chaqai ná'ogue na judioipi neeta'ñi yi Damasco ỹaatqajam 'maxaraic nqai'en da no'ueenataxac so'maxare.

Hechos 9:12

Ca 'uo' so leuanaxanaxac, iuana so ỹale leenaxat Ananías quiyim inoxoneu'a, ca co'na' ỹashil-lec ñi'maxare, ca lotqai liỹa neuanñi.

Hechos 9:9

Ca' yí hueetau'o' tres na'xata', se neuanñi chaqai se que'e chaqai qaica ca ni'chigui.

2 Corintios 11:32

Ca na' seueta'ñi yi Damasco, ca só'maq nashi reloqota'a yi'maxare, lotaua só'maq ỹaatqajam nashi, leenaxat Aretas, ca ỹo'ueete' saua neloxoỹa' quiñaua lasomi' yi na'a', ma' ỹahotaque ycoñi'.

Gálatas 1:17

Vire'ta sqa saigue da Jerusalén quiyim ya'ỹa'alo saua 'auaxaqa caỹim lelaatqa so Jesús. Ta'ta'a quiyim se ñaỹaloxoren quiyim saigue da Arabia. Ca na' ime, ca' yapila yi Damasco.

1 Samuel 3:4

Co'na'le, ca' ñi qara'gaxala' roỹaxanegue da leenaxat so'maxare, 'naaco': —¡Samuel! —¡Aỹim, najo seueta'ñi! —'naaco' so'maxare.