Hechos 8:9 - La'qaatqa ñi qota'olec Qota'olec & Qota'olec Novita Na Qomyipi

⁹ Qam 'uo' so ỹale leenaxat Simón. So'maxare shi'co' quen quiyim ro'ueenataxantapega da lpi'xonqaishic quena' hueetau'a yi na'a', ỹayintac so qomyipi quiyi Samaria. Ma' nanequeteguelta' quiyim 'ue nqai'negue.

Hechos 8:9 Iomraidhean Croise

Éxodo 7:22

Qam so 'viiquiaxairipi quiyi Egipto qai'neeta ro'ueenataxana da lo'viiquiaxac, ỹadenaxat so'maxare. Ca' vichiguiño' so Faraón paguec se na'xaỹaxanalo saua Moisés chaqai Aarón. Ca chaqaido' dá'maq qohinapegalo quiñi qara'gaxala'.

Éxodo 9:11

Ca' so 'viiquiaxairipi se ishit reloqoto'ot so Moisés, ma' saua'maxare chaqai sá'ogue so Egipto laseripi quenaq na loshicmaxa.

Juan 7:18

Cá'maq chi lo'ueenatec ca ỹa'xat, ỹo'uet, ma' ỹahotaque quiyim qaimaqachin quena qom. Qam cá'maq ỹahotaque quiyim qaimaqachin cá'maq nelaatqo', ca' chaqaica cá'maq ỹaatqajam llic ca ỹa'xatetac, chaqai qaica ca na'maachic hueetagui.

Hechos 13:6

Ca co'na' nomachishiguim queesagui yi Chipre, ca chi ỹoviresa'a yi na'a' Pafos. Ca hua'ño'yi, ca natendalec so judío le'ec, leenaxat Barjesús. Ca so'maxare pi'xonaq 'maatqaic, 'naaco' quen quiyim letaxaỹaxaqui ñi qota'a.

Hechos 13:8

Qam so pi'xonaq 'uo' da liỹa leenaxat Elimas, se ỹaqamaxate' saua'maxare, ma' ỹahotaque quiyim se na'xaỹaxan so nashi.

Hechos 5:36

Ñaq no'viñigue quiyim 'vio' saua na'xata' na' ne'laxashiguim so Teudas, ỹa'xat quiyim so'maxare ỹaatqajam 'ue da 'negue, ca qaico'uajlec queso 'uo' ca cuatrocientos ỹalliripi. Qam qaỹalauat, ca sá'ogue só'maq coỹareta'pegue' neuagaxatac, ca' da lo'ueenataxanaxac chi na'lliichiguiñi.

Hechos 8:11

Ca ỹaatqajam qana'xaỹaxane'ta, ma' so'maxare shi'gom rayinaxantapega da lpi'xonqaishic.

2 Tesalonicenses 2:4

'Eca cá'maq pa'guenaxaua, ma' nachajñi, ca' npa'guene'e' ná'ogue ná'maq ỹodootac da leenaxat ñi qota'a, chaqai ná'maq qanqouagaxaintacot, chaqai ỹovireta'a quiyim nqa'xanlec ca qouagaxainqa' quena' qanqouagaxainot ñi qota'a. Ca' chaqaica cá'maq 'ec qota'a, chaqai 'naac chaqaica cá'maq qota'a.

2 Timoteo 3:2

Ma' da no'ueenataxac na qomyipi 'neetasa': chi nauotalta', chaqai queeta'pegue' da lamaanaxanaxa cana plata, nemaqajnaxai, napacqajnaxai, se no'uen na ỹa'xat quiñi qota'a, se na'xaỹaxana na leta'allipi, qaica ca ỹauaaque ca nqouagaxa, chaqai qaica ca ỹauaaque da na'qaatec.

2 Timoteo 3:5

Na'maxare qaidaata quiyim 'naac queetalec da na'qaatec, qam se icoñiguit cá'maq ỹaatqajam lquesaxanaxa da'maxare. Ca' 'ena ná'maq rovichisa'a ma'le.

2 Pedro 2:18

Ma' nemaqajnaxai quena' retaqa, qam qaica ca 'netegue naua la'qaatqa. Ma' ỹachigoxochichigui da lamaanaxanqachic quenanchaqaina chaqai na se no'uen lamaanec na qom loshicmaxa, ca' ỹashaxanec ná'maq mashic qohitauec quená'maq ñaqai hueetaugui da no'maxac.

Apocalipsis 22:15

Qam no'ueenauec ma'le ná'maq ỹo'ueeteta'pe naua se no'viiñi, chaqai ná'maq ỹo'ueetetac ana le'naxanaxaqui, chaqai na nedequenaxairipi, chaqai na lauataxanaxairipi, chaqai ná'maq nqouagaxaintacot na nashiilec nqolac, chaqai ná'ogue ná'maq nqo'ta chaqai ỹo'ueetetac da na'maachic.