Hechos 8:7 - La'qaatqa ñi qota'olec Qota'olec & Qota'olec Novita Na Qomyipi

⁷ Ma' 'xoico' so qomyipi 'uo' na le'ec lecmaxaic, qam imeuec. Chaqai co'quena' inoxonec na ne'ec lecmaxaic, ca ỹaualqatagui. Chaqai 'xoic na se ra'ñiigue chaqai na 'iraiquipi qai'neeta imeuec.

Hechos 8:7 Iomraidhean Croise

Isaías 35:6

ca' na se ra'ñiiguelo naua lichil nenojshiguim 'ec ca re'xone', chaqai na qaicaua caua la'qaatqa, ca ỹaualaq. Quiyi rashivijlec 'laua qaica qom, ca' ne'paxantashiguim ma'le ca quesaxan huaxaỹaq.

Mateo 10:1

Co'na'le, ca' so Jesús roỹaxanalo saua doce lapaxaguinatqa, ca' ỹaanema da lquesaxanqa' quiyim ỹo'derauec na ne'ec lecmaxaic, chaqai quiyim ỹomaterec ná'ogue nanchaqaina nalolaxa chaqai na ne'ne'.

Mateo 11:5

'Qaataxañim dá'maq 'neeta quiyim na qai'laripi neuanñi, chaqai na se ra'ñiiguelo naua lichil qaua, na rishiita na loshicmaxa imeuec quena ralolaxa, na ra'ñiỹagui na lqahic 'qaa, chaqai ná'maq mashic ileu liỹa nca'leuec nqohin, chaqai na 'xoraiquipi qaỹa'xatem da na'qaatec chicqaugui da nca'laxa.

Mateo 4:24

Ca ỹovira'gue da na'qaataxac so Jesús yá'ogue yi 'laua Siria. Ca qanoda'a so'maxare ná'maq 'ue na iuetetac ỹoreta'oguit na ralolaxa, ná'maq 'ue na le'ec lecmaxaic, chaqai ná'maq chita'gue lotqai ileueta, chaqai na se ra'ñiigue. Ca' so Jesús ná'ogue ỹomatec.

Marcos 9:26

Ca' so ne'ec lecmaxaic ỹaualaq, ca' ileueta nqai'en so ne'nec. Ca inoxonec, qam 'ec ileu nqai'en. Ca' queda, ca 'xoic na 'neetapega mashic ileu so'maxare.

Lucas 10:17

Ca' so setenta napaxaguinatqaipi co'na' novi' ỹaatqajam 'xoic da netoonaxac. Ca ra'qaataxantac, 'naaco': —Qami' qara'gaxala', vire'ta na ne'ec lecmaxaiquipi ỹaatqajam na'xaỹaxanalo qomi' quena' sodaqa'a da qadeenaxachi'.

Juan 14:12

Ỹaatqajam llic da shinac caqamiri, quiyim quecá'maq huelec aỹim, ca ishit ỹo'uet qai'neeta dá'maq so'uet, chaqai paguec lecaic ma'le ca ỹo'uet, ma' ỹim shicpegue' ñi qota'a.

Hechos 5:16

Chaqai quena na'aateripi sqoỹoxe'oga 'xoic na qom novira'a yi Jerusalén, nodou'a na ralolaxaiquipi chaqai na 'ue na le'ec lecmaxaic. Qam ná'ogue imeuec.

Hechos 8:6

Ca' so qomyipi lapoỹata', sá'ogue ỹaatqajam na'xaỹaxane'ta da la'qaatec so Felipe, chaqai qaỹauanchigui na netanqaipi chaqai ná'maq se qaiuanapega ỹo'uet so'maxare.

Hebreos 2:4

Chaqai ñi qota'a qai'neeta 'chichiguiñi nqai'en dajo na'qaatec. Ca ỹa'vii naua netanqa, chaqai ná'maq ỹo'uet da ne'laxa, chaqai 'xoic na ỹo'uet quená'maq se qaiuanapega, chicqochigui nqai'en so Espíritu Santo quiyim ỹaanema qomi' ná'maq ỹoreta'oguit ỹoiquentac quecá'maq 'ne'tegue.