Hechos 8:12 - La'qaatqa ñi qota'olec Qota'olec & Qota'olec Novita Na Qomyipi

¹² Qam co'na' so Felipe ỹa'xatetac da lo'ueenataxanaxac ñi qota'a ma' ỹoiquentac ná'ogue najo chaqai da leenaxat so Jesucristo, ca' huelec da na'qaatec so qomyipi. Ca qanachilaxan na ỹalliripi chaqai na 'aallipi.

Hechos 8:12 Iomraidhean Croise

Mateo 28:19

Ca' vichiguiño' qamiri selarii quiyim quiipegue' ná'ogue na ỹoreta'oguit qomyipi. Ca' 'viichii quiyim ỹim napaxaguinaxala', chaqai chilaxanataxañiỹa da leenaxat ñi qota'olec, chaqai najo llaalec, chaqai so Espíritu Santo.

Lucas 9:2

Ca' ilate' quiyim ỹa'xate' quiyim ñi qota'olec ỹoiquentac ná'ogue najo, chaqai quiyim ỹomatec na ralolaxaic.

Lucas 9:60

Ca' so Jesús 'naaco': —Ñaqa 'xañirac ná'maq 'ec leuaxaiquipi ñaq ishinñi na lasouaxanqaipi. Qam qami' qui', 'xachi' quiyim ñi qota'olec ỹoiquentac ná'ogue najo.

Hechos 1:3

Co'na' ime da lelauaxa so Jesús, ca' lotqai nachaxanalo saua lelaatqa. Cuarenta na'xata' queeta da nachaxanaxac, ca' queda, ca ỹaatqajam i'taxajñi quiyim ỹaatqajam llic nca'leuec. Chaqai ỹa'xatetac da lo'ueenataxanaxac ñi qota'a ma' ỹoiquentac ná'ogue najo.

Hechos 11:20

Qam 'uo' na mashic ỹacoñiguit da na'qaatec, chicqa'gue da Chipre chaqai da Cirene, ỹovirera'a yi na'a' Antioquía. Ca ỹoviraqta'ogalo naua na'qaatqa na sqai judioipi, qaỹa'xatetac so qara'gaxala' Jesús.

Hechos 18:8

Chaqai so Crispo, so lashi añi napoxoqui, huelec ñi qara'gaxala' chaqai sá'ogue so llaalqaipi. Chaqai qai'neeta 'xoic so na'ñi yi Corinto, co'na' 'xaỹa da na'qaatec, qai'neeta huelec. Ca sá'ogue qanachilaxan.

Hechos 19:5

Ca co'na' ime 'xaita dajo, ca qanachilaxane', qarachilaxanataxana da leenaxat so qara'gaxala' Jesús.

Hechos 2:38

Ca' so Pedro saat, ca 'naaco': —Qamiá'ogue 'xañiñi naua se no'ueene' no'ueenataxagohi, chaqai qanachilaxane' qamiri, qaỹouen da leenaxat so qara'gaxala' Jesucristo, qaiyi ñi qota'olec ỹapalaxate' naua rasauaxashichiri, ca' ỹaañiỹaxarom ca Espíritu Santo.

Hechos 2:41

Ca sá'ogue só'maq huelec da la'qaatec so Pedro, ca' qanachilaxan. Ca' quesojo na'xa'a, ca' noquiiguec so inoxona'a da na'qaatec 'uo' ca tres mil qomyipi.

Hechos 20:21

Quená'maq judío chaqai quena sqai judío shinapega quiyim ca'ahi naua no'ueenataxaco se no'viiñi, ca' quegue ñi qota'olec, chaqai huelec so qara'gaxala' Jesucristo.

Hechos 20:25

Ca' nagui, ca ỹaatqajam se'taxachichiguiñi quiyim tot qaica ca iuañiua', quená'maq shi'gue sapaxaguinta'pegue da lo'ueenataxanaxac ñi qota'a ma' ỹoiquentac ná'ogue najo.

Hechos 28:31

Ca ỹa'xatetac da lo'ueenataxanaxac ñi qota'a ma' ỹoiquentac ná'ogue najo, chaqai rapaxaguinataxanta'pegue so qara'gaxala' Jesucristo. Qam qaica ca quepaxat.

Hechos 5:14

Ca' 'xoic na dalaxaic huelec so qara'gaxala', ỹale chaqai ana 'aalo.

Hechos 8:4

Qam ná'maq mashic qaỹo'daauec quiyi Jerusalén, ỹa'xatesaco' quen da na'qaatec chicqaugui da nca'laxa quecanchaqa tátegue.

Romanos 10:10

Ma' qaỹachigoxochichigui añi ne'taxanata quiyim qoyiuelec qaiyi qaicoñi'chiguit ca qom quiñi qota'olec, chaqai quiyim qaỹa'xat so Jesucristo qaiyi qanca'laxatec ca qom.

1 Corintios 11:11

Qam nagui ma' qomi' mashic seuaqlec so Cristo, ca' sqaica ca ỹale se ỹouen aca 'aalo, chaqai sqaca aca 'aalo se ỹouen ca ỹale.

Gálatas 3:28

Ca' tot qaica quet cá'maq ỹoqa'a ca no'ueenataxac quena judío loqo'm quena sqai judío, loqo'm nelaatec loqo'm ca se nelaatec, loqo'm ca ỹale loqo'm aca 'aalo; ma' no'm na'yiitau'a so Cristo Jesús, ca' qamiá'ogue 'ec qamiri 'oonoqui'.

1 Pedro 3:21

Ca' sojo huaxaỹaq chaqaido' da chilaxac nagui dá'maq ỹa'xateta'guit, ca' chaqaida dá'maq chicqochigui quiyim qarca'leuec nagui. Dajo chilaxac mesqai chicqaugui quiyim chi qaico'taxat na noshicmaxa; ta'ta'a quiyim qaỹashiila ñi qota'a quiyim co'taxat yi qara'deenataxanaxac loma'. Ca' qarca'laxatec chicqochigui nqai'en na' liỹa nca'laxatec so Jesucristo,