Hechos 8:1 - La'qaatqa ñi qota'olec Qota'olec & Qota'olec Novita Na Qomyipi

¹ Ca' so Saulo ỹa'maxarenta quiyim qaỹalauat so Esteban. Ca nachinchigui so na'xa'a na' qaỹocanac ná'maq mashic ỹacoñiguit da na'qaatec quiyi Jerusalén. Ca ná'ogue neuagaxatac, quepegueto naua 'lauari quiyi Judea chaqai yi Samaria. Nodaaterec saua Jesús lelaatqa no'ueendañi.

Hechos 8:1 Iomraidhean Croise

Daniel 6:10

Ca co'na' ỹa'den so Daniel quiyim qai'taxajñi so 'deenaxac queso nashi, ca' queuo quiyi la'a', ca' ỹauachigui añi nqote ñi lelaxasoxoqui, añí'maq pa'aata'gue yi Jerusalén, ca' ỹa'chi'iñi naua le'cootal, ca' nqouagaxainot chaqai imaqachin ñi qota'olec. Ca' chaqaida 'neeta'gue ỹovi' tres nqai'en quiyi na'xa'a.

Daniel 6:23

Ca co'na'le, ca so nashi 'ue da netoonaxac, ca' relaataxan so nashi quiyim qanavicshiguim so Daniel cañi tema. Ca na' qanaqajshiguim, ca' qaica ca qaiuana natoc, ma' ỹaatqajam huelec ñí'maq qota'olec.

Mateo 22:6

chaqai saua liỹa', ca' iconlgoto saua lelaatqa so nashi, ca' ỹouaxanta'pe, chi ỹovireta'a quiyim ỹalauate'.

Mateo 23:34

Ca' vichiguiño' ñila' ma'le ca itaxaỹaxanqajanqaipi chaqai ca 'deenaxanqachaqaiquipi chaqai ca napaxaguinataxanaripi. Qam qamiri 'ue ca lauachii chaqai pachiñiho ma'le quecaua'maxare, chaqai caua liỹa' ca huaxañita'pe quenaua rapoxoguii, chaqai 'ue na ocañitac quenaua na'aate'.

Mateo 5:13

Qamiri 'ec qamiri o'ue louenec ná'maq neetalec ana 'laua. Qam ca o'ue no'm tot qaica ca lochiviaxa, ¿negue' quet cá'maq 'neeta quiyim liỹa 'ue ca lochiviaxa? Ma' tot qaica ca taiguit. Ta'ta'a quiyim qainaxauec, ca' qaico'vigui quena qomyipi.

Juan 15:20

Se couahi'e dá'maq shinac na'le caqamiri: “Quiyim ca nelaatec se ỹapacauec queca na'co'.” Ca no'm ỹim qayocantac, ca' qamiri qai'neeta qarocañiỹac ma'le; chaqai no'm qana'xaỹaxana da ỹapaxaguinataxanaxac, qai'neeta qana'xaỹaxana ma'le ca rapaxaguinataxanaxaguii.

Juan 16:2

Qamiri qaro'yiỹauec ma'le cañi lapoxoqui na judioipi, chi ỹovireta'a quiyim canchaqaica 'ue ca ỹalauat caqamiri, ca 'neetapigui lauel quiyim 'maxaraic da ỹo'uet quiñi qota'olec.

Hechos 1:8

Qam ma' novitalo qamiri ca Espíritu Santo, ca' coñiguit ca nquesaxanaxa. Ca' oquii, 'xachitac aỹim, ca 'qaataxañiỹougui yi Jerusalén, chaqai yá'ogue yi 'laua quiyi Judea, chaqai yi Samaria, chaqai ỹovireta'ogalo naua'que naua lahil na 'laua.

Hechos 13:1

Quená'maq mashic ỹacoñiguit da na'qaatec neeta'ñi yi na'a' Antioquía mashic 'uo' na qota'a letaxaỹaxaqui chaqai na napaxaguinataxanaq. Quesaua'maxare 'uo' so leenaxat Bernabé, chaqai so Simón (na'aamataxat Hueraic) chaqai so Lucio, Cirene le'ec, Manaén (naquetashi'me' nauegaxaua so Herodes só'maq nashi quiyi Galilea) chaqai so Saulo.

Hechos 13:36

Qam llic ma' so David cochiỹa so lauo' co'na' ỹo'uet da la'qaatec ñi qota'olec. Qam co'na' ileu, ca qailla'ñi yi hua'ñi so leta'allipi, ca' so loshicmaxa na'laañi.

Hechos 2:47

Ỹa'xatetac qaica 'nejem ñi qota'olec, ca ná'ogue na qom nqo'ta. Ca' quesaua na'xata' ñi qara'gaxala' ỹoqotqajno ná'maq ỹacoñiguit yi na'qaatec ná'maq dalaxaic nca'leuec nqohin.

Hechos 22:20

Chaqai na' qaỹalauat yi ra'qaataxanqajanqui' Esteban qai'neeta salequetaho, sa'maxarenta quiyim qaỹalauat, vire'ta seloqota'alo saua loho sauá'maq ralauataxane'.”

Hechos 26:10

Ca chaqaida shine'tegue na'le quiyi Jerusalén, ca yipacalec 'xoic na scoñi' quená'maq mashic icoñiguit da na'qaatec. Ma' ỹaatqajam 'ue da ñañinlataxac quena lashillipi na netaxaỹaxanqajanqaipi. Chaqai no'm 'ue ca qaỹalauat quená'maq mashic icoñiguit da na'qaatec, ỹim qai'neeta sa'maxarenta.

Hechos 5:18

Ca' qaiconlgoto saua lelaatqa so Jesús, ca qaicoñite', qoỹandaugui añi ncoñiitaxanaxaqui late'ogue'.

Hechos 5:20

—Mohi, nachaachiñi cañi no'ueenaxanaxaqui quena Jerusalén, ca' 'qaataxañii quiyi qomyipi queda nca'laxa dalaxaic.

Hechos 5:33

Ca co'na' 'xaỹa dajo so nashillipi, ca ỹaatqajam ro'o, ca' ỹahosaque qaỹalauate' saua'maxare.

Hechos 5:40

Ca sá'ogue so qomyipi chaqaida nqai'en da la'qaatec so Gamaliel. Ca qaroỹaxane'ogalo saua Jesús lelaatqa, ca qaỹouaxane', ca' qaỹaqatalo quiyim tot liỹa ỹa'xate' da leenaxat so Jesús. Ime, ca' qoỹaxandec.

Hechos 7:38

Chaqaiso so Moisés so ỹalequetaugui so qomyipi na'le quiyi 'laua qaica qom, chaqai ỹalequetaho so chicqashiguim qota'a lelaatec na' retaqa caso qa' ladocai leenaxat Sinaí, chaqai saua 'auaxaqa qareta'al. Ca chaqaiso só'maq ỹacoñiguit da na'qaatec chicqaugui da nca'laxa, ca ỹoviraqta'ogalo qomi'.

Hechos 7:54

Ca co'na' 'xaỹa dajo so nashillipi, ca' ỹaatqajam ro'o, ca mashic ỹa'que'ta na laqa', paguelec na lauel queso Esteban.

Hechos 7:58

Ca qaỹaconeu'a, ca qaỹauegue'ogue da lahi yi na'a'. Ca' yi hua'ñi, ca' sá'ogue qainaq quena qa'. Qam sá'ogue só'maq ỹalequetau'a da nenaqsoxonaxac po'an ana lapooto, po'aana'ansopo' so ne'nec leenaxat Saulo.

Hechos 8:14

Ca co'na' saua lelaatqa so Jesús neesa'ñi yi Jerusalén co'na' 'ue da la'xaỹaxague' quiyim yi Samaria ỹacoñiguit da na'qaatec na qomyipi, huelec da la'qaatec ñi qota'a, ca' qailate' queda so Pedro chaqai so Juan.

Hechos 8:2

Ca 'vio' saua ỹale' ỹaatqajam 'maxataxaraqa, queesalec ñi qota'olec, chaqaisaua sauá'maq ishiñiñi so Esteban, noỹenseguelec so'maxare.

Hechos 8:4

Qam ná'maq mashic qaỹo'daauec quiyi Jerusalén, ỹa'xatesaco' quen da na'qaatec chicqaugui da nca'laxa quecanchaqa tátegue.

Hechos 8:5

Ca 'uo' so ỹale quesaua'maxare, leenaxat Felipe, co'na' ỹovita yi na'a' huaugui yi Samaria, ca ỹa'xatetac so Jesús só'maq nela' ñi qota'a quiyim ca'laqataxan.

Hechos 9:31

Ca 'uo' da la'maxa ná'ogue ná'maq mashic ỹacoñiguit da na'qaatec neetalgoto naua 'lauari quiyi Judea, chaqai yi Galilea, chaqai qai'neeta yi Samaria. Ca na'maxare noquiiquetauec da lquesaxanaxa, chaqai ỹa'maxate'tegue ñi qara'gaxala', chaqai quedá'maq lotaanaxanaxac so Espíritu Santo. Ca noquiiquetauec ná'maq icoñiguit da na'qaatec.

Romanos 1:32

Na'maxare ỹaatqajam ỹa'deenta ná'maq relaataxanlec ñi qota'a, chaqai ỹa'den quiyim ná'maq ỹo'ueetetac dajo tai'a yi nelauaxa. Qam qaiyiita ỹo'ueetetac, chaqai vire'ta nqo'ta quiyim 'ue ca iuane'ta ỹo'ueetetac da'maxare.

Filipenses 1:12

Qamiri ỹaqaỹa', ỹim sahotaque 'yiiñii quiyim dá'maq sovira'guit na'le, da'maxare 'ec ỹotauan da na'qaataxanaxac queda na'qaatec chicqaugui da nca'laxa.

Hebreos 11:27

Ma' 'uo' da lpi'ỹaxac so Moisés, ca' ca'e yi 'laua Egipto, se no'cha'a da lonogoxonaxac so nashi. Ỹaatqajam queetalec dá'maq chi no'ueenataxac, 'ec ra'iito'ot ñi qota'a ñí'maq sqaica iuana.