Hechos 7:8 - La'qaatqa ñi qota'olec Qota'olec & Qota'olec Novita Na Qomyipi

⁸ Ñi qota'olec ỹa'uo' da quiyim na'maxate'e' so Abraham co'na' 'naapega quiyim ỹa'ue so netanec na loshicmaxa, chi ỹauaaque netanec queda na'maqataxague'. Vichiguiño', co'na' ne'qaañi so Isaac, ca' so Abraham ỹo'uet so netanec co'na' ỹovite' ocho na'xata'. Chaqai qai'neeta só'maq Isaac co'na' 'ue so llaalec Jacob, chaqai so Jacob qai'neeta ỹo'uet na netanec so llaalqaipi só'maq ỹovireta'a quiyim neta'allipi queso doce ne'qaipi chicqotaugui so Israel.

Hechos 7:8 Iomraidhean Croise

Génesis 29:31

Ca co'na' ñi qara'gaxala' iuana quiyim so Jacob se nqo'ta aso Lea, ca ỹo'uet quiyim aso'maxare 'ue so llaalqaipi, qam aso Raquel se co'o nqai'en.

Génesis 30:5

Ca' caso'maxare, ca 'uo' so llaalec so Jacob.

Génesis 35:16

Ca co'na' ime, ca' quere'e yi Betel, qam ñaqai ỹoxauc yi Efrata co'na' aso Raquel co'o, qam 'xoico' lqalaic so lco'oxoc.

Génesis 35:18

Qam aso'maxare mashic ileuetac, ca' quesó'maq co'uaataxanta lacatoqui', ca ỹanco' Benoni, llaalec da i'xoric, só'maq llaalec, 'eno'm só'maq leta'a ỹanco' leenaxat Benjamín, loqo'm ỹoic llaalec.

Mateo 1:2

So Abraham chaqaiso so leta'a so Isaac, ca' so Isaac llaalec so Jacob, ca' so Jacob llaalec so Judá chaqai so lqaỹaripi.

Juan 7:22

Qam so Moisés ỹaanouguilo qamiri quiyim qaỹa'ue ca netanaxaset na qomyipi ('eno'm mesqaiso só'maq ỹaatqajam chicqo'tot, ma' da'maxare chicqo'ot so 'auaxaic qataa'illipi). Ca' vichiguiño' qamiri 'viichii ca netanec ca noctoqui', 'eno'm viichigui ca na'xa'a co'mataxaqui.

Hechos 2:29

Qamiri ỹaqaỹa', ỹaatqajam re'qoota dajo ma' so 'auaxaic qarashi David ileu chaqai qaishinñi cañi lahi', qam añi'maxare ñaqa 'ue coqomi'.

Romanos 4:10

Qam ¿laquio' na' icoñiguit? ¿Na' ime quiyim so Abraham mashic qaỹa'ue so netanec na loshicmaxa, loqo'm na' saqa'leca? Mesqai na' mashic 'ue so netanec. 'E', ta'ta'a quiyim na' saqa'leca so netanec.

Gálatas 3:15

Qamiri ỹaqaỹa', sa'ue da saloqojnaxana chicqochigui nqaishin ca chi na'deenaxac ca chaqai qom, 'neetasa': Ca qom no'm na'deene'e' ca liỹa, ca ỹo'uet aca lere, ca illilec ca na'deenaxac. Ca ma' ime qoỹiriñi, ca' qaica ca ishit quiyim se qaipacqajñigui, chaqai se ishit qanqo'naxatec.

Gálatas 3:17

Ca' quedá'maq shinac 'neetasa': Ñi qota'a na' ỹa'ue so na'deenaxac queso Abraham, ca' ỹaanec da la'qaatec quiyim ipacqajanchigui ma'le. Ca vichiguiño' so naqataxaquipi chicqochigui so Moisés novi' na' ime'ueque saua cuatrocientos treinta ñaxari, qa' tot ishit quiyim ỹosogui sojo 'deenaxac, quiyim se ipacqajñigui quet dá'maq ỹachaxantac na'le ñi qota'a.

Hebreos 7:4

Ca' nagui 'ajñii da lecaico' na'le so Melquisedec, ma' só'maq 'auaxaic qareta'a Abraham ỹaanem yi 'óna quecaua diez louootaxanqate' queso nashillipi queso lauataq.