Hechos 7:51 - La'qaatqa ñi qota'olec Qota'olec & Qota'olec Novita Na Qomyipi

⁵¹ Ca so Esteban ñaqai queetalec 'neetapega so nashillipi: —Qam qamiri ỹaatqajam 'ñaaxai añi re'taxanatahi, chaqai se na'xaỹaxañii chaqai añi re'taxanatahi 'ec ná'maq se ỹauanapega ñi qota'olec. Chaqaidaata quiyim se remii npa'guiñita'pegue' ñi Espíritu Santo, chaqai 'ñiita so 'auaxaic qata'illipi.

Hechos 7:51 Iomraidhean Croise

2 Reyes 17:14

Qam so qomyipi se na'xaỹaxan. Ta'ta'a quiyim ỹaatqajam napacqajan, 'nejem so 'auaxaic leta'allipi só'maq sqai huelec ñi la'gaxala' ñí'maq qota'olec.

Ezequiel 2:4

Chaqai na llaalqaipi se nouoogoñi chaqai se na'xaỹaxan. Ca' ỹim selata qami', qaiyi 'ñirapega: Ñi qara'gaxala' 'naac dajo.

Hechos 6:10

Qam qaica ca lligo, ma' so'maxare quena' retaqa, da la'deenaxanaxa ỹachigoqto'ot so Espíritu Santo.

Hechos 7:27

Qam só'maq qa'viita'pegue so liỹa ỹamaxañi so Moisés, ca' 'naapega: “¿Negue' ca ỹanagui quiyim qami' qarashi chaqai quiyim ỹa'ue ca lasauaxaset coqomi'?

Hechos 7:35

Qam saua'maxare shi'co' se ỹa'maxarene' so Moisés co'na' qohinapega: “¿Nega'ỹo' ca ỹanagui quiyim qami' qarashi chaqai quiyim michiraque ca qarasauaxaset?” Qam ñaqaiyiita ñi qota'olec ila' quiyim nashi chaqai quiyim ỹosouec so lauo' Israel laseripi, chaqai viichigui nqai'en co'na' nachaxan nqai'en so lelaatec chicqashiguim 'maqatougui aso qo'paqo'lli'.

Hechos 7:39

Qam só'maq 'auaxaic qareta'allipi se na'xaỹaxana so Moisés, chaqaidaata quiyim se qaỹa'maxaringuit, ma' ỹahotaque pilegue da Egipto.

Hechos 7:9

Sojo llaalqaipi so Jacob, chaqaiso so sachigoxosoxougui. Sojo nqaỹaripi pa'guen so lanoq, leenaxat José. Ca' qaimen, ca qaỹaueguegue da 'laua, leenaxat Egipto. Qam ñi qota'olec liỹaatac so José.

Romanos 2:25

Ỹaatqajam llic 'ue ca 'ñitegue no'm 'ue ca netanec na roshicmaxa'e', no'm 'viichi' dá'maq 'naac na naqataxaquipi chicqo'ot so Moisés; qam no'm se na'xaỹaxañita, ca 'ec sqaica ca netanec na roshicmaxa'e'.

Efesios 4:30

'Neeto' lotqai rachico nqai'ñii ñi Espíritu Santo chicqo'ot ñi qota'a. Ma' quiñijo Espíritu chicqochigui quiyim qaitane' qamiri, qaiyi qamiri lalamaxarete' ñi qota'a, chi ỹovireto'o' cá'maq na'xa'a quiyim ñi'maxare ỹaanema qamiri cá'maq ỹaatqajam naloochiguiñi nca'laxa.

Filipenses 3:3

Ma' ná'maq ỹaatqajam llic qaỹa'ue na netanec na loshicmaxa, ca chaqainaua nauá'maq qomi', ma' chicqochigui so Espíritu Santo quiyim ñqouagaxainqatacot ñi qota'a, chaqai ñitoonqata'gue quiyim qomi' lalamaxarete' so Cristo Jesús. Chaqai se spi'ỹaaqatapega na re'qoochigui qanetanec.

Colosenses 2:11

Chaqai quiyim na'yiitau'a so Cristo, ca' qaỹa'ue na netanegue' qamiri; qam mesqai ná'maq re'qoochigui quena noshicmaxa, ta'ta'a quiyim na' qanca'laxaterec qamiri quena nasauaxaset queda lamaanaxanqachic na roshicmaxahi. Ca dajo dá'maq netanaxac na qom chicqo'ot so Cristo.