Hechos 7:5 - La'qaatqa ñi qota'olec Qota'olec & Qota'olec Novita Na Qomyipi

⁵ Qam sqaica ca qoỹaanem quenajo 'laua quiyim ỹaatqajam lalamaxaret la'a'. Se qaỹa'ue cá'maq chi nco'matqa'. Qalaxam ỹaatqajam llic quiyim qohinapega qoỹaanem najo 'laua, chaqai ma' ime ileu, ca cá'maq llaalqaipi chaqaica ma'le ca qoỹaanem. Qam quesojo na'xa'a queca na'le saqa'leca ca llaalec so Abraham.

Hechos 7:5 Iomraidhean Croise

Génesis 12:7

Ca' quiyi, ca' ñi qara'gaxala' nachaxano' so'maxare. Ca 'naaco': Najo 'laua ná'maq saanem ma'le na qachaalaxai'pi. Co'na'le, ca' so Abram no'xonshiguim aso ncopatoxonaxalate, ca nqouagaxainot ñi qara'gaxala', ma' chaqaiyi hua'ño' co'na' qanachaxana.

Génesis 13:15

Ná'ogue najo 'laua 'ajñisac ỹim saanem aqami', ca chaqa'ma' ralamaxarichi' chaqai ca qachaalaxai'pi.

Génesis 15:18

Ca' chaqaiso so na'xa'a, ca' ñi qara'gaxala' ỹo'uet so na'maqataxac queso Abram. Ca 'naaco': —Najo 'laua saanem ma'le ca qachaalaxai'pi chicqochi'ñi aso lachiugue quiyi Egipto, ca ỹovireta'a aso lachiugue late'ogue', leenaxat Eufrates.

Génesis 16:2

Ca 'naapego' so loua Abram: —'Anta, ñi qara'gaxala' se ỹo'uet ca ỹaalec. Qam ñi'xoresene'tot qami' quiyim quirepegue' añi ỹa'a Agar, sha'apiguito' 'ue ma'le ca ỹaalec chicqotougui añi'maxare. Ca' so Abram saachiguit da la'qaatec aso Sarai.

Génesis 17:8

Ca' qami' chaqai ca qachaalaxai'pi saanem ma'le ná'ogue najo 'laua Canaán ná'maq ñi'salec nagui. Ca' ỹaatqajam ralamaxarichii ra'aari, ca ỹim ná'maq ỹim qota'olec ma'le caqamiri.

Génesis 23:4

—'Eno'm ỹoqa'a ca sachicqa'gue quiyim salequetauguilo qamiri, qam ỹim sahotaque miiñiỹot aỹim ca 'laua quiyim loma' ayi ỹasauaxana, qaiyi seshinñi ayi ỹoua tot qaca.

Génesis 26:3

Qam nagui ñaqai ñi'salec najo 'laua. Ca' ỹim iỹaatac qami' chaqai yqouaquiraxaric, ma' qami' chaqai na qachaalaxai'pi saanem ma'le najo 'laua. Ca' sepacqajanchigui dá'maq ỹa'qaatec na'le queso qataa'i' Abraham.

Ezequiel 33:24

Na qomyipi neeta'ñi naua na'aate' quena Israel 'ue da le'xoric, 'naiquen: So Abraham 'oonoqui', qam ỹovireta'a quiyim ỹomata'ta' najo 'laua; huose'quet qomi', ma' qomi' 'xoic, sovirqa'a ma'le quiyim qaralamaxaret najo 'laua.

Deuteronomio 34:4

Ca' ñi qara'gaxala' 'naaco' queso'maxare: —Najo ná'maq 'laua ñallitalta' na' sachaxantac queso Abraham, Isaac chaqai so Jacob quiyim saanem ma'le na llaalqaipi. Ca' ỹim sahotaque quiyim huañita quiyim ỹaatqajam 'ajñisac, 'eno'm sqai noxoñira'a ma'le yi'maxare.