Hechos 7:2 - La'qaatqa ñi qota'olec Qota'olec & Qota'olec Novita Na Qomyipi

² Ca so'maxare 'naaco': —Ỹaqaỹarolqa chaqai qamiri ita'alolqa, ñaq na'xaỹaxañiua'. Ñí'maq chalego lecaic qota'olec coqomi' na' nachaxana so 'auaxaic qareta'a Abraham co'na' neeta'ñi yi 'laua Mesopotamia, co'na' saqa' lachi, quepegue' yi 'laua Harán.

Hechos 7:2 Iomraidhean Croise

Génesis 11:31

Co'na'le, ca' so Taré ca'e yi Ur na'ñi yi caldeo laseripi. Ca' quepegue' yi 'laua Canaán, ỹauec so llaalec Abram, chaqai so laual Lot, chaqai aso late Sarai. Qam co'na' ỹovijta yi na'a' Harán, ca' chaqa'ma' nera'ñi.

Génesis 12:1

'Uo' so na'xa'a, ca 'naaco' ñi qara'gaxala' queso Abram: Lachi' na na'laua'e' chaqai na qauochi' laseripi chaqai na la'a' ñi qataa'i', ca' quirepegue' yí'maq 'laua sachaxanem qami' ma'le.

Génesis 12:5

Ca' liỹaatec aso loua Sarai chaqai so leteesec leenaxat Lot. Chaqai qai'neeta i'xat sá'ogue so louenqaipi chaqai so la'aquipi ỹachigoxota'ñi yi Harán. Ca co'na' ỹovita yi Canaán,

Génesis 15:7

Ca 'naaco' queso'maxare: —Ỹim ná'maq ỹim na'gaxala'; ỹim ná'maq ñaqatec na'le qami' quiyi Ur yí'maq huaugui yi 'laua Caldea. Ca' saañiraxarom najo 'laua quiyim ralamaxarichi'.

Génesis 29:4

Ca' so Jacob inato' so neloxoỹaripi: —¿Negue' cá'maq ñiỹa'gue? Ca saua'maxare 'neraco': —Senqa'ñi yi Harán.

Salmos 24:10

¿Negue' cá'maq nashi 'ue da lauaq? ¡Chaqaiñi ñi qara'gaxala' ñí'maq qaica ca lqalanec! ¡Chaqaiñi ñí'maq nashi 'ue da lauaq!

Salmos 24:7

¡Ca' huatouguilo naua lasomi' qaica lqodogue'! ¡Ca' chaqai 'neetari' nauatetauguilo, ca' inoxono ma'le ca nashi 'ue da lauaq!

Isaías 6:3

Chaqai quena' retaxahi' 'neracsa': Co'teeta, co'teeta, co'teeta ñí'maq qara'gaxala' qaica ca lqalanec; ná'ogue na 'laua no'qajlec queda lauaq.

Mateo 6:13

Chaqai se qarashiñitegue ca qane'guenaxac, ta'ta'a quiyim otaxañirelgoto qomi' queso na'ỹaapec. Ma' qatoiquenachiqui' dá'maq no'ueenataxanaxac, chaqai da nquesaxanaxa, chaqai da nauaq qaica lqodoc. Ajá'a, ca' chaqaida 'neeta dajo.

Lucas 2:14

¡Ỹaatqajam lodegaxat da quiyim qaỹo'ueentac ñi qota'olec ñí'maq neeto'ot na piguim, chaqai quena 'laua 'uo' da la'maxa na qomyipi ná'maq ỹa'maxarenta ñi'maxare!

Juan 1:14

Ca' só'maq qohinaco' quen na'qaatec ñigui qom. Ca so'maxare ỹalequetauguilo qomi', qam ỹaatqajam no'qaachigui queda nqo'iichi chaqai dá'maq ỹaatqajam llic leloxoỹaxac. Ca' qomi' seuanqachigui da lauaq, qam dajo lauaq da'maxare chi lalamaxaret lauaq só'maq 'oonoqui' llaalec ñí'maq qota'olec.

Juan 12:41

So Isaías ỹa'xat dajo, ma' iuanchiguio' da lecaic so Jesús, chaqai ỹa'xatetac so'maxare.

Hechos 22:1

—Qamiri ỹaqaỹarolqa, chaqai qamiri ita'alolqa, ñaq na'xaỹaxañiua' quedá'maq shim sa'xat caqamiri quedá'maq ño'ueenataxac.

Hechos 23:7

Ca co'na' ime 'naac dajo, ca' so fariseoipi chaqai so saduceoipi chi pa'ỹata' retaxaỹata', ỹovireta'a noỹoota'chi so qomyipi.

Hechos 7:1

Ca' so lashi na netaxaỹaxanqajanqaipi inat so Esteban: —¿'Nesam llic dá'ogue dataq qaỹa'xatetac?

1 Corintios 2:8

Na nashillipi hueetalecna qaica ca ỹa'den dajo na'deenec. Ma' quet ỹa'den, ca se qaipateno so choxoraic qara'gaxala'.

Efesios 1:17

Sashiilatac ñi qota'olec queso qara'gaxala' Jesucristo, ñí'maq chalego lecaic qareta'a, quiyim ỹaanema qamiri ca na'deenaxanaxa chicqo'ot nqai'en so Espíritu, qaiyi 'yiiñii cá'maq ỹachaxañiỹaxarom chaqai quiyim ỹaatqajam 'yiiñichigui dá'maq 'neeta ñi'maxare.

Tito 2:13

Qai'neeta ỹapaxaguinque qomi' quiyim qolqatalec da qarauaanaxanaxac quiyim ñauaanqata'guit quiyim ỹovirelec ca laloqo' ca loyac cajo na'xa'a cá'maq qaỹachaxantapeguema qomi' cá'maq loviraxac quiyim naquetagui da lauaq cá'maq chalego lecaic qota'olec chaqai qarca'laxaqui Jesucristo.

Hebreos 1:3

Ca' chaqaiso so lqai'legaxa dá'maq lauaq ñi qota'a, chaqai so'maxare chaqaiso só'maq 'nejem da no'ueenataxac ñi qota'a, chaqai so'maxare só'maq nolliitañi ná'ogue nanchaqaina queda lquesaxanaxa da la'qaatec. Ca co'na' ime co'taxate' qomi' quena qarasauaxaset, ca' nqa'xanñi quiyim nashi queda loic yi nqa'xanqa' ñi qota'a queda piguim.

Hebreos 11:8

Ma' 'uo' da lpi'ỹaxac so Abraham, ca na'xaỹaxanto' na' qaroỹaxana quiñi qota'a, ca' eec quepegue' cá'maq shim qoỹaanem quiyim lalamaxaret quiñi qota'a. Ca'e yí'maq neetalec 'laua, qam se ỹa'den cá'maq taỹa'gue.

Santiago 2:1

Qamiri ỹaqaỹa', ma' mashic viilec so chalego lecaic qara'gaxala' Jesucristo, ca' se ỹa'maxañi quiyim nca'aitagui na qomyipi.

Josué 24:2

Ca 'naac quesá'ogue so qomyipi: —Da la'qaatec ñi qara'gaxala', ñí'maq qota'olec quena Israel, 'neetasa': Nallaaqo' quesaua 'auaxaqa qata'allii Taré chaqai saua llaalqa Abraham chaqai so Nacor neeso'ot na lahi aso lachiugue Eufrates, nqouagaxainsacoto' quen na nashiilqaipi.

Apocalipsis 4:11

Qami' qara'gaxala' qota'olec, ỹaatqajam 'chichiguiñi quiyim coñichiguit da nauaq, da necaic, chaqai da nquesaxanaxa; ma' qami' ro'ueenachiqui' ná'ogue nanchaqaina, ma' chaqaida dá'maq vi'saque, ca' 'ue, ca' re'oq ná'ogue na'maxare.