Hechos 7:16 - La'qaatqa ñi qota'olec Qota'olec & Qota'olec Novita Na Qomyipi

¹⁶ Ca' so lpi'naqaipi, co'na' ncopa, ca qanaviguishiguim, qaỹodo'ogue da Siquem. Ca' quiyi, ca qaishinñi cañi lahi' quiyi 'laua shi'co' lishiujnaxanaxat so Abraham, ỹauaaque napal loma', ỹachigoxotaugui so llaalqaipi so leenaxat Hamor, na'ñi yi Siquem.

Hechos 7:16 Iomraidhean Croise

Génesis 23:16

Ca' so Abraham ishit ishiueten aca roỹaxanaque so Efrón só'maq hitita le'ec. Ca' iuanchigui sá'ogue so hitita laseripi na' ỹomatauec ishiueten aso laseuete yijo 'laua.

Génesis 23:4

—'Eno'm ỹoqa'a ca sachicqa'gue quiyim salequetauguilo qamiri, qam ỹim sahotaque miiñiỹot aỹim ca 'laua quiyim loma' ayi ỹasauaxana, qaiyi seshinñi ayi ỹoua tot qaca.

Génesis 35:19

Ca' chaqaido' da 'neeta co'na' ileu aso Raquel. Ca qaishinñi quena lahi so nayic quiyi Efrata. Ca' nagui yi'maxare leenaxat Belén.

Génesis 47:30

Ma' ỹovita quiyim qayco'mataxanaxanec quiyim llapoo'guita saua 'auaxaqa ita'al, ca' naqachira'a aỹim quena Egipto. Ca yishiñiri'ñi aca lahite' caua'maxare. —Chaqaida shine'tegue ma'le —'naaco' so José.

Génesis 50:12

Ca' saua llaalqa so Jacob ipacqajanchirigui dá'maq ỹahotaque so leta'a'.

Génesis 50:13

Ca' ỹodootegue da Canaán, ca' ishiñiñi queso lauac quiyi 'laua Macpela, yí'maq rishiujnaxano' na'le so Abraham queso Efrón, só'maq hitita le'ec, ỹauaaque nishinqa' na lauo' laseripi. Yijo 'laua chaqai ñi lauac pa'ỹa'gue da lqodoigue quiyi Mamre.

Éxodo 13:19

Ca' so Moisés i'xate' saua lpi'naqa so José, ma' so José 'naaco' na'le queso llaalqaipi so Israel quiyim ỹaan da la'qaatec quiyim qaipacqajanchigui dá'maq la'qaatec: Ỹaatqajam llic quiyim ñi qota'olec ỹotauane' qamiri ma'le, qam ma' ỹovirelec quiyim ipaquichigui dajo, ca' qamiri 'xachii' ma'le naua ipi'naqa.