Hechos 6:6 - La'qaatqa ñi qota'olec Qota'olec & Qota'olec Novita Na Qomyipi

⁶ Co'na'le, ca qaỹaueguero saua'maxare quiyi hueese'e saua Jesús lelaatqa. Ca qanqouagaxainlgoto chaqai qaỹashil-lgoto saua'maxare.

Hechos 6:6 Iomraidhean Croise

Marcos 5:23

Ca ỹaatqajam ne'xoresene'tot, 'naaco': —Ayi ỹaale mashic ileuetac. Anaqui' quet, ca' shillirelec, qaiyi imeuec chaqai nca'leuec.

Hechos 1:24

Ca' 'neetetegueyi da nqouagaxainaxague': —Qami' qara'gaxala' ma' qami' 'yiiñi' ná'ogue ana ne'taxanata, choxochi' coqomi' cá'maq rca'acshiqui' quenauajo.

Hechos 13:3

Ca co'na' ime da nqouagaxainaxac chaqai da nqopaaqachitaxac so qomyipi, ca' qaỹashil-lgoto saua'maxare, ca qailate'.

Hechos 19:6

Ca co'na' so Pablo ỹashil-lgoto saua'maxare, ca anac so Espíritu Santo, ta'ñiguilo saua'maxare, ca ỹa'xate' naua ỹoqa'alo na'qaatqa, chaqai ỹa'xate' naua chicqoro'ot ñi qota'a na'qaatqa.

Hechos 8:17

Qam co'na' so Pedro chaqai so Juan ỹashilerelec so qomyipi, ca ỹacoñiguit so Espíritu Santo.

Hechos 9:12

Ca 'uo' so leuanaxanaxac, iuana so ỹale leenaxat Ananías quiyim inoxoneu'a, ca co'na' ỹashil-lec ñi'maxare, ca lotqai liỹa neuanñi.

Hechos 9:17

Ca' so Ananías quepegue' ca na'a' neeta'ñi so Saulo. Ca co'na' inoxono, ca ỹashil-lec quenaua lqai'laqate' so'maxare. Ca 'naaco': —Qami' ỹaqaỹa Saulo, ñí'maq qara'gaxala' Jesús, ñí'maq nachaxano' qami' na' naquisa'gue na nayic, chaqaiñi ñí'maq nelata ỹim aqami', qaiyi liỹa neuañiriñi chaqai qami' no'qaachigui nqohin ma'le queca Espíritu Santo.

Deuteronomio 34:9

Ca' so Josué, só'maq llaalec so Nun, chicqo'ot so Moisés da la'deenaxanaxa so'maxare, ma' so Moisés ỹashil-lec na'le so'maxare, ca nqouagaxainlec. Ca vichiguiño' so Israel llaalqaipi ỹaatqajam na'xaỹaxane'ta so'maxare, ca ipacqajanchigui dá'maq 'naaco' na'le ñi qara'gaxala' queso Moisés.

1 Timoteo 4:14

Ỹaatqajam quirelec 'viichi' dá'maq lo'ueenataxanaxac dá'maq qoỹaañiraxarom quiñi qota'a na' saua la'gaxalate' ná'maq icoñiguit da na'qaatec queda llilnataxanaxac ñi qota'a quiyim ỹashil-lec qami'.

1 Timoteo 5:22

Mesqai chaqa'ma' coñira'a cá'maq viraque la'gaxala' ná'maq mashic icoñiguit da na'qaatec, 'neeto' lliquirau'a ca lasauaxaset ca liỹa. Ỹaatqajam richilliralta' quená'ogue na se ỹa'maxañi.

2 Timoteo 1:6

Vichiguiño' nagui saqata qami' quiyim nelouec nqai'ñi' da lo'ueenataxanaxac ñi lame ñi qota'a queca na' sashil-lec qami'.

Hebreos 6:2

chaqai da llicyaxac quiyim qanachilaxan ca qom, chaqai dá'maq quiyim qaỹashil-lec ná'maq mashic icoñiguit da na'qaatec, chaqai quiyim pilac qanca'laxatec na leuaxaiquipi, chaqai ma' qanimit ná'ogue najo.