Hechos 6:3 - La'qaatqa ñi qota'olec Qota'olec & Qota'olec Novita Na Qomyipi

³ Vichiguiño' qamiri qarqaỹa', michiỹaque caqamiri caua siete ỹale' cauá'maq qaipi'ỹa'alo quiyim ỹo'ueete' dajo, chaqai 'ue na ỹa'deene' chaqai no'qaachiguilo queca Espíritu Santo, ca chaqaicaua ma'le caua ỹa'ajandac da no'ueenataxanaxac.

Hechos 6:3 Iomraidhean Croise

Mateo 23:8

Qam qamiri sqai viitaque quiyim qaỹamata'que qamiri napaxaguinataxana' quena qomyipi. Ma' qamiá'ogue qamiri nqaỹaripi, chaqai qaỹimeta napaxaguinatqorii.

Juan 21:23

Ca' queugui so nqaỹaripi da na'qaatec quiyim se ileu so napaxaguinaxaua. Qam so Jesús mesqai 'naaco' queso'maxare quiyim se ileu. Ta'ta'a quiyim 'naac: “No'm ỹim sahotaque quiyim da'maxare ñaq nca'leetauec, toco' ma' ỹovita quiyim liỹa yapil, qam ¡qami' mesqa 'irapegueu'a!”

Hechos 1:15

Ca 'uo' so na'xa'a, co'na' lapoota'ta', ca' so Pedro nachajñi quena lavinñi so nqaỹaripi, 'uo' ca ciento veinte so qomyipi, ca 'naaco':

Hechos 1:21

Ca' nagui 'vio' naua ỹalequetauguilo qomi' ỹale' sqoỹoxe'ogalo coqomi' quesaua'que saua na'xata' na' llaqai so qara'gaxala' Jesús ỹalequetauguilo qomi'.

Hechos 10:22

Ca' saua'maxare 'neraco': —Nelate' qomi' ñi nouaataxanaq lashi Cornelio. Ñi'maxare ỹaatqajam huagaxaraic ỹale chaqai ỹaatqajam ỹa'maxate'tegue ñi qota'olec, vichiguiño' ná'ogue na judioipi ỹaatqajam lauochaxat chaqai lqo'itaxat ñi'maxare. Ma' 'uo' so chicqashiguim qota'a lelaatec 'naapega ñi Cornelio quiyim relaataxana qami' quiyim quirepegue' yi la'a', ca' ñi'maxare na'xaỹaxana ca ra'qaataxanaxaqui'.

Hechos 15:23

Ca' chaqaisaua saua i'xate' nqohin aso lere. 'Ne'tegueyi da hueetalec: “Qomi' lelaatqa so Jesús chaqai naua na'gaxalate' chaqai ná'ogue ná'maq mashic ỹacoñiguit da na'qaatec, qariquinaxanaxac queca qarqaỹaripi mesqai judioipi neeta'ñi yi Antioquía, chaqai yi 'laua leenaxat Siria, chaqai qai'neeta yi Cilicia.

Hechos 16:2

Ca' so nqaỹaripi na'ñi yi Listra chaqai yi Iconio ỹaatqajam imaqachintac so'maxare.

Hechos 2:4

Ca sá'ogue qano'xataxachichigui queso Espíritu Santo. Ca' quiyi, ca retaqa, ỹa'xate' naua ỹoqa'alo na'qaatqa, quecá'maq qoỹaanem ỹa'xat queso Espíritu.

Hechos 22:12

Ca' yí neeta'ño' so ỹale, leenaxat Ananías. So'maxare ỹaatqajam na'xaỹaxane'ta na naqataxaquipi chicqo'ot nqohin so Moisés. Chaqai ná'ogue na judioipi neeta'ñi yi Damasco ỹaatqajam 'maxaraic nqai'en da no'ueenataxac so'maxare.

Hechos 28:14

Ca seuanqajlec so qarqaỹaripi quená'maq huelec da na'qaatec, ca qarollaañi senqa'anyi quesaua siete na'xata'. Ca na' ime, ca sachigoxosqochi'inyi, ca saxague da na'a' lodegaxat Roma.

Hechos 6:2

Ca' saua doce lelaatqa so Jesús lapoondeta' sá'ogue só'maq mashic ỹacoñiguit da na'qaatec. Ime, ca 'nerac: —Se ỹa'maxañi quiyim qomi' saxanaxañi da qara'qaataxanaxac quiyim sa'xataq da la'qaatec ñi qota'olec, ca qaralamaxalec semeenaxauec na na'ic.

Hechos 6:5

Ca sá'ogue ỹa'maxarenta dajo. Ca qanca'au'a so Esteban só'maq no'qaachigui queda lpi'ỹaxac chaqai quiñi Espíritu Santo, chaqai so Felipe, so Prócoro, so Nicanor, so Timón, so Parmenas, chaqai so Nicolás só'maq na'ñi yi Antioquía. So'maxare shi'co' quen huelec da lo'ueenataxanaxac na judioipi.

Hechos 6:6

Co'na'le, ca qaỹaueguero saua'maxare quiyi hueese'e saua Jesús lelaatqa. Ca qanqouagaxainlgoto chaqai qaỹashil-lgoto saua'maxare.

Hechos 9:30

Qam co'na' ỹa'den dajo so nqaỹaripi, ca qai'xat so Saulo queda Cesarea. Ca' quiyi, ca qailategue da Tarso.

1 Corintios 12:8

Ca ñi'maxare 'ue na ỹaanem da la'deenaxanaxa quiyim retaqa, chicqochigui nqai'en so Espíritu, chaqai 'ue na ỹaanem quiyim 'xoic da la'deenaxanaxa, chicqochigui nqai'en so Espíritu.

1 Corintios 16:3

Ca ma' sovitalo qamiri, ca' sa'vii caua qomi' selajtegue da Jerusalén quecauá'maq qomi' qanca'au'alo caqamiri. Ca' sa'ue aca ỹerecse, ca' i'xate' aca rotaanaxanqachii quiyi qarqaỹaripi neeta'anyi.

Efesios 5:18

'Neeto' lotqai rquiñiuguichii, ma' dajo tai'a quiyim na'laañi nqai'en ca qom. Ta'ta'a quiyim no'qaachiguilo qamiri queso Espíritu Santo.

1 Timoteo 5:10

Chaqai ỹaatqajam qaỹa'deenta quiyim ỹo'ueetetac ca ỹa'maqachiguiñi. Ca' 'eda dá'maq 'neetari' quet aca'maxare: quiyim ỹaatqajam idaanlec ca llaalquenaxanaxac, chaqai quelola ca namaqategueri', chaqai qaica ca huapigui lauel quiyim idaañiguit na lqaỹaripi quená'maq mashic icoñiguit da na'qaatec, loqo'm ỹotauan ca se ỹa'maxagui lauel, loqo'm canchaqaica liỹa lo'ueenataxanaxac ỹa'maqachiguiñi.

Santiago 1:17

Ná'ogue na ỹa'maqachiguiñi chaqai na naloochiguiñi quená'maq qoỹaanema qomi', na'maxare chicqashiguim chicqo'ot ñi qota'a, ñí'maq lo'ueenata na coỹarelec najo. Ñi'maxare se nadalaxatalta' chaqai se nqo'in quiyim 'ec chicqochigui ca la'al.

3 Juan 1:12

Ná'ogue ỹaatqajam lo'yaxanec da la'qaataxanaxac quena' ỹa'xatetac ca Demetrio, chaqai qai'neeta dá'maq na'qaatec ỹaatqajam llic ỹa'xat dá'maq no'uen no'ueenataxac ca'maxare. Chaqai qomi' qai'neeta sa'xatqatac dajo, chaqai qamiri 'yiiñita quiyim llic dá'maq sa'xatqatac.