Hechos 6:1 - La'qaatqa ñi qota'olec Qota'olec & Qota'olec Novita Na Qomyipi

¹ Ca' quesaua na'xata' noquiiquetauec na icoñiguit da na'qaatec, ca ná'maq ỹa'xate' naua griego la'qaatqa chi nco'uaata'ta' quená'maq ỹa'xate' naua judío la'qaatqa. Ma' saua'maxare 'neraco' quiyim aná'maq pa'ỹe aná'maq ỹa'deene' naua griego la'qaatqa sqailligueme' qaicochiỹa quena' qaimeenec na na'ic quiyi na'xa'a.

Hechos 6:1 Iomraidhean Croise

Salmos 110:3

Na ralamaxarichi'ipi nañaanot qami' quiyim qami' lashi queca na'xa'a na' huegaxañi'. Ca' da nenocchishiqui' nqo'neetauec quenaua na'xata', quedaua quemaralgoto qari looỹaco ñi qota'olec, 'ec aca 'ỹa' chicqochigui na lauel añi ra'aasa.

Isaías 1:17

¡Napaxaguiñiỹa quiyim 'viichii cá'maq no'uen, na'ñaxachii quiyim 'viichii ca ỹa'maqachiguiñi, tauañii ná'maq se qaỹa'maxate'tegue, 'viichii quiyim qaỹa'maxate'tegue ca na'peloq, 'ootaxañiilec dá'maq no'ueenataxac aca pa'ỹe!

Malaquías 3:5

Ñi qara'gaxala' sqaica lqalanec 'neetasa' da la'qaatec: Ỹim semite' qamiri ma'le queda rasauaxashichii. Chaqai ỹim ná'maq seuanchigui ná'maq ỹoiquen ca liỹa, ná'maq lapaatapi'ñi' ana se loua, ná'maq nallitalta' quena' 'ue da ỹa'xat, qam se ipacqajñigui, ná'maq qa'viita'pegue na 'ueenataxanaxairipi chaqai ana pa'ỹe chaqai na na'pelyipi, chaqai ná'maq se ỹa'maxata'gue na ỹoqa'a ca chicqa'gue, chaqai ná'maq napaqueteguelec aỹim.

Mateo 23:13

¡Ỹaatqajam 'xoraiqolqa qamiri napaxaguinataxana' quena naqataxaquipi chaqai qamiri fariseoipi, ma' 'ñiitapega qamiri 'maxaraqa! Ma' pohigui ñi lasom da lo'ueenataxanaxac ñi qota'a queda piguim, qaiyi se inoxono na liỹaripi. Chaqai qamiri qai'neeta sqai noxoñiuo, chaqai sqai 'xañiỹac ná'maq ỹahotaque inoxono.

Hechos 11:20

Qam 'uo' na mashic ỹacoñiguit da na'qaatec, chicqa'gue da Chipre chaqai da Cirene, ỹovirera'a yi na'a' Antioquía. Ca ỹoviraqta'ogalo naua na'qaatqa na sqai judioipi, qaỹa'xatetac so qara'gaxala' Jesús.

Hechos 11:26

Ca 'óna ñaaxa nera'ñi, ỹalequesaugui so mashic ỹacoñiguit da na'qaatec, rapaxaguinataxanta'pe quena qom. Ca chicqochi'ño' yi Antioquía na' 'au qaỹa'ue da leenaxat ná'maq ỹacoñiguit da na'qaatec, qoỹanegue Cristo nalliripi.

Hechos 11:29

Ca' so mashic ỹacoñiguit da na'qaatec na'ñi yi Antioquía ỹa'uo' aso lotaanaxanqate queso nqaỹaripi neeta'ñi yi Judea, qam cá'maq chaqa taachi'ñi ishit ỹaan queca 'óna.

Hechos 2:41

Ca sá'ogue só'maq huelec da la'qaatec so Pedro, ca' qanachilaxan. Ca' quesojo na'xa'a, ca' noquiiguec so inoxona'a da na'qaatec 'uo' ca tres mil qomyipi.

Hechos 2:45

'Uo' na imen na la'a' chaqai na louenqaipi, ca nasectaqchigui aca laseuete quecá'maq taachi'ñi ca louenaxanaxa ca 'óna.

Hechos 2:47

Ỹa'xatetac qaica 'nejem ñi qota'olec, ca ná'ogue na qom nqo'ta. Ca' quesaua na'xata' ñi qara'gaxala' ỹoqotqajno ná'maq ỹacoñiguit yi na'qaatec ná'maq dalaxaic nca'leuec nqohin.

Hechos 4:35

ca ỹaanema saua lelaatqa so Jesús. Ca saua'maxare, ca ỹasectaqchirigui, naloqojonterec quecá'maq taachi'ñi ca nouenaxanaxa.

Hechos 4:4

Qam 'xoico' quesó'maq na'xaỹaxantapega da na'qaatec, ca huelec; ca noquiiguec só'maq ỹacoñiguit da na'qaatec, ca 'uo' ca quiyim nodaatec so ỹalliripi, 'uo' ca ỹovi' cinco mil.

Hechos 5:14

Ca' 'xoic na dalaxaic huelec so qara'gaxala', ỹale chaqai ana 'aalo.

Hechos 5:28

—Qomi' sqaica ma' sa'maxarenaq quet quiyim paxaguinataxañita'pegue da leenaxat so Jesús. Qam ¿negue' dá'maq 'viichitac? Mashic no'xataxachiigui ná'ogue na Jerusalén quedá'maq rapaxaguinataxanaxaguii qamiri, chaqai viitaque pataxailgoto qomi' quiyim qarasauaxaset da lelauaxa so ỹale.

Hechos 6:2

Ca' saua doce lelaatqa so Jesús lapoondeta' sá'ogue só'maq mashic ỹacoñiguit da na'qaatec. Ime, ca 'nerac: —Se ỹa'maxañi quiyim qomi' saxanaxañi da qara'qaataxanaxac quiyim sa'xataq da la'qaatec ñi qota'olec, ca qaralamaxalec semeenaxauec na na'ic.

Hechos 6:7

Ca' da la'qaatec ñi qota'a lama'xa nqo'neetauec, ca 'xoic na icoñiguit da na'qaatec quiyi Jerusalén. Vire'ta na netaxaỹaxanqajnec quena judío laseripi ỹacoñiguit da na'qaatec quiyim pi'ỹa'a.

Hechos 9:29

Chaqai qaica ca no'chaaque quena' ỹa'xat da leenaxat so qara'gaxala'. Na'qaataxanta'pegue' chaqai retaqata'guit na judioipi ná'maq ỹa'xate' naua la'qaatqa na griego. Qam sojo qomyipi idaantaco' quen ca la'maqa' quiyim ỹalauat so Saulo.

Hechos 9:39

Ca' so Pedro queguelo saua'maxare. Ca co'na' ỹoviro, ca qaỹavicshi'ma cá'maq shi'co' qaillaugui pa'aashiguim 'imec. Ca sá'ogue so pa'ỹellipi noỹentagui, lapoỹaho, ca qaỹachaxantapeguem na loxoquiripi chaqai na lamaxaquiripi ná'maq lo'ueenatqaipio' aso Dorcas co'na' ñaq nca'leetauec.

Hechos 9:41

Ca' so'maxare ỹacona ana laua, ca navicshiguim. Ime, ca roỹaxane'oga so nqaỹaripi chaqai so pa'ỹellipi, ca ỹachaxanem, qam mashic nca'leetauec aso'maxare.

Romanos 12:7

Chaqai no'm ỹaanema qomi' quiyim squelolaxa ná'maq mashic icoñiguit da na'qaatec, ca' chaqaida so'ueetaq. Chaqai cá'maq ỹa'den quiyim rapaxaguinataxan nqohin, ca' chaqaida queetalec quiyim rapaxaguinataxan.

1 Corintios 10:10

Chaqai se na'quiaaxat ñi qota'a, 'nejem da 'ne'tegue so'maxare quiyim 'uo' quen na queeteguelec ñi'maxare, ca' qanalauajñi queso lelaatec nalauataxanqajnec.

2 Corintios 11:22

¿Na'maxare peeta'a hebreo laseripi? Ỹim liỹa. ¿Na'maxare chicqaugui so llaalqaipi so Israel? Ỹim qai'neeta. ¿Na'maxare lauaripi so Abraham? Ỹim qai'neeta.

Deuteronomio 26:12

Ca ma' ỹovire'ogalo caua tres ñaxari quiyim ỹovita qoỹaano añi 'oono'lli' quecaua diez quecá'ogue cá'maq hueeto'ot na qomyipi, ca' quiyim mashic añi 'oono'lli' quecaua diez quená'ogue ná'maq la na qadañicshiqui', ca 'ỹaañitem na llaalqaipi so Leví, chaqai ná'maq ỹoqa'a ca chicqa'gue quená'maq neetauguilo qamiri, chaqai na na'pelyipi, chaqai ana pa'ỹellipi, qaiyi que'e ná'maq qomyipi ỹalequetauguilo qamiri quecá'ogue cá'maq nisha'a,

Filipenses 3:5

Ma' qaỹa'ue na netanec na ỹoshicmaxa na' ime ñi'qaañi quecaua ocho na'xata', ma' iuo' na Israel laseripi, sachicqaugui na llaalqaipi so Benjamín, naua ỹa'qaatqa 'nejme' naua la'qaatqa saua ita'al hebreo lase'. Ỹim salequetaugui na'le na qohinac fariseo, ma' ỹaatqajam quejlgoto naua naqataxaco chicqo'oto so Moisés.

1 Timoteo 5:3

Otauañi' aca pa'ỹe acá'maq ỹaatqajam 'ue ca louenaxanaxa.

1 Timoteo 5:9

Ca cá'maq lomalate quiyim qoỹiriñi ana pa'ỹe, qanaata aná'maq napacalgoto caua sesenta ñaxari, chaqai quiyim 'oonoqui'o' cá'maq loua.

Hebreos 13:1

Quiñi 'óna sqai ỹaxanñi quiyim i'xoren ca liỹa 'neeta'gue ca ỹaatqajam lalamaxaret lqaỹa.

Santiago 1:27

Ma' dá'maq 'ueenataxac ỹaatqajam co'teeta chaqai qaica ca hueetaugui nasauaxaset ra'ijlec ñi qota'olec, 'neetasa': ca qom ỹotauan ca na'peloq chaqai aca pa'ỹe hueetaugui ca ne'guenaxac, chaqai ỹaatqajam noyinguit ná'ogue na se no'uen huelec na 'laua.

Santiago 4:5

'Uo' ca 'neeta, vichiguiño' yaua naneresañi na'qaatqa 'nerac: “So Espíritu Santo só'maq ñi qota'a ỹanauguilo qomi', so'maxare nqo'talo chaqai ỹauoteguelo qomi'.”

Santiago 5:9

Caqamiri ỹaqaỹarolqa, 'neeto' 'ue ca queeteguelec ca liỹa caqamiri, qaiyi qaica ca qaỹa'ue ca lasauaxaset. Ma' ñi qota'a ñí'maq imit ma'le na nasauaxaseteripi, tot qaỹaloq novi'.