Hechos 5:4 - La'qaatqa ñi qota'olec Qota'olec & Qota'olec Novita Na Qomyipi

⁴ ¿Mashic 'ec se qatooỹaqui'o' ca 'laua? Chaqai mashic ime miiñi', ca ¿mese qadami'o' acá'maq laseuete? Qam ¿chi'neco' quiyim taachiquio' qavilli' quiyim 'viichi' dajo? Se na'majñitot ca chaqai qom, qam qami' na'majñitot ñi qota'olec.

Hechos 5:4 Iomraidhean Croise

Salmos 139:4

'Eno'm saqa' sa'xat ca ỹa'qaatec, qam qami' ỹa'gaxala', shi'gue 'yiiñi'.

Éxodo 16:8

Ca' so Moisés liỹa 'naac: —Ma' lavit ñi qara'gaxala' ỹa'ue ca qanoxohi la'at, ca' quiyi nete'eta, ca' ỹaanema qamiri ca 'xoic pan. Ma' ñi'maxare 'qaatapegalo qamiri na' se no'uen da 'xachitac quiñi'maxare. Ma' ¿negue' queto' qomi'? Qamiri sqai qarenaxaitac, ma' naxaitac ñi qara'gaxala'.

Isaías 59:4

Qaica ca ỹa'maqachiguiñi quiyim 'ue ca talaxanlec chaqai na'majantacot na nimiitaxanaripi quena nasauaxaset. Paguec pi'ỹa'a da na'maachic chaqai naua na'qaatqa repeetaxante'; mashic 'manegue na se no'uen;, ca' ne'qaañi nqai'en da nalauataxanaxac.

Lucas 10:16

Qam ca na'xaỹaxanalo qamiri, ca' chaqaỹim na'xaỹaxana. Qam ca se ỹacoñiguita qamiri, ca' chaqaỹim se ỹacoñiguit. Qam ca se ỹacoñiguit aỹim, ca' chaqaiñi ñí'maq yila' ñi se ỹacoñiguit.

Hechos 5:3

Qam so Pedro 'naaco': —Ananías, ¿chi'neco' ma' inoxono' so na'ỹaapec cañi re'taxanata'e' quiyim ỹo'uet quiyim na'majñitot so Espíritu Santo, ca sectaqchirigui aca laseuete so na'lauahi?

Hechos 5:9

Ca' so Pedro 'naapego' aso'maxare: —¿Chi'neco' na'yiiñigui quiyim viitaque 'guiñii so Espíritu chicqo'ot ñi qara'gaxala'? Queda pa'aauec chita'gue novirero dauá'maq ỹodoorec ishiñiñi ca roua'e'. Ca' naquita qai'neeta qarodo'irec.

1 Corintios 8:8

'Nesa ma' llic quiyim cá'maq na'ic se sachigoxotqagui quiyim qomi' ỹa'maxarente' ñi qota'a. Ma' cá'maq na'ic, no'm sa'guinaq, se ishit quiyim noquigaqchiguita qomi' quiyim no'uen ca qano'ueenataxac; loqo'm quiyim se sa'guinaq, qaiyiita se noquigaqchiguita qomi', ca se no'uen qano'ueenataxac.

1 Tesalonicenses 4:8

Ca' vichiguiño' quiyim 'ue ca se ỹacoñiguit dá'maq napaxaguinataxanaxac, ca ca'maxare mesqaica ca chaqai qom ca se icoñiguit, ma' chaqaiñi ñí'maq qota'a ñi se icoñiguit, ñí'maq ỹaanema qomi' so Espíritu Santo.

Filemón 1:14

Qam sqa soiquentac cá'maq so'uet quiyim se ña'deenqa'ajta', qaiyi cá'maq rqouagaxa'e' caỹim mesqai 'ec chicqochigui ca nepagaxallic. Ta'ta'a quiyim cá'maq chicqochigui qami' rqouagaxa'e' caỹim.

Santiago 1:15

Ca' dajo nqo'itaxanqachic queda se no'uen, da'maxare chicqaugui ca nasauaxaset. Ca' dajo nasauaxaset ma' ỹovita ca laloqo' quiyim 'ec ỹi, ca re'oq quiyim 'eco' chicqaugui da nelauaxa.

1 Samuel 8:7

Qam ñi qara'gaxala' 'naaco': —Na'xaỹaxañita quecá'maq roỹaxantaque na qomyipi, ma' ỹim ná'maq liỹoqa'piguit, mesqai qami', qaiyi se seloqota'a najo qomyipi.