Hechos 5:2 - La'qaatqa ñi qota'olec Qota'olec & Qota'olec Novita Na Qomyipi

² Sojo ỹale na'deene'e' aso loua quiyim ỹoxojñi so lahi aso laseuete so na'laua'. Ca' ỹodouo so lahi quesaua nelaatqa 'ec sá'ogue nalo'ojta'.

Hechos 5:2 Iomraidhean Croise

Malaquías 1:14

¡Se no'uen da naatalec da nachaalataxac cá'maq choxonataxanaxai, cá'maq 'naac quiyim ỹaanot aỹim ca isecỹac no'ueenta, ỹachigoxotaugui na laloipi. Ime, ca' ỹaanot aỹim ca 'ue ca la'aqset! Ỹim ná'maq sapacauec quená'ogue na nashillipi, chaqai aỹim nqolonaxat quená'ogue na ỹoreta'oguit qomyipi. Dajo dá'maq 'naac ñi qara'gaxala' sqaica lqalanec.

Mateo 23:5

Ca' quená'ogue ná'maq ỹo'uet, ỹahotaque qaỹa'ajantac quena qomyipi. Ma' ỹaatqajam nqo'ta quiyim 'ue ca hueetalec na latap chaqai quenaua lqai'laqate' quiyaua naneresañi la'qaatqa ñi qota'a, leca'gue nqohin ca nerec, chaqai quiyim ỹañiñi naua noho paguec ladocqa' naua lauollaxa' quena liỹa qom.

Juan 12:6

Qam so Judas sqai 'naac dajo quiyim i'xorentac na 'xoraic. Ta'ta'a quiyim so'maxare cuataxai chaqai da'maxare quiyim lo'qoota'a aso nam lahi', chaqai rocachitapiguio' quen aná'maq qainaxa'ñigui aso'maxare.

Hechos 2:44

Sá'ogue só'maq ỹacoñiguit da na'qaatec ỹaatqajam sqo ỹora'chi chaqai notaanta'ta' quena louenqaipi.

Hechos 4:37

Sojo ỹale chaqaiso só'maq imen ca na'laua, ca ỹodouo aca laseuete, ca ỹaanema saua lelaatqa so Jesús.

Hechos 5:1

Qam so liỹa ỹale leenaxat Anaías chaqai aso loua Safira, saua'maxare imeene' ca na'laua'.

Hechos 5:3

Qam so Pedro 'naaco': —Ananías, ¿chi'neco' ma' inoxono' so na'ỹaapec cañi re'taxanata'e' quiyim ỹo'uet quiyim na'majñitot so Espíritu Santo, ca sectaqchirigui aca laseuete so na'lauahi?

Hechos 5:8

Ca' so Pedro inato' aso'maxare: —Aỹim 'qaataxañitem. ¿Chaqaso' aso laseuete ca na'lauahi na' miiñii? Ca' so'maxare 'naaco': —Ajá'a, chaqaso.

Filipenses 2:3

Chaqai mesqai 'ue ca naquichitaque quiyim 'ue ca 'viichii chaqai quiyim nemaqajñii. Ta'ta'a ca ne'xoresenaxaguii, chaqai quiñi 'óna paguec gueme nqai'en ca liỹa queca'maxare.

1 Timoteo 6:10

Ma' dá'maq nqo'iichi cana re'qoochigui plata, ca 'eco' lpa'a' ná'ogue ná'maq ỹaleque'ejta' se no'uen. Ma' mashic 'ue ná'maq imelec da lqo'itaxanqachic cana'maxare, ca' ỹaxanñi da lpi'ỹaxac, ca ỹovirau'a quiyim 'xoic na le'xoric quedá'maq chi nachaalataxac.