Hechos 5:16 - La'qaatqa ñi qota'olec Qota'olec & Qota'olec Novita Na Qomyipi

¹⁶ Chaqai quena na'aateripi sqoỹoxe'oga 'xoic na qom novira'a yi Jerusalén, nodou'a na ralolaxaiquipi chaqai na 'ue na le'ec lecmaxaic. Qam ná'ogue imeuec.

Hechos 5:16 Iomraidhean Croise

Mateo 2:16

Co'na' so Herodes retan quiyim saua 'deenaxanqachaqaqa ỹayine' so'maxare, ca' ỹaatqajam ro'o. Ca relaataxanlec quiyim qaỹalauat ná'ogue na ñaaqaipioqui' na'ñi yi Belén chaqai quenaua'que naua lahil, chicqochi'ñi quiyaua dos ñaxari. Ca taỹa'nquira ipaquichigui nqai'en dá'maq la'qaataxanaxague' saua 'deenaxanqachaqaqa.

Mateo 4:24

Ca ỹovira'gue da na'qaataxac so Jesús yá'ogue yi 'laua Siria. Ca qanoda'a so'maxare ná'maq 'ue na iuetetac ỹoreta'oguit na ralolaxa, ná'maq 'ue na le'ec lecmaxaic, chaqai ná'maq chita'gue lotqai ileueta, chaqai na se ra'ñiigue. Ca' so Jesús ná'ogue ỹomatec.

Mateo 8:16

Ca co'na' mashic pe, ca qanodou'a so Jesús na 'xoic qomyipi ralolaxaiquipi 'ue na le'ec lecmaxaic. Ca' chaqai 'oonoqui' retaqa, ca ỹo'daauec na ne'ec lecmaxaic, chaqai qai'neeta ỹomatec sá'ogue so ralolaxaiquipi.

Lucas 5:17

Ca 'uo' so na'xa'a so Jesús rapaxaguinataxantac, ca 'uo' na ỹalequetaho, nqa'xantañi, ná'maq ỹalequetaugui na fariseoipi, chaqai ná'maq rapaxaguinataxanta'pegue na naqataxaquipi, novi', chicqa'ogalo naua na'aate' quiyi Galilea chaqai yi Judea chaqai Jerusalén. Ca' da lquesaxanaxa ñi qota'olec re'oq queso'maxare quena' ỹomatec na ralolaxaiquipi.

Lucas 6:18

Ca' na qomyipi ná'maq 'ue na le'ec lecmaxaic qai'neeta imeuec.

Lucas 9:11

Qam co'na' qaỹa'den dajo queso qomyipi, ca co'uaataxan. Ca' so Jesús ỹacoñi'chiguit sá'ogue, ca ra'qaataxantapeguem queda 'neeta ñi qota'olec chaqaiñi ỹoiquentac ná'ogue najo, chaqai ỹomatec so ralolaxaiquipi.

Juan 14:12

Ỹaatqajam llic da shinac caqamiri, quiyim quecá'maq huelec aỹim, ca ishit ỹo'uet qai'neeta dá'maq so'uet, chaqai paguec lecaic ma'le ca ỹo'uet, ma' ỹim shicpegue' ñi qota'a.

Hechos 4:30

chaqai ỹomaterec na ralolaxaic quedá'maq rquesaxanaxa'e', chaqai ỹo'ueete' na netanqaipi chaqai na se qaiuanapega, quiichigui da leenaxat so co'teeta qachaalqui' Jesús.

Hechos 5:15

Ca vire'ta quiyim qanaueguec na ralolaxaic quenaua nayico, ca' qaillaalgoto naua lomalate' chaqai naua lacanqa. Ca' quiyim que'tegueyi so Pedro, ca ỹovira'ogalo ca la'al saua'maxare.

Hechos 5:17

Ca' so lashi na netaxaỹaxanqajanqaipi chaqai so lotauaripi naneretaugui na leenaxat saduceo, saua'maxare 'uo' da lpa'guenaxanqa'.

1 Corintios 12:9

'Ue na ỹaanem da lpi'ỹaxac chicqochigui nqai'en so Espíritu. Chaqai 'ue na ỹaanem quiyim ishit nataren nqai'en na ralolaxaic.

Santiago 5:16

Ca' vichiguiño' queca 'óna caqamiri ra'qaataxanem ca liỹa queca lasauaxaset, chaqai quiñi 'óna nqouagaxaintalec ca liỹa, qaiyi qaỹomaterec qamiri. Da nqouagaxainaxac ca huagaxaraic ỹale ỹaatqajam 'xoic lquesaxanaxa.