Hechos 4:9 - La'qaatqa ñi qota'olec Qota'olec & Qota'olec Novita Na Qomyipi

⁹ mashic qamiri qarenachii quedá'maq 'neeta, quedá'maq no'uen qaỹo'uet queca ỹale ralolaxaic, ma' viitaque 'yiiñii negue' cá'maq 'neeto' na' imeuec.

Hechos 4:9 Iomraidhean Croise

Juan 10:32

Ca' so Jesús 'naaco': —Ỹim ỹaatqajam 'xoic ná'maq so'uet ỹa'maqachiguiñi, huañichigui qamiri, sachigoxochichigui da lquesaxanaxa ñi ita'a. Ca ¿negue' cá'maq sasoualec quena'maxare quiyim viitaque yinaxahi quena qa'?

Juan 7:23

Hua', qam nagui quiyim se napaguiỹalec na naqataxaquipi chicqo'ot so Moisés, ca' qamiri 'viichii ca netanec ca noctoqui', 'eno'm viichigui yi na'xa'a co'mataxaqui, qam ¿chi'neco' 'ohi caỹim ma' imeuec nqaishin ná'ogue na loshicmaxa so ỹale queso na'xa'a co'mataxaqui?

Hechos 25:26

Qam sqaica quet cá'maq shine'tegue ca ỹirec tai'a cá'maq qarashi quecá'maq 'neeta da'maxare, ca ñauegue'galo qamiri quiyim repagui'a nachii. Qam qami' ỹashi Agripa, salamaxate'tot qami' quiyim nachi', qaiyi 'ue cá'maq ỹa'qaatec sela' ma'le queca qarashi Augusto.

Hechos 3:7

Ca' so Pedro ỹacona da loic, ca nanojshiguim, ca' quiyi, chaqa'ma' ra'ñiiguelo naua lichil chaqai naua lataavi'.

1 Pedro 4:14

Ca no'm 'ue ca nelaxalo qamiri sovitapigui so Cristo, ca' chalego la'maxa caqamiri, ma' ñí'maq chalego lauaq ne'Espíritu ñi qota'a hueetalgoto qamiri. Saua'maxare se no'uen da ỹa'xatesac queso Cristo, qam qamiri maqachiñitac so'maxare.