Hechos 4:6 - La'qaatqa ñi qota'olec Qota'olec & Qota'olec Novita Na Qomyipi

⁶ Qai'neeta ỹalequetaho so Anás, lashi na netaxaỹaxanqajanqaipi, chaqai so Caifás, Juan, Alejandro, chaqai sá'ogue so lauo' so nashillipi quená'maq netaxaỹaxanqajanqaipi.

Hechos 4:6 Iomraidhean Croise

Mateo 26:3

Ca' quesojo na'xa'a, ca' so lashillipi so netaxaỹaxanqajanqaipi quena' qaretaxaỹa'pegue' ñi qota'a, chaqai na napaxaguinataxanaq quena naqataxaquipi, chaqai na judioipi qo'xoiquipi, lapoỹata' quiyi nasoxoc yi la'a' so Caifás, lashi so netaxaỹaxanqajanqaipi.

Lucas 3:2

Qam hueetouguilo sauajo na'xata' co'na' so Anás chaqai so Caifás ñaq la'gaxalate' na letaxaỹaxanqajanqaipi na qomyipi quena' qaretaxaỹa'pegue' ñi qota'a co'na' ñi'maxare 'naapega so Juan, só'maq llaalec so Zacarías, huaalec yi 'laua sqaica qom.

Juan 11:49

Qam 'uo' so 'óna queso'maxare leenaxat Caifás. So'maxare chaqaiso' só'maq la'gaxala' na netaxaỹaxanqajanqaipi quena' qaretaxaỹa'pegue' ñi qota'a queso ñaaxa. So'maxare 'naaco': —Qamiri qaica ca 'yiiñii.

Juan 18:24

Ca' so Anás ila' so Jesús coñireta'ta' nqai'ne' naua laua', ilata so Caifás, só'maq lashi na netaxaỹaxanqajanqaipi.

Hechos 4:7

Ca' qarelaataxana'alo quiyim qanaueguerec so Pedro chaqai so Juan. Ca' qoỹandañigui na lavinñi, ca' qainate': —¿Negue' ca qamiri lelaatqa? chaqai ¿negue' leenaxat ca 'ueenataxañitapega quedajo?

Hechos 5:21

Ca co'na' 'xaita dajo, ca co'na' nete'etam queca liỹa na'xa'a, ca inoxondougui añi no'ueenaxanaxaqui, ca rapaxaguinataxanta'pe. Qam só'maq lashi na netaxaỹaxanqajanqaipi chaqai so lotauaripi lapoonta' na nashillipi ỹo'ueetegueñi na leloxoỹaxaquipi, ná'maq paguec qo'xoiquipi quena llaalqaipi so Israel. Ca qarelaataxane'ogalo saua lelaatqa so Jesús cañi neesaugui ncoñiitaxanaxaqui.