Hechos 4:21 - La'qaatqa ñi qota'olec Qota'olec & Qota'olec Novita Na Qomyipi

²¹ Ca' so nashillipi ỹaatqajam ỹadeneguelgoto, qam qaỹosoorec. Se qaỹa'den cá'maq qohine'tegue quiyim qaỹouaxane', ma' sá'ogue so qomyipi imaqachintac ñi qota'a quedá'maq 'neeta so qaỹo'uet.

Hechos 4:21 Iomraidhean Croise

Mateo 15:31

Vire'ta quiyim na qomyipi 'ue na le'laxa quena' iuana retaqa ná'maq qaicaua naua la'qaatqa, ná'maq qaica na lqai'laxat naloochiriñi naua lqai'laqate', ná'maq chisaq qauaata, chaqai ná'maq qai'laq liỹa neuanñi. Ca' quiyi, ca' qaimaqachintac ñi qota'a ñí'maq huelec ná'maq llaalqaipi so Israel.

Mateo 21:46

Co'na'le, ca ỹahotaco' coñi' so Jesús. Qam no'cha'o' so qomyipi, ma' so qomyipi ỹaatqajam letaxaỹaxanqajnec nqai'en ñi qota'a so Jesús.

Mateo 26:5

Qam 'neraco' quen: —Sqai huaugui nqaishinaq ca lapoxoc lodegaxat, qaiyi sqaica ca le'laxa na qom.

Mateo 9:33

Ca co'na' so Jesús ỹo'daauec so le'ec lecmaxaic, ca só'maq qaicaua caua la'qaatqa chaqa'ma' retaqa. Ca' so qomyipi i'laq, ca 'naaco': —Se ỹauanapega quiyim 'ue quet ca seuanaxa quena Israel 'nejem dajo.

Mateo 9:8

Ca' so qomyipi co'na' iuanchigui dajo, ca 'ue da lqolonaxa. Ca' imaqachintac ñi qota'olec ma' ỹaaneco' da lquesaxanaxa quena qomyipi.

Lucas 13:17

Ca co'na' 'naac dajo so Jesús, ca' sá'ogue so npa'guenaxauaripi ỹaatqajam 'xoic da layiloxo. Qam sá'ogue so liỹa qomyipi ỹaatqajam 'ue da netoonaxac na' iuanchigui da lecaic da ỹo'uet so Jesús.

Lucas 20:19

Ca' so lashillipi na netaxaỹaxanqajanqaipi quena' qaretaxaỹa'pegue' ñi qota'a chaqai so rapaxaguinataxanta'pegue na naqataxaquipi, saua'maxare chaqa'ma' ỹahosaque ỹacondelec queso na'xa'a so Jesús, ma' retane' quiyim chaqaisaua saua taachiguilo so qaraloqojnaxana. Qam qano'chitapega so qomyipi.

Lucas 20:6

Chaqai no'm shinqac chaqai qom ca ilarelec, ca' ná'ogue na qomyipi caalata'm qaralauat, inaxai' qomi', ỹodoxoua' na qa', ma' ỹaatqajam llic nqai'en quiyim so Juan ỹaatqajam la'qaataxanqajnec ñi qota'a.

Lucas 22:2

Ca' so la'gaxalateripi na netaxaỹaxanqajanqaipi quena' qaretaxaỹa'pegue' ñi qota'a, chaqai na rapaxaguinataxanta'pegue na naqataxaquipi, idaantaque ca la'maqa' quiyim ỹalauat so Jesús, qam 'ue na lqolonaxa quena qom.

Lucas 5:26

Ca' sá'ogue so qomyipi ỹaatqajam 'ue da le'laxa, chaqai qaimaqachintac ñi qota'a, chaqai ỹaatqajam 'ue da lqolonaxa. Ca' 'naaco': —Quena na'xa'a ỹaatqajam sqaica 'nejem da lecaic da seuanqachigui.

Hechos 4:17

Qalaxam quiyim sahoqai ca lqodoc dajo, qaiyi sqai eec quiyim qaỹa'den quena qomyipi, sadenaxalgoto' quiyim taachi'ñi tot ỹa'xate' da leenaxat so Jesús.

Hechos 4:22

Ma' so ỹale só'maq qaỹomatec, só'maq qailliichigui dajo netanec lodegaxat, mashic napacalgoto cuarenta ñaxari.

Hechos 5:13

Qam sqaica ca lapoouo quená'maq saqa' icoñiguit yi na'qaatec, qam na'maxare ỹaatqajam imaqachin ná'maq lapootecta'.

Hechos 5:26

Ca' eec so lashi ná'maq reloqota'a añi no'ueenaxanaxaqui, liỹa' saua nouaataxanaq lase', naueguero saua'maxare. Qam ỹa'maxate'teguelo, ma' no'chiisa'a na qom quiyim qainaxai' quena qa'.

Hechos 5:40

Ca sá'ogue so qomyipi chaqaida nqai'en da la'qaatec so Gamaliel. Ca qaroỹaxane'ogalo saua Jesús lelaatqa, ca qaỹouaxane', ca' qaỹaqatalo quiyim tot liỹa ỹa'xate' da leenaxat so Jesús. Ime, ca' qoỹaxandec.