Hechos 3:21 - La'qaatqa ñi qota'olec Qota'olec & Qota'olec Novita Na Qomyipi

²¹ Qam nagui ỹouen quiyim ñaqai neeta'gue da piguim so Jesucristo, ma' saqa' ỹovita ca na'xa'a quiyim ñi qota'olec ỹa'maxajñi dá'ogue da lo'ueenataxanaxac. Ma' chaqai 'naac ñi'maxare na' retaqaugui so 'auaxaic co'teeta la'qaataxanqajanqaipi.

Hechos 3:21 Iomraidhean Croise

Isaías 1:26

Ỹim so'uet quiyim 'ue ca imit na nasauaxaset 'nejem quesom chaqai na naqataxac lo'ollipi 'nejem na' ñaqai 'avichiguiñi. Ma' ime quiyim so'uet na'maxare, ca lotqai liỹa qohinac caqami' na'a' ỹo'ueetetac da ỹa'maqachiguiñi, na'a' Jerusalén qamaxarai. (1.27-31 Sauaqhuaic na qomyipi na'ñi yi na'a' lodegaxat.)

Lucas 1:70

Qam da'maxare dá'maq ỹachaxantapeguema qomi' co'na' qaỹa'xateta'guit quesá'ogue só'maq lca'acsec letaxaỹaxanqajanqaipi nallaaqo':

Hechos 1:11

Ca 'neraco': —Ỹale', qamiri lase' yi Galilea, ¿chi'negue ma' ra'iitashiguim quena piguim? Sojo Jesús taigue da piguim, chicqochiguinguilo qamiri, chaqaiso so'maxare ma'le liỹa rapil, chaqai 'nejem da 'neeta quiyim nagui ra'iita'pegue' eec.

Hechos 10:43

Chaqai qai'neeta shi'gue sá'ogue so letaxaỹaxaquiripi ñi qota'a ỹa'xateta'guit so Jesús, quiyim 'naac ná'ogue ná'maq huelec so'maxare, ca' qaỹapalaxate' caua lasauaxasete', ỹachigoxochichigui da leenaxat.

Hechos 3:19

Vichiguiño' nagui no'uen quiyim 'xañiñi naua no'ueenataxagohi, ca' nañaañiỹot ñi qota'olec, qaiyi ñi'maxare ỹapalaxate' naua rasauaxashichiri. Ca' ñi qara'gaxala' ishit quiyim nelatalo qamiri caua na'xata' quiyim ra'maxaichiguiñi,

Hechos 3:20

ma' nela' so Jesús só'maq nashi nca'laxaqui, só'maq shi'gue qaỹa'maxatetañi quiyim qanelatalo qamiri.

Romanos 8:21

ma' ỹovita quiyim ná'ogue na hueetalec na lauat na 'laua qaỹosouec queda ncoñiitaxac chaqai quiyim qanopoxoỹaxajñi, qaiyi nouanau'a dá'maq chalego lecaic nosoxoc ma'le na llaalqaipi ñi qota'a.

Hebreos 1:1

Queso 'auaxaic ñaxaripi ñi qota'a 'xoico' quen da letaxaỹaxac queso 'auaxaic qareta'allipi, qam ỹoreta'oguit na leloxoỹaxaquipi nqai'en quena' retaqa nqai'en so letaxaỹaxaquiripi.

2 Pedro 1:21

Ma' ná'maq letaxaỹaxanqajanqaipi ñi qota'a se ỹauana quiyim nodajlec quet ca ỹa'xat. Ta'ta'a quiyim saua'maxare ỹaatqajam nañaantetot ñi qota'a, chaqai quiyim ỹa'xate' ca la'qaatec ñi'maxare, ca' so Espíritu Santo retaxahi' nqai'ne' saua'maxare.

2 Pedro 3:2

Se couahi'e dá'maq la'qaategue' quesom sauá'maq letaxaỹaxanqajanqa ñi qota'a, chaqai da laqataxac so qara'gaxala' chaqai qarca'laxaqui Jesús dá'maq ỹapaxaguinque qamiri sauá'maq lelaatqa so'maxare.

Apocalipsis 18:20

Qam qami' piguim, chaqai qamiri lelaatqa so Jesús, chaqai ná'maq letaxaỹaxaquiripi ñi qota'a, chaqai ná'ogue ná'maq lalamaxareteripi ñi'maxare, netooñigue yijo na'a' lodegaxat, ma' ñi qota'a ỹo'uet da nouaxanaxaset yi'maxare, ma' sougui dá'maq 'ne'teguelo qamiri.

Apocalipsis 22:6

Ca na' ime, ca' so nelaatec piguim le'ec 'naapiguiỹa': —Nauajo na'qaatqa ỹaatqajam lliquete', chaqai ishit quiyim qaipi'ỹa'alo. Ca' ñi qara'gaxala' qota'olec ñí'maq ỹo'uet da lquesaxanaxa ná'maq la'qaataxanqajanqaipi, chaqaiñi ñí'maq nela' so lelaatec piguim le'ec, ma' ỹahotaque ỹachaxanem na lelaatqaipi ná'maq sqaỹaloq re'oq ma'le.