Hechos 3:2 - La'qaatqa ñi qota'olec Qota'olec & Qota'olec Novita Na Qomyipi

² Saua'que saua na'xata' neeta'ño' quen yí so ỹale. So'maxare co'na' chi ne'qaañi chaqa'ma' se ra'ñiiguelo naua lichil. Qaỹodou'o' quen añi no'ueenaxanaxaqui, ca qailla'ñi ñi lasom leenaxat Lo'yaxana, lashiilaxanqa' quená'maq inoxono quiñi'maxare.

Hechos 3:2 Iomraidhean Croise

Lucas 16:20

Chaqai qai'neeta 'uo' so ỹale ỹaatqajam 'xoraic, leenaxat Lázaro. So'maxare ỹaatqajam no'qaata na loshicmaxa quena li'i na lquenaxa, ca' so'maxare nqa'xantañi quena 'laua, nqa'xantau'a na lahi ñi lauo' lasom so nesallaxanec.

Lucas 18:35

Co'na' so Jesús ipalatau'a yi na'a' Jericó, ca 'uo' so qai'laq nqa'xantañi quena lahi so nayic. So'maxare rashiilaxantac.

Juan 9:8

Ca ná'maq la'aayaxauaripi, chaqai ná'maq shi'co' quen iuana so'maxare quiyim qai'laq, 'naaco' quen: —¿Mesqaido' dajo dá'maq nqa'xantañi quen, ca rashiilaxantac?

Hechos 10:31

Ca 'naapiguiỹa': “Cornelio, ñi qota'olec 'xaỹa da nqouagaxainaxaqui' chaqai ỹo'leenta'a da rqouagaxa'e' quena' tauañi'sac ná'maq 'ue na louenaxanaxa.

Hechos 10:4

Qam so Cornelio chi ra'iito'oto' so nelaatec chicqashiguim, ma' 'xoic da lqolonaxa, chi nacantauco' quiyim inat: —¿Negue' ca, qami' ỹa'gaxala'? Ca' so nelaatec 'naaco': —Ñi qota'olec ỹacoñiguit da nqouagaxainaxaqui' chaqai da 'ñiisari' quena' tauañi' ná'maq 'ue louenaxanaxa.

Hechos 14:8

Quiyi Listra 'uo' ca ỹale se qaua. Chi nqa'xantañi, ma' naca'ogue' se ra'ñiiguelo naua lichil. Ca' se ỹauanapega ỹouoiguiri'.

Hechos 3:10

Ca ỹaatqajam 'xoic na le'laxa chaqai no'daxatetec quedá'maq 'neeta, ma' neuanatec so ỹale quiyim chaqaiso só'maq nqa'xantaño' quen, rashiilaxantac, neeta'ñi ñi no'ueenaxanaxaqui lasom, leenaxat Lo'yaxana.

Hechos 4:22

Ma' so ỹale só'maq qaỹomatec, só'maq qailliichigui dajo netanec lodegaxat, mashic napacalgoto cuarenta ñaxari.