Hechos 3:16 - La'qaatqa ñi qota'olec Qota'olec & Qota'olec Novita Na Qomyipi

¹⁶ Ca' queda leenaxat so Jesús, só'maq sa'xatetac, loqo'm quiyim qaipi'ỹa'a da leenaxat, chaqaida dá'maq ỹa'ue da lquesaxanaxa najo ỹale huañiỹa chaqai 'yiiñii. Dajo npi'ỹaxac queso Jesús, chaqaida dá'maq ỹaatqajam ỹomatec. Ca' qamiá'ogue qamiri nagui 'ajñitac.

Hechos 3:16 Iomraidhean Croise

Mateo 14:29

Ca' so Jesús 'naaco': —Hua', naqui'. Co'na'le, ca' so Pedro renotec caso neesañigui, ca' qauaata, queetalec so huaxaỹaq, quepegue' yí'maq hueete'e so Jesús.

Mateo 9:22

Qam so Jesús naqalgoxoñi, ca ra'ỹo'ot aso 'aalo. Ca 'naaco': —Na'ñaxachi', ỹaalole; mashic vi'relec, ca nagui remi'rec. Ca' queca'maxare, ca chaqa'ma' imeuec.

Juan 14:12

Ỹaatqajam llic da shinac caqamiri, quiyim quecá'maq huelec aỹim, ca ishit ỹo'uet qai'neeta dá'maq so'uet, chaqai paguec lecaic ma'le ca ỹo'uet, ma' ỹim shicpegue' ñi qota'a.

Juan 7:23

Hua', qam nagui quiyim se napaguiỹalec na naqataxaquipi chicqo'ot so Moisés, ca' qamiri 'viichii ca netanec ca noctoqui', 'eno'm viichigui yi na'xa'a co'mataxaqui, qam ¿chi'neco' 'ohi caỹim ma' imeuec nqaishin ná'ogue na loshicmaxa so ỹale queso na'xa'a co'mataxaqui?

Hechos 14:9

So ỹale na'xaỹaxantapego' da ỹa'xatetac so Pablo. Ca' so Pablo idaana'a so'maxare, ca iuana so ỹale quiyim 'ue da lpi'ỹaxac, ca ishiteta imeuec.

Hechos 16:18

Mashic 'vio' saua na'xata' queda 'neetari', vire'to' na' so Pablo se ỹa'maxaren da 'neetari', ca nqovilque'te, ca nelaxa so le'ec, 'naaco': —Qami' soda'a nagui da leenaxat so Jesucristo, noxoñi'uec cana'maxare. Ca so ne'ec chaqa'ma' eec, ca'e aso'maxare.

Hechos 3:6

Qam so Pedro 'naaco': —Qaca aca ỹam plata chaqai aca oro, qalaxam dá'maq hueeta'ỹot saanem qami'. So'ueenataxantapega da lquesaxanaxa so Jesús, Nazaret le'ec, vichiguiño' nagui shinapega qami', ne'laxachirishiguim, ca' qui'.

Hechos 3:8

Ca chaqa'ma' ỹouoiguiri', ca liỹaasaho saua'maxare quiñi no'ueenaxanaxaqui, qauaata chaqai nenotetashiguim, imaqachintac ñi qota'olec.

Hechos 4:10

Ca' nagui sa'qaataxanaxalo qamiri, qaiyi ná'ogue ỹa'den na Israel laseripi quenajo ỹale hueete'ena nagui ỹaatqajam imeuec chicqochigui da leenaxat so Jesucristo, Nazaret le'ec, só'maq lauachii chaqai pachiñiho, qam ñi qota'olec liỹa nca'leuec nqai'en.

Hechos 4:30

chaqai ỹomaterec na ralolaxaic quedá'maq rquesaxanaxa'e', chaqai ỹo'ueete' na netanqaipi chaqai na se qaiuanapega, quiichigui da leenaxat so co'teeta qachaalqui' Jesús.

Hechos 4:7

Ca' qarelaataxana'alo quiyim qanaueguerec so Pedro chaqai so Juan. Ca' qoỹandañigui na lavinñi, ca' qainate': —¿Negue' ca qamiri lelaatqa? chaqai ¿negue' leenaxat ca 'ueenataxañitapega quedajo?

Romanos 3:22

Dá'maq 'neeta quiyim icoñi'chiguita qomi' ñi'maxare chicqochigui quiyim qomi' 'ue da qarpi'ỹaxac queso Jesucristo. Ca' chaqaida 'ne'tegue quená'ogue ná'maq huelec so'maxare, qaica ca ỹapacqajnauec.

1 Corintios 13:2

Chaqai no'm sa'xateta'pe naua la'qaatqa ñi qota'a, chaqai sa'den ná'ogue nanchaqaina se re'xogui, chaqai somata'ta' ná'ogue na na'deenaxanaxa, chaqai queda ipi'ỹaxac mashic ỹovita quiyim seshit ñqo'naxat aca ladocai quemaralec, qam quiyim qaica ca i'xorenataxanaxa, qaiyiita qaica ca shinegue.