Hechos 3:12 - La'qaatqa ñi qota'olec Qota'olec & Qota'olec Novita Na Qomyipi

¹² Ca co'na' iuana dajo so Pedro, ca 'naapego' so qomyipi: —Qamiri ỹalliripi Israel laseripi, ¿chi'negue ma' 'xoic na re'laxahi? ¿Chi'negue ma' ra'iito'oto qomi'? ¿Mashic 'eco' chaqaiqomi' naua somataxauec dajo ỹale, qaua nqaishinaq quecá'maq chi qarquesaxanaxa, loqo'm queda quiyim sa'maxataqa'tegue ñi qota'olec?

Hechos 3:12 Iomraidhean Croise

Génesis 40:8

—'Ue so qare'guemataxac, qam qaica cá'maq ichoxot ca leloxoỹaxac —'neraco' saua'maxare. —Ca ¿mesqaiño' ñi qota'olec ñí'maq ichoxot cá'maq leloxoỹaxac? —'naaco' so José—. Qamaxahi, 'xachii caỹim cá'maq re'guemataxaguii.

Génesis 41:16

Ca' so José 'naaco': —Qam mesqaỹim chicqochigui. Qam ñi qota'olec ỹaañiraxarom ca leloxoỹaxac, qam da'maxare chi ra'maxa'e'.

Juan 7:18

Cá'maq chi lo'ueenatec ca ỹa'xat, ỹo'uet, ma' ỹahotaque quiyim qaimaqachin quena qom. Qam cá'maq ỹahotaque quiyim qaimaqachin cá'maq nelaatqo', ca' chaqaica cá'maq ỹaatqajam llic ca ỹa'xatetac, chaqai qaica ca na'maachic hueetagui.

Hechos 13:26

Qamiri ỹaqaỹarolqa, llaalqaipi so Abraham, chaqai ná'ogue ná'maq no'cha'a ñi qota'olec: qomá'ogue taỹauguilo da na'qaatec chicqaugui da nca'laxa.

Hechos 2:22

Qamiri ỹalliripi Israel laseripi, ñaq na'xaỹaxañiỹa dá'maq sa'xat nagui: So Jesús, Nazaret le'ec, ỹaatqajam re'qoota quiyim lelaatec ñi qota'a. Chaqai huañichigui quena' 'ue da ỹo'uet chalego da ne'laxa quená'maq se qaiuanapega, chaqai na netanqaipi. Naua'maxare ỹaatqajam qota'a lo'ueenataxanaxaco, qam qaiyiita ỹo'ueete' so'maxare na' qamiri ỹalequetauguilo. Chaqai mashic qamiri 'yiiñita.

Hechos 3:11

So ỹale se ra'ñiigue só'maq chita'gue qaỹomatec sqai ỹaxandec saua Pedro chaqai so Juan. Ca' sá'ogue so qomyipi 'xoic da le'laxa, vichiguiño' ne'guenta'ogalo quiyi hueesa'ñi, yí'maq cañi no'ueenaxanaxaqui late'ogue' leenaxat Nasoxoc so Salomón.

Hechos 3:13

Mesqaida. Qam ñi qota'olec ñí'maq huerelec sauá'maq 'au sachigoxosqauguilo Abraham, Isaac chaqai so Jacob ỹaanem quiyim paguec lichoxoric nqai'en so llaalec Jesús, só'maq qamiri 'ỹaañiu'a na nashillipi. Chaqai na' so Pilato ỹahotaque ỹosouec, qamiri sqa 'maxariñii.

Romanos 11:1

Nagui, ca' senataxan: ¿Peeta'a ñi qota'olec tot icoñiguito' nagui so Israel laseripi só'maq lalamaxareteripi? ¡'E', mesqaida! Ma' ỹim qai'neeta ỹim Israel le'ec, ỹim lauo' le'ec so Abraham, chaqai sachigoxougui na llaalqaipi so laual Benjamín.

Romanos 9:4

Ma' na'maxare chaqai llaalqaipi so Israel, chaqai ñi qota'a icoñiguit 'neeta'gue meca llaalqaipi. Ñi'maxare ỹaatqajam ỹalequetaugui na'le na'maxare chalego loyac so lauaq, chaqai ỹaanema naua na'maqataxaco, na naqataxaquipi chicqo'ot so Moisés, chaqai da leloxoỹaxac quiyim qaimaqachin ñi'maxare, chaqai naua ỹachaxanta'pe quiyim ỹaanema.

2 Corintios 3:5

Mesqai chaqai chicqochiguilo qomi' ca qarquesaxanaxa quiyim 'ue ca so'ueetaq, ta'ta'a quiyim ná'ogue ná'maq so'ueetqatac chicqo'ot ñi qota'a.

Apocalipsis 7:13

Ca 'ue so 'óna queso qo'xoiquipi yinat: —¿Nega'ỹo' ná'maq najo ná'maq ỹantañi na nooỹac lalagaxaic, chaqai negue' cá'maq chicqa'gue?